Регион
Вучиќ по двата масакри: Нема гаранција дека тоа нема да се случи во иднина, носиме строги мерки
Претседателот на Србија, Александар Вучиќ, во дневникот на „РТС“ посочи дека од утре стартуваат првите мерки за да се одземе нелегалното оружје од граѓаните, но и да се намали и бројот на лица кои поседуваат легално оружје. Тој кажа дека како Влада ќе се обидат да се борат за вакви настани да не се повторат, но за тоа гаранција нема. Ќе се зголемуваат и бројот на педагози и психолози.
„Нема гаранција дека тоа нема да се случи во иднина, но бора да се бориме да тоа не се повтори. Сега имам трауми и се плашам секој ден. Наше е да извлечеме заклучоци. Во други земји, политичарите кажуваат дека нивните молитви се со нас. Ние како држава отидовме чекор подалеку и се обидовме да направиме нешто. Знам дека ќе има многу луѓе кои ќе се противат на мерките. За нас е важно да излеземе како и Германија во 2002 година кога гимназијалец уби 19 лица.
Коментирајќи ги реалити шоута, кажа дека не можаат да се забранат.
„Имате луѓе кои се психопати, што е главен услов за да се случи вакво нешто. Не можете да забраните да се емитува ‘Scare face’ или „Goodfather’“, додаде тој.
Најзначајна мерка според него е одземањето на оружјето.
„Мерките се такви што од утре го одземаме нелегалното оружје и муницијата без последици. Донесете и оставете го – нема никој да ве праша од каде ви е. Нека отидат во полициска станица и нека го направаат тоа. Очекуваме одговронсот. Ние очекуваме милион куршуми да бидат оставени. Работевме на тоа и во 2015 или 2016 година. Ова ќе наиде на голем отпор. Потоа, ќе има поголеми казни за нелегално оружје. Па полицијата ќе упадне сегде каде е потребно. Ако ви се седи по 15 години робија, направете си го тоа. Нема да има ‘Не знаев, од светската војна е, од дедо ми е’, нема да се толерира“, кажа Вучиќ.
Ќе се намалува и поседувањето на легалното оружје.
„Ќе имаат само 50.000 луѓе. И тие еднаш во годината ќе доаѓаат на покана од државата за да се проверат дали земаат нартокици или слично“, додаде тој.
Од утре започнува и мерката со која во секое училиште ќе има по еден полицаец кој ќе е наоружан и спремен да употреби сила кога тоа ќе е потребно.
„1.200 полицајци ќе бидат во училиштата“, рече Вучиќ.
Замоли да не се пријавуваат лажни настани.
„Секој лудак кој ќе помисли дека треба да добие ‘лајк’, објавува нешто. Детето во Панчево го воздигнува детето-монструм, а кога полицијата ја прашала зошто, таа рекла: ‘тоа го направив за прегледи’. Тоа го кажала. Монструозни работи се случуваат секаде во светот“, додаде Вучиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Маж во Тузла ги убил сопругата и двете деца
М.Ч. синоќа во Тузла ги убил сопругата и двете малолетни деца, а потоа си го одзел животот скокајќи од 14 кат од зграда.
Маж се самоуби синоќа околу 21 часот и 15 минути, а денеска полицијата во станот го пронашла телото на неговата 34-годишна сопруга и децата на возраст од две и девет години.
Според неофицијалните информации кои ги објавија сараевските медиуми, мажот работел како медицински техничар во Германија, а во Тузла пристигнал пред неколку дена.
Истражните екипи денеска пронајдоа секира во станот во населбата Ступине во Тузла, со која наводно ги убил сопругата и децата.
Портпаролот на обвинителството во Тузла, Адмир Арнаутовиќ изјави дека ќе бидат издадени наредби за обдукција на телата на загинатите за да се утврдат точните причини за смртта.
Ќе биде издадена наредба за биолошко вештачење, ДНК анализа, како и други истражни дејствија и вештачења, со цел да се утврдат сите околности поврзани со овој настан, вклучително и начинот и начинот на трите убиства“, рече Арнаутовиќ.
Регион
Вучиќ изрази сочувство за смртта на Раиси
Претседателот на Србија, Александар Вучиќ, изрази сочувство до народот и владата на Иран во врска со смртта на претседателот на таа земја, Ебрахим Раиси.
„Изразувам сочувство до народот и владата на Исламската Република Иран за смртта на претседателот Ебрахим Раиси, искрен и доследен пријател на Србија“, напиша Вучиќ на својот профил на мрежата Х.
Хеликоптерот со Раиси и министерот за надворешни работи Хосеин Амир-Абдолахиан се урна во неделата во северозападниот дел на Иран, во областа Верзеган, а покрај двајцата загинаа уште шест лица.
Регион
18-годишник е уапсен бидејќи го запалил хрватското знаме и го споделил на социјалните мрежи
Осумнаесетгодишник е уапсен во Славонија бидејќи на 1 мај го запалил хрватското знаме во шумата кај Трпија.
Како што дознала полицијата, тој тоа го снимил и го објавил на социјалните мрежи.
„На овој начин тој јавно го подложи знамето на Република Хрватска на потсмев и грубо омаловажување и на јавноста и стави на располагање видео од тој чин преку компјутерска мрежа, во кое повикува на насилство или омраза насочена кон група луѓе поради нивната национална или етничка припадност“, наведува полицијата во кривичната пријава.
Пријавата го товари младиот човек за јавно поттикнување насилство и омраза и нарушување на угледот на Република Хрватска. За овие злосторства му се заканува затворска казна до три години.
Од полицијата потврдија дека со решение на Жупанискиот суд во Вуковар, на 18-годишникот му е одредена мерка притвор.