Свет
Гамалеја: Брзо закрепнување од Kовид-19 по вакцината „спутник В“

Во случај лице кое е вакцинирано со руската вакцина „спутник В“ повторно да се разболи од Ковида 19, тој брзо ќе закрепне, без сериозни симптоми, беше објавено денес од Рускиот истражувачки центар за епидемиологија и микробиологија „Гамалеја“.
Оваа информација се појави откако пристигна веста дека претседателот на Аргентина, Алберто Фернандез (62) бил тестиран на коронавирус по вакцинацијата со „спутник В“, пренесува ТАСС.
„Жалиме за претседателот Фернандез. „спутник В“ е 91,6 проценти ефикасен против коронавирус и 100 проценти ефикасен против тешки форми на Ковид-19. Но, ако Ковид-19 се потврди кај вакцинирана личност, тој пациент брзо ќе закрепне без сериозни симптоми. Ние му посакуваме брзо закрепнување на претседателот Фернандез “, се вели во соопштението на институтот.
Утрово аргентинскиот претседател потврди дека е позитивен на коронавирусот и дека се чувствува добро.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Во Албанија 143 килограми кокаин пронајдени во пакети од банани

Управители на две компании од албанскиот град Драч биле уапсени бидејќи во контејнери од Еквадор, кои пристигнале на нивно име, биле пронајдени 143 килограми кокаин распределени во 200 пакувања.
Двајцате мажи, братучеди, негираа дека имале било каква врска со тој товар, на кој била залепена слика на Пабло Ескобар, пренесуваат албанските медиуми.
Двајцата обвинети, како што рекоа, нарачале банани од Јужна Америка, од каде им доаѓала стоката со овошје секоја недела.
Бродот беше испратен уште пред 40 дена од Еквадор по што имал застој во Панама и Италија, каде што се задржал една недела, а од Грција пристигнал во Албанија.
Албанската полиција се сомнева дека товарот од 143 килограми дрога пристигнал во Албанија во име на три различни криминални групи, објавија албанските портали.
Свет
Австралија се откажа од купување вакцини на „Џонсон и Џонсон“

Австралиската влада денеска објави дека се откажува од набавка на вакцини од компанијата „Џонсон и Џонсон“, кои се примаат само во една доза.
Во исто време, беше потврдено дека е идентификуван уште еден случај на пациент со тромбоза, кој веројатно е поврзан со примање на вакцината на „Астра зенека“, се наведува во извештајот на АП.
Австралискиот министер за здравство Грег Хант објасни дека владата се откажала од купување вакцини на „Џонсон и Џонсон“, бидејќи нивната подготовка е слична на онаа што ја произведува „Астра зенека“, од која Австралија веќе нарачала 53,8 милиони дози.
Австралиската влада ја удвои својата нарачка од компанијата „Фајзер“ за уште 20 милиони дози, кои треба да бидат доставени во последниот квартал од оваа година.
Регион
Априлскиот снег направи хаос во Хрватска, затворени патиштата до Далмација

Хрватска повторно е зафатена од снежна бура, поради што беа затворени сите патишта за камиони со приколки и трактори од внатрешноста кон Далмација, Риека и Истра и обратно.
Како што јавуваат тамошните медиуми, поради орканот, сообраќајот на Јадранската магистрала беше затворен за сите возила, и тоа на потегот помеѓу Карлобаг и Света Марија Магдалена.
За денес е најавен метеоролошки аларм за цела Хрватска, освен за истокот на земјата.
Жолт метеоролошки аларм е прогласен за поголем дел од земјата поради ветер, дожд, грмежи, а во централна Хрватска и на северот на земјата поради снег и мраз.
Издадено е портокалово предупредување за регионот на Риека и Кварнер, каде се очекува невреме со налети до 145 км на час.
Прогласено е највисоко, црвено ниво на предупредување за областа под Велебит каде се можни налети на бура до 150 км на час.
Ова е втор априлски снег кој создаде хаос во сообраќајот Хрватска.
- Свет2 месеци
Поради примање мито во Кина погубен поранешен државен функционер
- Европа2 месеци
Планот за отклучување на Германија протече во медиумите, Меркел: Имаме трет бран
- Економија2 месеци
Сите брендови на Индитекс доаѓаат во „Ист гејт мол“
- Свет1 месец
(Видео) Полиција собори маж на земја пред неговото мало дете зашто немал маска
- Црна хроника2 месеци
Брат и сестра нападнати на Широк сокак
- Економија2 недели
„Оштетени штедачи“: Фирма на Игор Џамбазов зела неповратен кредит од Еуростандард банка
- Регион1 месец
Вучиќ за ковид-пасошите: Кои сте вие да го ограничите движењето на некој што не сака да се вакцинира?
- Македонија2 недели
Ѓорчев: Мојот татко е во кома откако се вакцинираше во Ниш