Свет
Во Украина почна да пристигнува американската воена помош

Некои пратки со американската воена помош почнаа да пристигнуваат во Украина, изјави претставник на Белата куќа, цитиран од Си-Ен-Ен.
Претходно оваа недела, претседателот Џо Бајден одобри дополнителни 800 милиони долари воена помош за Украина.
Тој рече дека поддршката ќе вклучи ново оружје приспособено да се бори против очекуваниот руски „поширок напад“ на исток.
САД ветија дека ќе обезбедат повеќе од 3 милијарди долари воена помош за Украина под администрацијата на Бајден.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Лавров: Западот ѝ објави тотална војна на Русија

Рускиот министер за надворешни работи Сергеј Лавров ги обвини западните земји дека водат „тотална војна“ против Русија и рускиот народ и култура.
„ Западните земји ја укинуваат Русија и се што е поврзано со Русија, што вклучува забрана на руски писатели, композитори и други важни културни личности“, рече тој на прес-конференција во руското Министерство за надворешни работи.
„ Западот ни објави тотална војна нам, на целиот руски свет. Културата на укинување на Русија и се што е поврзано со нашата земја веќе води кон апсурдни ситуации“, рече Лавров.
Тој додаде дека „може да се каже дека таква ситуација ќе биде присутна уште долго“.
Тој рече дека „САД и нивните сателити ги удвојуваат, тројно, четирикратно ги зголемуваат своите напори против нашата земја“ користејќи „широк опсег на средства – од еднострани економски санкции до лажна пропаганда во глобалниот медиумски простор“.
„ Во многу западни земји, секојдневната русофобија стана втора природа. Тоа е без преседан. На наше големо жалење, таквото однесување е поддржано и охрабрено од владите на многу земји“, рече Лавров.
Свет
Во Тексас собир на лобистите за оружје, ќе се обрати и Трамп

Неколку дена по убиството на 19 деца и 2 учители во основното училиште во Увалде, денес во Тексас почнува годишната конвенција на американските лобисти за оружје (НРА). На присутните треба да им се обрати поранешниот претседател Доналд Трамп, кој за време на неговиот мандат не сакаше да го ограничи поседувањето оружје.
Конвенцијата на НРА почнува во Хјустон, каде што републиканците, вклучително и американскиот сенатор Тед Круз од Тексас и Трамп, ќе ѝ се обратат на групата што се бори за правата за носење оружје.
Неодамнешните престрелки во целата земја повторно ја разгореа дебатата за законите за оружје во САД. Масакрот во Увалде се случи само 10 дена откога самопрогласен бел расист застрела 13 луѓе во супермаркет во населба со претежно афроамериканско население во Бафало, Њујорк. Претседателот Џо Бајден и неговите колеги демократи ветија дека ќе извршат притисок за нови ограничувања за употреба на оружје и покрај отпорот на републиканците.
Но, малку е веројатно дека Конгресот ќе одобри построги закони за оружје бидејќи сите републиканци се противат наведувајќи го правото да носат оружје според Уставот на САД. Гувернерот на Тексас, Грег Абот, кој се надева на реизбор во ноември, смета дека построгите закони за оружјето не го спречуваат насилството. Пратениците, вели тој, треба да се фокусираат на превенција и третман на менталното здравје.
Потврдувајќи го своето учество на митингот, Трамп рече дека на САД им требаат вистински решенија и вистинско лидерство во овој период, а не политичари и пристрасни размислувања. Тој му вети на американскиот народ важен говор. Годишниот митинг се одржува во време кога полицијата е на удар на критики затоа што, наводно, ѝ требало премногу долго за да интервенира во училиштето во Увалде.
Регион
Русија протера петмина хрватски дипломати

Русија прогласи за непожелни пет хрватски дипломати во хрватската амбасада во Москва, а на хрватскиот амбасадор му беше врачена нота.
Според соопштението на Министерството, прогласувањето на дипломатите за персона нон грата е одговор на „непријателските чекори“ што Загреб претходно ги презеде за да го намали бројот на членови на руската дипломатска мисија.
На хрватскиот амбасадор му беше врачен остар протест во руското Министерство поради, како што се наведува, неоснованите обиди на хрватските власти да ја обвинат Русија за воените злосторства во Украина и за воената помош на Киев.
Хрватска протера 24 руски дипломати во април поради руската воена интервенција против Украина.