Гневот поради воведените мерки за да се спречи ширењето на коронавирусот во Израел се излеа на улиците. Во Ерусалим имаше судири меѓу незадоволните граѓани и полицијата, летаа камења, а улиците беа блокирани.

Демонстрантите во Ерусалим ги гаѓаа возилата во движење со камења и ги блокираа улиците со контејнери за ѓубре за време на немирите во вторникот, објавија локалните медиуми. Се тврди дека полицијата користела водени топови за да ги растера демонстрантите, а неколкумина се уапсени.

#Israel: Ultra-Orthodox rioters torched a bus during an anti-lockdown protest in the city of Bnei Brak pic.twitter.com/axV16iDJeg

— i24NEWS English (@i24NEWS_EN) January 25, 2021

Слични немири се пријавени и во други израелски градови. Стотици демонстранти во Бет Шемеш фрлале камења и јајца кон полицијата, што резултирало со апсење на три лица.

Во Израел е на сила за третото затворање на национално ниво. Мерката важи до недела, но владата сè уште нема објавено план за постепено укинување. Здравствените власти предупредија дека мерките за ублажување можат да бидат бавен процес поради новите видови на вирусот кои се шират низ Израел, пренесува РТ.

Руската Федерална служба за безбедност (ФСБ) откри тајна ќелија на терористичката организација Хизб-ут Тахрир, која е забранета во Русија, во регионот Калуга, пренесува ТАСС.

„Агентите на Федералната служба за безбедност и на Националната гарда открија тајна ќелија на меѓународната терористичка организација Хизб-ут Тахрир (забранета од Врховниот суд на Русија во 2003 година) во регионот Калуга“, се вели во соопштението.

Според ФСБ, припадниците на ќелијата вршеле активности со кршење на рускиот Устав, засновани врз идејата за создавање на т.н. глобален калифат, уништување на секуларните јавни институции и насилно уривање на сегашната влада.

„Тие ширеа терористички идеи меѓу жителите на регионот на тајни состаноци и врбуваа локални муслимани во своите редови“, додава ФСБ.

Во домовите на притворените осомничени биле запленети голема количина забранети пропагандни материјали на Хизб ут-Тахрир, опрема за комуникација и дигитални уреди за складирање.

Покрената е кривична истрага.

Посиромашните земји во најдобар случај ќе доцнат од 6 до 8 месеци во набавката на вакцини против Ковид-19 во споредба со побогатите земји, процени денеска филантропот Бил Гејтс.

Во интервју за „Ројтерс“, Гејтс вели дека дистрибуцијата на вакцини е исклучително голем проблем кој прави притисок врз глобалните институции, владите и производителите на лекови.

„Секој политичар е под притисок да се избори да ја донесе својата земја на почетокот од редот“, вели Гејтс.

Фондацијата Бил и Мелинда Гејтс досега вети 1,75 милијарди долари за борба против пандемијата, вклучително и во рамките на програмата „Ковакс“ за правична дистрибуција на вакцините, водена од Светската здравствена организација (СЗО).

„Ковакс“ до крајот на годината планира да дистрибуира 2,3 милијарди дози вакцини, од кои 1,8 милијарди дози се бесплатни за сиромашните земји. Надежите се дека првите испораки ќе бидат реализирани во февруари.

Гејтс вели дека дистрибуцијата на вакцини преку „Ковакс“ првично ќе биде скромна.

Тој во писмо ги објавуви приоритетите на фондацијата, изразувајќи надеж дека луѓето што живеат во побогатите земји до крајот на годината ќе бидат сведоци на крај на пандемијата и враќање на нормалниот живот, под услов вакцинацијата да опфати 70 до 80 проценти од населението.

Додава и дека пандемијата резултира со нешто добро односно значително забрзување во развојот на вакцини.