Свет
Германија депортира 28 лица во Авганистан

Германија депортира осудени криминалци во Авганистан првпат откако талибанците дојдоа на власт, соопшти германската влада.
„Утринава, првпат од август 2021 година Германија изврши принудно враќање на авганистанските државјани во нивната земја на потекло“, рече владиниот портпарол Штефен Хебестрајт.
Тој рече дека се работи за осудени криминалци, кои немале право да престојуваат во Германија и кои чекаат депортација извесно време.
„Шпигел“ претходно објави дека 28 лица биле пренесени во Кабул од аеродромот „Лајпциг/Хале“ со чартер на катарската авиокомпанија.
Весникот „Билд“ наведува дека осудените добиле по 1.000 евра, кои треба да им помогнат по пристигнувањето во Кабул.
Федералната влада изрази благодарност до регионалните партнери, кои одиграа клучна улога во извршувањето на ова протерување и најави дополнителни депортации и покрај дискусиите дека Авганистан не е безбедна земја.
Истовремено, не беше прецизирано за кои регионални партнери станува збор. Министерката за внатрешни работи, Ненси Фезер, во последните денови ги спомена преговорите со земјите што го опкружуваат Авганистан, како што е Таџикистан.
„Германската влада инсистира на депортации. Безбедносните интереси на Германија се несомнено поважни од безбедносните интереси на криминалците и лицата од кои доаѓа потенцијална опасност“, се вели во владиното соопштение.
По терористичкиот напад пред една недела во Золинген, се разви жестока дебата за односот кон миграцијата на бегалците и недоволното протерување лица што немаат право да престојуваат во Германија или кои го прекршиле законот.
А осомничениот напаѓач, 26-годишен Сириец, требало да биде депортиран во Бугарија, земјата во која е регистриран по влезот во Европската Унија, но депортацијата пропаднала поради неуспехот на германските власти.
Во четвртокот германската влада усвои низа мерки, кои треба да го спречат натамошниот притисок на бегалците врз Германија, која, според мислењето на германската влада, мигрантите најчесто ја избираат како крајна дестинација поради социјалните бенефиции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Гори руска рафинерија по украински напад: црн чад го покрива небото, пожарот беснее

Украина во текот на ноќта нападна нафтена рафинерија во градот Сизран во руската област Самара, изјави во средата регионалниот гувернер, пренесува Ројтерс.
„Службите за итни случаи работат на погодената територија. Според прелиминарните информации, нема жртви“, напиша Вјачеслав Федоришчев на апликацијата за пораки Телеграм.
💥 Russia: Syzran Oil Refinery struck by Ukrainian drones. 900km from Ukraine in Samara region.
The facility refined 8.5 million tons of crude oil annually – 170,000 barrels per day, accounting for 2.6% of Russia's total capacity. pic.twitter.com/7fngd5FCtN— Igor Sushko (@igorsushko) February 19, 2025
Тој не прецизираше дали рафинеријата е оштетена. Каналите на Телеграм, База и Маш објавија дека по нападот избувнал пожар.
Руското Министерство за одбрана соопшти дека системите за воздушна одбрана уништиле девет украински беспилотни летала во текот на ноќта, над регионите Брјанск, Татарстан и Тула и Црното Море.
Европа
Папата има воспаление на двете белодробни крила, тој е во болница: Ватикан објави нови информации

Папата Франциско помина мирна ноќ во болница и појадуваше, објави Ватикан во најновиот извештај за кревкото здравје на Папата.
Франциско има воспаление на двете белодробни крила, објави во вторникот Ватикан, што го отежнува лекувањето на 88-годишниот папа кој на 14 февруари беше примен во римската болница Гемели.
Билатералната пневмонија е сериозна инфекција која може да предизвика воспаление и лузни во двете белодробни крила и да го отежне дишењето.
Ватикан во понеделникот соопшти дека лекарите по втор пат го промениле третманот на папата за време на неговиот престој во болница за да одговорат на сложената клиничка слика.
Франциско, кој е папа од 2013 година, неколкупати имал грип и други здравствени проблеми во последните две години.
Свет
Севернокорејски војник заробен во Украина сака да пребега во Јужна Кореја, прв случај на затвореник кој изразил намера да пребега во соседна земја

Еден од двајцата севернокорејски војници заробени во Украина изразил желба да замине во Јужна Кореја, што ќе биде прв познат случај на севернокорејски затвореник кој изразил намера да пребега во соседна земја, објавија јужнокорејските медиуми.
Севернокорејски војник, идентификуван само со неговото презиме Ри, во интервју за Чосун Илбо изјави дека не знаел дека ќе биде испратен да се бори против Украина, бидејќи му било кажано дека ќе биде испратен во Русија на обука како странски студент, објави денеска новинската агенција Јонхап.
Тој е еден од двајцата ранети севернокорејски војници кои беа заробени од украинските сили минатиот месец за време на борбите во областа Курск во Русија.
Ри (26), кој беше тешко ранет во вилицата и раката, рече дека служел како снајперист во Северна Кореја и верувал дека се борел против јужнокорејските војници во Украина.
Тој рече дека речиси сите негови соборци од една воена единица биле убиени во напад на украински беспилотни летала и артилериски напади и дека би се разнел доколку имал граната, бидејќи заробувањето во Северна Кореја се смета за предавство.