Генералното собрание на Обединетите нации усвои резолуција со која се бара од Русија да обезбеди итно, безбедно и безусловно враќање на сите украински деца присилно префрлени или депортирани за време на војната во Украина и се повикува Москва да ја прекине таа практика.

Резолуцијата ја усвоија 91 земја-членка на Генералното собрание на ОН, вклучувајќи ги и САД, со 57 воздржани, а Русија и 11 други земји гласаа против, објави Ројтерс.

#BREAKING
General Assembly ADOPTS resolution demanding that Russia ensure the immediate, safe and unconditional return of all Ukrainian children who have been forcibly transferred or deported

In Favor: 91
Against: 12
Abstain: 57 pic.twitter.com/0xdtDyzPT4

— UN News (@UN_News_Centre) December 3, 2025

Следните земји гласаа против: Белорусија, Буркина Фасо, Бурунди, Куба, ДР Конго, Еритреја, Мали, Никарагва, Нигер, Русија и Судан.

Русија побара резолуцијата, подготвена од Украина, Канада и Европската Унија, да не биде усвоена. „Секој глас за резолуцијата е поддршка за лаги, војна и конфликт. Секој глас против е глас за мир“, изјави заменик-амбасадорката на Русија во ОН, Марија Заболоцкаја, пред Генералното собрание пред гласањето.

Резолуциите на Генералното собрание не се обврзувачки. Првата дама на САД, Меланија Трамп, во октомври изјави дека е во „отворена комуникација“ со рускиот претседател Владимир Путин и дека некои деца се вратени кај нивните семејства, а уште повеќе ќе бидат вратени.

Меѓународниот кривичен суд издаде налог за апсење на Путин во март 2023 година, обвинувајќи го за воено злосторство за нелегално депортирање стотици деца од Украина, потег што Русија го отфрли како „скандалозен и неприфатлив“.

Украина ја обвинува Русија за киднапирање десетици илјади деца и нивно префрлање во Русија или територија окупирана од Русија без согласност на нивните семејства или старатели. Москва претходно изјави дека руската војска „ги штити ранливите деца од воените зони“.

Владејачките израелски партии го бојкотираа парламентарното гласање за мировниот план за Газа што го поддржуваат САД. Израелските медиуми јавија дека речиси сите членови на коалицијата не учествувале на гласањето, што било и очекувано, бидејќи десничарските партнери на премиерот Бенјамин Нетанјаху се против планот.

Иако предлогот на опозицискиот лидер Јаир Лапид нема практична тежина, претставува непријатност за Нетанјаху, кој веќе се согласил со планот за завршување на војната во Газа, а првата фаза е во тек.

Лапид изјавил дека е „изненаден и разочаран“ што Нетанјаху не присуствувал на гласањето. Опозициониот арапски пратеник Мансур Абас за Хаарец изјавил: „Што ќе му каже Нетанјаху на претседателот Трамп кога за две недели ќе се сретне со него?“

Американскиот претседател Доналд Трамп го претстави мировниот план во септември и го поканил Нетанјаху во посета на Белата куќа. Дел од коалициските партнери се вознемирени поради формулацијата во планот што споменува предуслови „за доверлив пат кон палестинско самоопределување и државност“.

Нетанјаху и неговата влада ја отфрлаат идејата за палестинска држава, тврдејќи дека тоа би ја загрозило безбедноста на Израел.

Демократите од Одборот за надзор на Претставничкиот дом објавија „никогаш претходно видени“ фотографии и снимки од приватниот карипски остров на починатиот сексуален предатор Џефри Епштајн. Во објавата на „Икс“ се наведува дека материјалите претставуваат „морничав поглед зад затворени врати“.

„Ги објавуваме за да обезбедиме јавна транспарентност и да помогнеме во составување целосна слика за неговите ужасни злосторства“, изјави демократот Роберт Гарсија, додавајќи дека „борбата за правда за преживеаните продолжува“.

Фотографиите покажуваат празни дворишта, спални соби и други простории од вилата, меѓу кои и бања со наредени перници.

🚨 BREAKING: Oversight Dems have received never-before-seen photos and videos of Jeffrey Epstein’s private island that are a harrowing look behind Epstein’s closed doors.

See for yourself. We won’t stop fighting until we end this cover-up and deliver justice for the survivors. pic.twitter.com/qXmxFISZLS

— Oversight Dems (@OversightDems) December 3, 2025

Министерството за правда на САД има рок до средината на декември да ги објави сите документи што ги поседува за Епштајн. Гарсија порача дека „време е претседателот Трамп веднаш да ги објави сите документи“.

По апсeњето на Епштајн во 2019 година и неговата смрт во притвор, јавноста со години бара целосна објава на документацијата — листи, комуникации, искази и други материјали. Притисокот расте и од демократи и од републиканци, со тврдења дека документите може да откријат нови детали за мрежата и можни вмешани лица.