Според најновите податоци во изминатите 24 часа во Србија починале 11 лица, а новозаразени со ковид-19 се 287.

На распиратори моментално се наоѓаат 144 пациенти.

Бројот на смртни случаи предизвикани од коронавирус во Србија достигна 393, а стапката на смртност изнесува 2,14 проценти.

Изминатите 24 часа тестирани се 4.050 луѓе, а вкупно од почетокот на епидемијата во Србија тестирани се дури 491.428 лица.

Вкупниот број регистрирани случаи на вирусот во земјата е 18.360.

Во последните 24 часа во Хрватска се регистрирани 50 нови случаи на ковид-19 и еден починат, соопшти Националниот штаб за цивилна заштита.

Во моментов во Хрватска активни се 1.117 случаи, од кои 132 се во болница, и тројца на респиратор.

Вкупно во Хрватска од коронавирус заразени се 3.722, 119 починаа, а 2.486 оздравеа. Во самоизолација се 4.861 лица.

До денеска вкупно се тестирани 93.571 лица, од кои 763 во последните 24 часа.

Унгарија воведува нови рестрикции за патници на граничните премини поради спречување на ширењето на коронавирусот, најави унгарскиот премиер Виктор Орбан. Мерките стапуваат на сила во среда.

Како што пренесува Ројтерс, според новите мерки, сите патници кои доаѓаат од земји кои се означени како „жолта“ и „црвена“ зона, ќе мораат да пројдат преглед и ќе бидат ставени во карантин. Карантинот може да се избегне единствено со приложување два негативни теста на ковид-19 стари најмногу пет дена.

Тоа се однесува како на унгарските државјани кои доаѓаат од други земји, така и на патници од овие држави.

Македонија, Албанија, Црна Гора и Украина, меѓу другите, се наоѓаат на „црвената“ унгарска листа.

Србија, Бугарија, Романија, Русија, Шведска, Обединетото Кралство и Португалија се на „жолтата“ листа.