Свет
Во поплави во Јапонија загинаа речиси 50 луѓе, повеќе од 40.000 спасувачи на теренот
Спасувачите во југозападниот дел на Јапонија продолжуваат со трката против времето за да ги спасат жителите заробени на места погодени од големите поплави и лизгање на земјиштето, во кои загинаа речиси 50 луѓе досега, а десетина се сметаат за исчезнати.
Обилните дождови нема да запрат до четврток, објави Метеоролошкиот завод, кој повторно издаде најголемо предупредување за опасност од поплави и лизгање на земјиштето на островот Кјушу, во југозападниот дел на јапонскиот архипелаг.
Временската непогода најтешко ја погоди префектурата Кумамото, каде што загинаа 49 лица.
Локалниот претставник Јутаро Хамасаки изјави дека припадниците на службата за пребарување и спасување ја продолжуваат трката со време за спасување на жителите што биле блокирани во своите домови поради поплавите.
„Ние не поставивме временска рамка за спасувачите, но навистина мора да го забрзаме темпото затоа што времето истекува. Нема да ги оставиме луѓето“, рече Хамасаки.
Поради големото невреме што трае неколку дена, се очекува да се зголеми бројот на жртвите.
Повеќе од 40.000 полицајци, пожарникари, припадници на крајбрежната стража и цивилната заштита се распоредени на теренот, а други доаѓаат на помош, како што е Кентаро Оиши, кој обично носи туристи на рафтинг.
„Со рафтинг се занимавам 20 години, но вакви поплави не сум видел“, рече Оиши додавајќи дека никогаш не можел да замисли дека ќе мора да плови по улиците на градот.
Евакуацијата на оние што се изложени на ризик е дополнително комплицирана од стравувањата од коронавирусот и воведените мерки.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Од строго чуван затвор во Португалија побегнаа петмина затвореници
Петмина затвореници, меѓу кои еден Британец, Аргентинец и Грузиец, како и двајца Португалци, побегнаа од строго чуваниот затвор во Вале де Жудеуш, 30 км северно од Лисабон, соопштија португалските власти.
Според португалската затворска служба, мажите на возраст од 33 до 61 година побегнале вчера во 10:00 часот со помош однадвор, користејќи скали за да ја прескокнат затворската ограда. Полицијата веднаш била испратена за да ги пронајде бегалците, соопштија властите.
Двајцата Португалци служеле казни од 25 години за дела поврзани со трговија со дрога, кражби, грабежи и киднапирања. Останатите тројца исто така биле осудени за слични кривични дела.
Затворот Вале де Жудеуш е строго обезбеден и има капацитет од 560 затвореници.
Регион
Легендарниот рокер Бора Чорба погребан со хитот “Погледај дом свој анџеле“
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Свет
Вселенското летало Старлајнер на Боинг слета без екипаж
Вселенското летало Старлајнер на Боинг слета без екипаж во пустината во Ново Мексико, со што заврши тримесечната пробна мисија отежната од технички проблеми.
Вселенското летало доцна синоќа самостојно го почна своето шестчасовно патување до Земјата, а астронаутите Буч Вилмор и Сани Вилијамс, првиот екипаж што леташе со Старлајнер, останаа на Меѓународната вселенска станица (МВС).
Беше одлучено Вилмор и Вилијамс да останат на МВЦ до февруари 2025 година, бидејќи Старлајнер се врати на Земјата користејќи маневри премногу опасни за екипажот.
Леталото повторно влезе во атмосферата на Земјата околу 5 часот утрово по средноевропско време, со орбитална брзина од приближно 27.400 километри на час.
Вилмор и Вилијамс ќе продолжат да спроведуваат научни експерименти додека се во вселената, а се очекува да се вратат на Земјата во февруари 2025 година со вселенско летало на компанијата СпејкИкс.