Контакт

Европа

Германија: Истражуваме стотици потенцијални руски воени злосторства во Украина

Објавено пред

Германските власти истражуваат стотици потенцијални воени злосторства извршени од руските сили во Украина.

dobivaj vesti na viber

Како што пишува АФП, германската федерална полиција соопшти дека добила стотици информации поврзани со можни руски воени злосторства, во кои се споменуваат политички и воени лидери.

„Нашата цел е да ги идентификуваме одговорните за овие злосторства, да докажеме што направиле врз основа на истрагата и да ги изведеме пред лицето на правдата“, изјави за весникот „Велт“ Холдер Муенх, шеф на германската федерална полиција.

Германски истражители би можеле да бидат испратени во Украина, рече тој.

Украина минатиот месец објави дека се сомнева дека во земјата се извршени околу 15.000 воени злосторства.

Главниот обвинител на Украина, Ирина Венедиктова, изјави дека се идентификувани околу 600 осомничени, меѓу кои и водечки „руски воени и политички лидери и пропагандисти“.

Русија негира вмешаност во какви било воени злосторства.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа

Столтенберг: Не можам да гарантирам кога Шведска и Финска ќе влезат во НАТО

Објавено пред

Генералниот секретар на НАТО, Јенс Столтенберг, изјави дека не може со сигурност да каже кога Шведска и Финска ќе станат полноправни членки на алијансата.

dobivaj vesti na viber

Според него, причината е што не е сигурен дали овој воен сојуз ќе успее да ја убеди Турција, која се противи на членството на Финска и Шведска, да се премисли.

Двете нордиски земји официјално ја поднесоа својата апликација за членство во НАТО во мај, но тој процес беше веднаш блокиран од Турција, која бара Шведска и Финска да престанат да обезбедуваат заштита на Курдската народна партија, која Анкара ја смета за терористичка, но и да се укине ембаргото за оружје наметнато на Турција.

На прашањето дали има впечаток дека целата алијанса е сега заложник на Турција, Столтенберг одговори:

„Имаме систем заснован на консензус и така се носат одлуките во НАТО. Секогаш е така, една или неколку членки не се согласуваат со нешто и потоа тоа го надминуваме“, рече Столтенберг.

Според него, Стокхолм и Хелсинки дури неодамна аплицирале за членство.

„Сè уште целта ми е тие да станат членки на НАТО. Но, тоа не можам да го гарантирам, но можам да кажам дека тоа е мојата цел“, додаде тој.

Првиот човек на НАТО рече и дека Турција е важна членка на алијансата, која одигра клучна улога во борбата против тероризмот, а која има и важна геополитичка позиција во Црното Море, како и на границата со Ирак и Сирија.

„Значи, кога ќе изразат некаква загриженост, треба да седнеме и да разговараме за тоа и тоа е токму она што го правиме. А потоа, се надевам, ќе најдеме решение Шведска и Финска да станат членки на НАТО“, заклучи Столтенберг.

Прикажи повеќе...

Европа

Борисов: Ако ја срушиме Владата на Северна Македонија, тогаш Петков му е сојузник на Путин на Балканот

Објавено пред

Лидерот на ГЕРБ, Бојко Борисов, ја повика владата итно да ги достави до парламентот ажурирањето на буџетот и францускиот предлог за Северна Македонија, пишуваат медиумите во Бугарија.

dobivaj vesti na viber

„Денеска, очекувавме одлуката на ГЕРБ да ѝ се даде зелено светло на РСМ да влезе во пленарната сала без шеги и трикови. Ова е од витално значење за Западен Балкан“, рече поранешниот премиер од седиштето на ГЕРБ.

„Од утрово ги слушаме обвинувањата на премиерот. Како партија, знаеме дека ова е најдобро за Бугарија и за Северна Македонија“, рече Борисов повикувајќи ги властите: „Ги молам да го стават во салата и да го соберат успехот на целиот Европски совет“.

Лидерот на ГЕРБ, како што пишуваат медиумите, признал дека во протоколот што треба да се потпише има работи што треба да се разјаснат, но „идните генерации ќе знаат дека Бугарија не е причината за суспензијата на Северна Македонија и Албанија во ЕУ“, рекол Борисов.

„Денеска е историски ден за Европа и светот бидејќи има можност Украина, Молдавија, Северна Македонија, Албанија и Грузија со разни статуси да влезат во Унијата и да ја направат посилна. Ние сме убедени Европејци и тоа е најправилното нешто што треба да се направи“, бил категоричен Борисов.

Тој, според тамошните медиуми, не го криел гневот провоциран од зборовите на Кирил Петков дека денеска не може да се почне процесот.

„Да не ја рушиме Владата на Северна Македонија и да не правиме штета. Ако тоа се случи, вие, господине Петков, сте му сојузник на Путин на Балканот! Затоа, ве молиме, нарачајте вашата партија да придонесе, да биде лидер, ние ќе ја поддржиме. Денеска ќе одите со донесена одлука и сите ќе ви аплаудираат“, му порачал тој на премиерот.

Прикажи повеќе...

Европа

(Видео) Кирил Петков: Ќе си го одржам зборот за Северна Македонија, уморен сум од кукавици!

Објавено пред

Неколку часа пред состанокот на Европскиот совет во Брисел, премиерот во оставка, Кирил Петков, увери дека ќе си го одржи зборот и одлуката за Северна Македонија ќе му ја остави на парламентот, пренесуваат бугарските медиуми.

dobivaj vesti na viber

„Оваа одлука мора да ја донесе бугарскиот парламент. Јас си го одржувам зборот, без разлика кој што сака од мене. Нема хипотетичка можност за ништо друго. Јас сум премиер на Бугарија и кога ќе кажам нешто, си го одржувам зборот. Но, тоа е дека во наредните денови ќе имаме одлука на Народното собрание“, рече Петков, според БНТ.

Премиерот во оставка истакнал дека лично му се допаѓа францускиот предлог и смета дека неговото прифаќање би било историска шанса за Бугарија, но тоа мора да се направи на вистински начин.

Кирил Петков упатил критики до претседателот Румен Радев дека не зазел категоричен став за ова прашање и дека не го свикал Советодавниот совет за национална безбедност.

„Ако си претседател на место, го свикуваш Националниот совет, сите заедно седиме, дискутираме и излегуваме! Но маските паднаа, се изморив од кукавици! Ќе го одржам ветувањето кон бугарскиот народ и се надевам дека ќе имаме отворена дискусија бидејќи тоа е историја. Ова е момент што не смееме да го пропуштиме. Овој предлог е многу добар, поентата е дека мора да се направи на вистински начин“, рекол Петков.

Тој го критикувал и однесувањето на опозицијата.

„Не можете да излезете на телевизија и да се биете во гради затоа што ќе направите нешто, а потоа ќе блокирате комисија. Не можам да верувам дека не може да имаат кворум на вториот ден. А знаете ли зошто немаат кворум – затоа што е страшно и не може ни претседател на Собранието да изберат. Овие се кукавици и само размислуваат како да манипулираат. Ако сте државници – одете на комисија, донесете одлука ова да го кажете пред целиот бугарски народ. Јас денеска ќе кажам дека додека Народното собрание не донесе одлука, ставот на Бугарија останува таков каков што е“, рекол бугарскиот премиер во оставка.

Прикажи повеќе...

Најново

Свет32 минути

Руте: Загрижен сум за С. Македонија, а со тоа и Албанија, поради бугарската блокада

Марк Руте – премиерот на Холандија пред почетокот на Европскиот самит во Брисел изрази загриженост поради бугарската блокада за Северна...

Свет42 минути

ЕУ им додели кандидатски статус на Украина и Молдавија

Кандидатски статус за влез во ЕУ вечерва добија Украина и Молдавија – дваесет и седум членки на Унијата ја донесоа...

Свет3 часа

Мишел: За Северна Македонија продолжува работата кон брзо изнаоѓање на прифатливо решение

Претседателот на Европскиот совет – Шарл Мишел по самитот ЕУ – Западен Балкан на Твитер напиша дека „На ЕУ и...

Регион7 часа

Вучиќ: Ќе се бориме заедно за европска иднина почитувајќи се себеси

Србија денеска даде голема поддршка за отворањето на пристапните преговори со Северна Македонија и Албанија. Повторно ништо не се случи....

Регион7 часа

Рама: Жал ми е за ЕУ, ни пандемијата ни војната не ги обедини Европејците

Албанскиот премиер Еди Рама, по самитот за Западен Балкан, изјави дека му е жал за Европската Унија и дека се...

Македонија7 часа

(Видео) Ковачевски: Францускиот предлог е неприфатлив

Премиерот Димитар Ковачевски изјави дека францускиот предлог е неприфатлив за него и за неговата држава. „Северна Македонија е кандидат 17...

Европа8 часа

Борисов: Ако ја срушиме Владата на Северна Македонија, тогаш Петков му е сојузник на Путин на Балканот

Лидерот на ГЕРБ, Бојко Борисов, ја повика владата итно да ги достави до парламентот ажурирањето на буџетот и францускиот предлог...

Европа9 часа

(Видео) Кирил Петков: Ќе си го одржам зборот за Северна Македонија, уморен сум од кукавици!

Неколку часа пред состанокот на Европскиот совет во Брисел, премиерот во оставка, Кирил Петков, увери дека ќе си го одржи...

Европа12 часа

Шолц: Ќе вложам максимални напори Украина и Молдавија да добијат кандидатски статус

Германскиот канцелар Олаф Шолц изјави дека ќе вложи максимални напори на Украина и на Молдавија да им даде кандидатски статус,...

Европа12 часа

Борел: „Денеска не е добар ден – Бугарија го блокира процесот“

Високиот претставник на ЕУ за надворешна политика и безбедност, Жосеп Борел, изрази незадоволство што во Бугарија нема напредок во однос...

Европа12 часа

Рама: Срамно, Бугарија киднапира две членки на НАТО

Премиерот на Албанија, Еди Рама, по пристигнувањето на самитот на ЕУ, повтори дека е срамота што една земја на НАТО,...

Регион12 часа

Вучиќ од Брисел: Помина времето на притисок врз слободните независни држави

Претседателот на Србија, Александар Вучиќ, денеска, по пристигнувањето на самитот на ЕУ, изјави дека дошол во Брисел да разговара со...

Европа13 часа

Самит ЕУ – Западен Балкан: „Приклучувањето на Западен Балкан е геостратешка неизбежност“

Во пресрет на денешниот состанок на лидерите на Европската Унија и Западен Балкан во Брисел, неколку претставници на граѓанското општество...

Европа14 часа

Лидерите на ЕУ денеска одлучуваат за Украина

На денешниот состанок во Брисел европските лидери формално ќе го почнат долгиот пат на Украина до членство во ЕУ бидејќи...

Регион1 ден

Падна владата на Кирил Петков

Владата на Кирил Петков падна по гласањето недоверба во Народното собрание, јави собранискиот известувач на БГНЕС. За недоверба гласаа 123...

Свет1 ден

Новоименувана министерка во владата на Макрон под истрага за обвинение за силување

Кризула Захаропулу, новоименуваната министерка во новата влада на францускиот претседател Емануел Макрон, е под истрага поради обвинувања дека силувала две...

Македонија1 ден

Ковачевски: Историските прашања не можат да бидат критериум во преговарачката рамка

Премиерот Димитар Ковачевски по реакциите на јавноста се огласи за францускиот предлог. Тој потенцира дека Владата формално нема добиено предлог...

Топ1 ден

Двегодишно дете паднало од четврти кат на зграда во Скопје

Двегодишено дете паднало од четврти кат од зградата во која живеело во Скопје. Според информациите од полицијата, доцна синоќа, додека...

Македонија1 ден

Николоски: Владата итно да го отфрли предлогот од Париз со кој се прави бугаризација и уништување на Македонија

Потпретседателот на ВМРО-ДПМНЕ, Александар Николоски, соопшти дека во рамките на Парламентарното собрание на Советот на Европа остварил многубројни средби на...

Економија1 ден

(Интервју) Фатмир Битиќи: Пари има, луѓето да не се грижат за исплата на платите и пензиите

Се наоѓаме во потешка ситуација од претходните две години, одредени кругови не сакаат да признаат дека се наоѓаме во воена...