Германија ставила „рампа“ за телохранителите тепачи на Ердоган

Германската влада вели дека не очекува да ги види турските безбедносни агенти обвинети за напад на демонстрантите во Вашингтон за време на посетата на претседателот Реџеп Таип Ердоган на претстојниот самит на Г-20 во Хамбург.

Германија е домаќин на лидерите на Г-20 на седми јули. Полицијата во Вашингтон издаде потерници за десетте турски агенти обвинети во минатомесечниот инцидент.

Портпаролот на германското Министерство за надворешни работи Мартин Шефер во понеделникот изјави дека “би можел да претпостави со добра совест дека овие луѓе кои се инкриминирани од страна на американските судски власти нема да стапнат на германска почва во блиска иднина, вклучително и за време на самитот на Г-20.”

Шефер сепак не ги потврди извештаите на весникот „Ди Велт“ дека неговото министерство јасно и стави до знаење на Турција дека телохранителите не се добредојдени.