Порно ѕвездата Сторми Даниелс тврди дека снимките од телефонски разговори, кои таа му ги предала на својот адвокат, ќе го „болат“ поранешниот американски претседател Доналд Трамп.

44-годишната Даниелс се најде во центарот на истрагата на окружниот обвинител на Менхетен, Алвин Брего, што Обвинителството ја води против 76-годишниот Трамп, поради неговата наводна исплата на 130.000 долари на Даниелс за време на претседателската кампања во САД во 2016 година.

Наводно и била платена сума за да и се „купи“ молчењето за нивната секс афера од 2006 година.

„Сигурна сум дека јас ќе се смеам последна. Денеска му дадов информации за мојот телефон на мојот адвокат (ова ќе го боли!) и планирам активности за пролетниот распуст со моето дете. Беше убав ден“, напиша Даниелс на Твитер.

Сторми почна јавно да зборува за доказите откако сослушувањето на големата порота беше ненадејно откажано откако неидентификуван сведок не се појави на суд.

Минатата недела, Даниелс и нејзиниот адвокат, Кларк Брустер, за прв пат се сретнаа со канцеларијата на окружниот обвинител на Менхетен поради извештаите дека обвинението против Трамп е неизбежно.

„Сторми одговараше на прашања и се согласи да се стави на располагање како сведок и да биде достапна за понатамошна истрага доколку е потребно“, рече Брустер.

Да потсетиме, Сторми за прв пат се сретна со Трамп во летото 2006 година на хуманитарен голф турнир во близина на езерото Тахо, во планините Сиера, на самата граница на Калифорнија и Невада. Таа тогаш имаше 27 години, а Трамп 60. Според неа, тој ја поканил во својот стан на вечера и ја пречекал во пижами, удобно легнат на каучот. Тие потоа се го имале, како што таа го опиша „најдосадниот секс во нејзиниот живот“. Трамп, од друга страна, негира дека некогаш бил интимен со Даниелс и ја обвинува за „изнуда“ и „тотална измама“.

Она што со сигурност се знае е дека Даниелс добила 130.000 долари за нејзиниот молк пред претседателските избори во 2016 година. Исплатата е дел од истрагата на Окружниот суд на Менхетен за можни прекршувања на законите за финансирање на кампањата.

Кога таа финансиска трансакција излезе на виделина во 2018 година, Даниелс побара од судот да го поништи нејзиниот договор за необјавување со Трамп и почна да се појавува на телевизиски емисии.

Шефот на руската платеничка група, Вагнер, најверојатно ќе го сврти своето внимание од војната во Украина, објави „Блумберг“ во четвртокот, цитирајќи извори запознаени со ова прашање.

Според извори на „Блумберг“, Евгениј Пригожин планира да го префрли својот фокус назад кон Африка, за каде се верува дека има негови борци. Станува збор за земји како Судан, Централноафриканската Република, Мали.

Се верува дека наводната промена на планот е поврзана со неодамнешните несогласувања помеѓу Пригожин и највисоките воени команданти кои посеаја сомнежи кај рускиот претседател Владимир Путин за воените способности на Вагнер, изјавиле за „Блумберг“ луѓе блиски до Кремљ и разузнавачките служби, кои сакале да останат анонимни.

Наводно, командантите тврделе дека резултатите што ги постигнал Вагнер во Украина дошле со фрлање на огромен број регрутирани затвореници во смрт, објави „Москва тајмс“. Претходно, Пригожин беше снимен како лично регрутира затвореници да се борат за Вагнер во Украина, а снимките биле направени во неколку руски затвори кон крајот на летото и почетокот на есента.

„Блумберг“ додава дека операциите на Вагнер во Африка веројатно ќе привлечат поголемо внимание од Пригожин, доколку ситуацијата во Украина стане потешка за платеничката група.

„Нацрт-известувањето на Вагнер објавено во понеделникот, исто така, нуди барања за служење во Африка кои се движат од девет до 14 месеци, наведувајќи дека оние што се регрутирани ќе бидат сместени во резерва“, напиша медиумот.

По години работа во сенка, Вагнер групата зачекори во центарот на вниманието среде инвазијата на Украина и презеде водечка улога во борбите за источниот град Бахмут од летото 2022 година, земајќи големи загуби во процесот.

Но, тензиите меѓу Вагнер и Министерството за одбрана на Русија тлееја со месеци бидејќи Пригожин ја обвини руската војска дека ја презема заслугата за победите на борците на Вагнер и го забавува напредувањето на единиците на Вагнер.

Претседателот на Србија, Александар Вучиќ, пред јавноста објаснуваше зошто ништо не е потпишано со косовската страна. И покрај ова, тој повтори дека се подготвени да работат на имплементација на европскиот предлог. Посочи дека 12 пати е менуван текстот на кои прифатиле да се имплементира.

„Секогаш кажував дека го прифаќаме концептот, ќе работиме на имплементација, спремни сме да направиме многу повеќе отколку некој од Приштина кој е подготвен да потпише… А подготвен е да потпише затоа што од таму ќе произлезе формално-правната обврска за Србија, да се согласи со независноста на Косово. За тоа водиме сметка. Кога ќе слушнат дека повторувам некои работи, нека знаат дека не го правам истото бидејќи не знам што правам, туку напротив, баш знам што правам“, кажа Вучиќ.

Зборуваше и за тоа зошто не е потпишана декларацијата за исчезнатите лица и тоа зошто и таа останала непотпишана.

„Сакаме да живееме нормално со Албанците, сакаме да работиме едни со други. Не може да се живее со ѕидови од 100 метри. Треба да се развива доверба, а не луѓето да се плашат едни од други. И тоа се е во ред, но пред нас има многу работа“, додаде Вучиќ.

За Заедницата на српски општини во Косово, Вучиќ рече: „Ние имаме потписи за формирање на четири договори“.

„Важен е документот од 2015 година кој говори за принципите. Зошто таа заедница е важна за српскиот народ? Да зборуваме за реалноста. Сите кои живеат јужно, сите живеат како во гето. Немаат никаква институционална заштита. Иако градиме голема болница во Грачаница, сите чекаат да се дофатат до Косовска Митровица и северниот дел, бидеќи е наклонета кон централна Србија и затоа што тука се чувствуваат слободни. Заедницата на српски општини ни е потребна секаде каде Србите живеат. Но, многу повеќе на југот, отколку на северот. Со тоа Србите ќе добијат институционална рамка на делување, и како што е предивдено, орган со свој претседател, совет, своја администрација, општина, која ќе комуницира како што е договорено со договорот од Брисел, со централните власти. Како и да го нарекувате, што и да кажувате, измислувате бајки, можете да правите што сакате, ова е тоа што нас ни е важно“, кажа Вучиќ.

Тој објасни дека Косово сака да ја формира заедницата на три столба. Вучиќ кажа дека 50 пати дошле претставници на европската заедница да го натераат да потпише договор.

„Првиот столб е Уставот на Косово. Вториот столб е изјавата на Федерика Могерини, дека нема да има извршна моќ. Можете да ги викате како сакате, но овластувањата се јасни. И третиот столб кој го сакаат, е уредничко писмо. Јас кажав дека имам сешто видено и додадов: ‘Дали е можно вие луѓе навистина ми зборувате дека материјалниот и формалниот извор на правото треба да биде текст од медуми?’. И успеавме да се избориме за она што е од дијалогот – да биде применето. Дали ќе биде или нема – се надевам дека е можно, а се плашам дека ќе биде многу потешко од она што јас денеска мислам. Јас не кријам од никого ништо, го кажувам секој детаљ, бидејќи гледам дека тие суштински на тоа не се подготвени“, додаде Вучиќ.

Зборуваше и за тоа што е променето за Србија, па рече: „Не многу. Ама од ова прашање ќе зависи нашиот пат кон ЕУ. За нас нема никакви обврски“.

Потенцираше дека нему му е важно Србите да имаат мир во Косово.