Свет
Германска студија: Ризикот од ширење на коронавирусот во концертни сали е незначителен

Ново истражување во Германија за движење на честички во воздухот во затворен простор покажа дека постои незначителен ризик од инфекција во добро проветрени концертни простории.
Научната студија, спроведена во концертната сала „Концертхаус“ во Дортмунд, со 1.500 седишта, траела три дена во ноември лани, а била организирана од институтот „Фраунхофер Хајнрих Херц“ со поддршка од германската федерална Агенција за животна средина.
Оваа студија следи по истражувањето од август наречено „Рестарт-19“ спроведено од Универзитетската болница Хале, чии резултати беа објавени во октомври и заклучија дека, со соодветна вентилација, настаните во живо во ваквите простории претставуваат низок до многу низок ризик за пренесување на заразата.
За разлика од студијата „Рестарт-19“, во која учествуваа волонтери, студијата во Дортмунд користела високо-технолошка кукла, наречена Олег, за да симулира човечко дишење во „Концертхаус“.
„За време на студијата, на 2, 3 и 20 ноември, тим научници измерија трансфер на аеросоли во концертната сала, вклучувајќи ги и аудиториумот и фоајето. Нивниот заклучок е дека под одредени услови, ако местото има доволно снабдување со свеж воздух и дека сите присутни носат маски, ризикот некој да зарази здрави посетители на концерти со коронавирус преку воздух може да биде речиси исклучен“, се вели во соопштението на „Концертхаус“.
„Концертните сали и театри не се места на зараза. Изминатите месеци покажаа дека на политиката ѝ е потребна научно цврста основа за донесување одлуки. Со нашата студија, сакаме да осигуриме дека концертните сали и театрите можат да примат публика кога повторно ќе бидат отворени“, вели д-р Рафаел фон Хоенсброех, директор на „Концертхаус“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) 50 загинати во пожар во трговски центар во Ирак

50 лица загинаа во голем пожар во хипермаркет во градот Ал-Кут во источен Ирак, објави државната новинска агенција ИНА, повикувајќи се на гувернерот на покраината.
Видеата што кружат на социјалните мрежи покажуваат пламен како ја зафаќа петкатна зграда во Ал-Кут преку ноќ, додека пожарникарите се обидуваат да го локализираат пожарот.
🚨 🇮🇶 | Dozens of casualties reported in fire at hypermarket in al-Kut, Iraq pic.twitter.com/V73Gf8BmY9
— MENA Observer (@MidEastOb) July 17, 2025
Ројтерс не можеше независно да ги потврди видеата.
Причината за пожарот сè уште не е позната, но гувернерот најави дека првичните резултати од истрагата ќе бидат објавени во рок од 48 часа, објави ИНА.
„Покренавме тужби против сопствениците на зградата и трговскиот центар“, го цитираше ИНА гувернерот.
Европа
Украина изврши напади во Русија преку ноќ: дронови насочени кон Москва и Санкт Петербург

Руските власти и државните медиуми објавија напади од украински беспилотни летала во текот на ноќта низ целата земја, вклучувајќи ја Москва и западните региони на Русија.
Градоначалникот на Москва, Сергеј Собјанин, изјави дека руската воздушна одбрана соборила три беспилотни летала што се приближувале кон главниот град помеѓу 2 и 3 часот наутро по локално време. Тој додаде дека службите за итни случаи се на местото на настанот, но не даде информации за жртви или штети.
Во Санкт Петербург, аеродромот Пулково привремено го запре сообраќајот во 5 часот наутро, објави Росавијација. Иако причината не беше наведена, се верува дека станува збор за закана од беспилотни летала, бидејќи руските аеродроми често ги приземјуваат летовите поради украинските напади. Според извештаите, најмалку 10 летови биле одложени.
Државната новинска агенција ТАСС соопшти дека беспилотните летала биле соборени источно од Санкт Петербург со употреба на системи за електронско војување.
Во регионот Смоленск, јужно од Санкт Петербург, гувернерот Василиј Анохин изјави дека се соборени 14 дронови, а едно лице е повредено.
Поблиску до линијата на фронтот, гувернерот на регионот Белгород, Вјачеслав Гладков, тврди дека украински дрон убил едно лице и ранил шест други во градот Белгород. Друго лице наводно е повредено во остатокот од регионот.
Во Воронеж, руските канали на Телеграм објавија дека дрон удрил во станбена зграда, при што се повредени три деца. Гувернерот Александар Гусев изјави дека во регионот се соборени најмалку пет дрона.
Во регионот Калуга, гувернерот Владислав Шапша објави дека 14-годишно девојче е повредено откако три дрона биле соборени над регионот.
Руското Министерство за одбрана објави дека вкупно 122 украински дронови биле соборени над неколку делови од земјата.
Украинската војска сè уште не ги коментираше наводните напади. Порталот „Киев Индепендент“ забележува дека не може да ги потврди тврдењата на руските претставници или медиуми.
Регион
(Видео) Зебра избега од Зоолошката градина во Белград, повредени три лица

Од трите лица повредени вчера кога зебра избега од ограден простор во Зоолошката градина во Белград, две се однесени во Военомедицинската академија, но се пуштени на домашно лекување бидејќи повредите биле полесни, соопшти утрово Ургентниот центар на ВМА.
Зебрата удрила во маж и го прегазила, по што му биле констатирани полесни повреди, додека другата жена била донесена во ВМА без физички повреди, но во состојба на шок, изјавија за РТС.
Од Зоолошката градина во Белград вчера, зебра избегала од ограден простор и повредила вкупно три лица, од кои едно било дете, кое било пренесено во Детска клиника.