Светот треба да го слуша гласот на Кина за да се стави крај на војната во Украина, изјави денеска шпанскиот премиер Педро Санчез во пресрет на неговата посета на Пекинг следната недела.

„Кина е глобален фактор и очигледно мораме да го слушаме нејзиниот глас за да видиме дали можеме да ја прекинеме таа војна и Украина да го врати својот територијален интегритет“, рече Санчез по состанокот на Европскиот совет во Брисел.

На 31 март тој треба да се сретне со претседателот Ши Џјинпинг во Пекинг.

Се очекува фокусот на разговорите да биде токму конфликтот во Украина, кон кој Кина, како што тврди, зазеде „непристрасен“ став, презентирајќи мировен план од 12 точки.

Во меѓувреме, Пекинг повика на сеопфатен прекин на огнот.

Санчез јавно го поддржа мировниот предлог на украинскиот претседател Володимир Зеленски, кој вклучува барања за враќање на украинската територија во статус кво пред руската анексија на Крим во 2014 година,пренесе Индекс.хр.

Група украински деца кои руските власти ги киднапирале и со месеци ги држеле во кампови се ослободени и вратени дома, пренесува „Дејли мејл“.

На Крим биле однесени 17 млади луѓе на кои им било кажано дека нивните семејства ги напуштиле.

Хуманитарна организација вчера ја врати првата група киднапирани деца во нивните домови, каде што раскажаа како Русите ги тепале со метални прачки доколку изразат поддршка за Киев.

Минатата недела Меѓународниот кривичен суд издаде налог за апсење на рускиот претседател Владимир Путин, обвинувајќи го за воени злосторства поради присилната депортација на 16.000 украински деца.

Еден тинејџер раскажа како децата ги тепале со стапови ако зборуваат надвор од редот. Тој рече дека службеникот за обезбедување го предупредил: „Ќе те однесеме во интернат, таму ќе разбереш сè“.

Тој додаде дека киднаперите му се заканувале дека ќе го однесат во Псков, руски град во близина на границата со Естонија, 500 милји северно од Киев.

„Тие рекоа дека ќе не однесат во Псков… и таму ќе бидеме посвоени“, рече тој.

Неколку моменти откако автобусот што го вратил него и десетици други деца од територијата под руска контрола пристигнал во Киев, 10-годишното момче скокнало право во прегратките на својот татко.

Денис Запорожченко го држел својот син и го бакнал во челото пред да ги прегрне двете ќерки, кои биле меѓу 17-те деца кои со месеци биле одвоени од родителите.

Собирот го организираше „Спасете ја Украина“, невладина организација која се бори против илегалната депортација на украинските деца на територијата под руска контрола.

Повеќе од 16.000 украински деца се депортирани, според Киев, во Русија од инвазијата на 24 февруари 2022 година, а многумина, наводно, сместени во институции и домови за згрижување.

Русија ги негира обвинувањата, велејќи наместо тоа дека ги спасила украинските деца од ужасите на војната.

Сепак, МКС минатата недела издаде налог за апсење на претседателот Владимир Путин за незаконско депортирање на украински деца.

Некои деца со кои разговараше АФП го опишаа нивото на политичка индоктринација.

„Ако не ја пеевме руската химна, нè тераа да напишеме објаснување“, изјави 15-годишната Таисија.

Четириесет и тригодишната Инеса Вертош изјави дека нејзиниот син станал посериозен по долгата разделба.

„Тој ме гледа и ми вели: „Мамо, нема да ти кажам за тоа, не би спиела навечер“, рече таа.

Едно дете рече дека Русите планирале да ги однесат во Псков каде што ќе бидат посвоени.

Во обид да ги едуцираат, руските власти тепале украински деца, изјавил тинејџер кој бил меѓу неколкуте десетици деца ослободени од руските домови и младински кампови по повеќемесечни преговори, пишува британски „Телеграф“.

Децата, претежно тинејџери, живееле во деловите окупирани од Русија на регионите Харков и Керсон, кога локалните власти предложиле да бидат испратени во летен камп на Крим.

Но, администраторите на тој камп одбија да ги испратат децата дома кога нивните градови беа ослободени од украинските сили.

Едно од ослободените момчиња изјави за локалната телевизија како се однесувале кон нив. Тинејџерот, чиј идентитет не е откриен, рече дека децата од регионот Херсон биле казнети доколку изразуваат проукраински ставови.

„Ќе те однесеме во сиропиталиште. Ќе седиш таму додека не разбереш се“, го цитира момчето чуварот на кампот. Тој, исто така, рече дека видел модринки на грбот на една девојка, наводно поради удар со стап.

Момчето рече дека управителот на кампот му рекол дека родителите се откажале од него и го дале на посвојување. Но, кога конечно и се јавил на мајка си, таа му рекла дека такво нешто никогаш не ѝ паднало на памет.

Раководителите на кампот во еден момент и рекле на мајката на момчето дека „нема да го однесат синот никаде бидејќи тој сега е дете на Русија“,пренесе Телеграф.рс.

Полицијата сѐ повеќе се сомнева дека убиството на малата Луиза било планирано, особено кога се појавија нови детали од истрагата.

Полицијата ги пребарала куќите на девојките и пронашла докази дека тие биле под истрага за кривична одговорност пред убиството на Луиза.

„Билд“ пишува дека девојките наводно злосторството го планирале со денови. Тие тврдат дека при пребарувањето на „Гугл“ на нивните телефони откриле дека го барале терминот „отсуство на кривична одговорност“.

Иако девојките го признале убиството, оружјето со кое го извршиле делото сѐ уште не е пронајдено.

Во меѓувреме, полицијата ја прекина потрагата по оружјето. Имаше шпекулации дека се работи за мал нож, а британски „Дејли мејл“ објави дека Луиза можеби е убиена со турпија за нокти.

„Не се планирани натамошни претреси на областа. Направивме сѐ што е човечки можно за да го најдеме оружјето со кое беше убиена“, соопштија од полицијата.

Медиумите потсетуваат дека 12-годишната Луиза била избодена 32 пати од своите пријателки, кои потоа ја оставиле да искрвави. Неофицијалната тепачка меѓу пријателките избувнала поради видео на „Тик-ток“, а ножот со кој беше прободена Луиза никогаш не беше пронајден.

Германски „Билд“ претходно објави дека Луиза наводно првин била малтретирана, потоа избодена и оставена сама да крвави до смрт во шумата.

Поради големиот број убодни рани и степенот на повреди по телото на девојчето, обвинителите говорат и за таканареченото претерано убиство.

Неофицијално, најдобрата пријателка на Луиза (13) ја убедувала помладата девојка да ја убие Луиза. Сомнежите се дека мотивот за убиството е одмазда.

Соседите ги виделе девојчињата заедно во шумата.

Девојчињата подоцна се соочиле со своите контрадикторни изјави пред родителите и психолозите по што го признале делото.