Европа
Германски научници: постои решение во случај на тромбоза

Германски научници утврдија зошто тромбозата се јавува во некои ретки случаи по примањето на вакцината на „Астра зенека“. За тоа, велат тие, постои решение: активна состојка со моментно дејство што помага против тромбоза.
Шест случаи на тромбоза во Германија по примањето на вакцината на „Астра зенека“ беа внимателно проучени на Универзитетската болница „Грајфсвалд“ и, според германските медиуми, дојдоа до револуционерно откритие: вакцината – во многу ретки случаи – активира тромбоцити во крвта на сличен начин кога тие произведуваат заштитен слој на отворената рана.
Ваквата реакција не е тешко да се спречи, па затоа им се препорачува на ризичните групи, заедно со вакцината, да се даде соодветен препарат, активна состојка со моментен ефект, што помага против тромбоза. Сепак, тој може да се даде само по појава на тромбоза, а не истовремено со примена на вакцината.
Германскиот министер за здравство, Јенс Шпан, изјави дека вакцинацијата продолжува од петок.
И покрај многуте написи во медиумите за вакцината на „Астра зенека“, кои го иницираат прашањето за довербата на граѓаните во безбедноста на постапката, тоа не остави голем белег кај граѓаните во Германија. Според брзата анкета на јавното мислење, подготвеноста за вакцинација опадна многу малку: претходно таа изнесуваше 73 проценти, а сега 71 процент од испитаниците велат дека се подготвени да бидат вакцинирани што е можно побргу.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Тринаесет членки на ЕУ ги договорија критериумите за ковид-пасоши

Хрватска и 12 членки на Европската Унија постигнаа договор за критериумите за издавање на т.н. ковид-пасоши, односно „зелени пасоши“ кои би го олесниле протокот на туристи за време на пандемијата, беше објавено денес во Виена.
„Нашата цел е да го примениме ‘зелениот пасош’ брзо и, доколку е можно, во единствена форма на ниво на ЕУ“, рече австриската министерка за туризам Елизабет Кестингер во изјава за австриската агенција АПА.
Таа рече дека тоа е прашање на опстанок за европскиот туризам.
Хрватска, Австрија, Кипар, Данска, Франција, Германија, Грција, Италија, Малта, Португалија, Словенија и Шпанија се договорија кон крајот на март за седум критериуми за издавање на „зелен пасош“, кој треба да почне да се применува најдоцна до почетокот на јуни.
„Зелениот пасош” веднаш обезбедува информации преку QR-кодот за тоа дали патникот е вакциниран, тестиран или прележал коронавирус. Ова овозможува лесна и практична примена во подрачјето на ЕУ “, рече австриската министерка.
Чувствителните здравствени податоци на сопствениците на ковид-пасош ќе останат во земјата на потекло и нема да се чуваат на ниво на ЕУ. Понатамошна цел е усогласување на примената на ковид-пасошите со трети земји.
Списокот со критериуми беше, како што беше речено, доставен на контрола до Европската комисија, која треба да донесе одлука за спроведувањето во наредните денови.
Европа
ИНСА: Баварскиот премиер Зедер попопуларен од Ангела Меркел и нејзиниот кандидат

Среде борбата за кандидат на ЦДУ/ЦСУ за иден канцелар на Германија, истражувањето на јавното мислење покажува дека во моментот најпопуларен политичар е шефот на ЦСУ и премиер на Баварија, Маркус Зедер.
Многу политичари во Европа ѝ се восхитуваат на популарноста на Ангела Меркел, но сега ја престигна Зедер, кој се бореше со шефот на ЦДУ, Армин Лашет, за местото кандидат за иден канцелар на унионистите.
ЦДУ го сака Лашет за кандидат на ЦДУ/ЦСУ, но Зедер не попушта и конечната одлука може да падне до крајот на неделата.
Истражувањата на институтот ИНСА покажуваат дека Зедер во моментот е најпопуларниот политичар. Тоа не е првпат Зедер да ја надмине Меркел по популарност. Тоа последен пат се случи минатото лето.
Лашет, пак, е само на 12. место според популарноста на водечките политичари во земјата. Од последното истражување тој падна дури девет места.
Пред него е дури и неговиот противник во трката за шеф на ЦДУ, Фридрих Мерц.
Европа
Италијанскиот регион Лацио ги суспендира кинеските респиратори

Респиратори за интензивна нега, кои италијанскиот регион Лацио ги купи од кинески производител среде пандемијата на Ковид-19 во март минатата година, ќе бидат суспендирани бидејќи не се во согласност со безбедносните стандарди утврдени со сегашното законодавство, пишува весникот „Ла Верита“.
Одлуката ја донела Дирекцијата за социјални и здравствени работи од регионот Лацио, каде што се наоѓа и главниот град Рим.
Станува збор за 140 респиратори „аеонмед ВГ70“, кои се увезени пред една година со одобрение на тогашниот шеф на цивилната заштита, Анхел Борели.
Весникот, кој дошол до преписката меѓу кинескиот производител и купувачот во Италија, тврди дека во преговорите за купување кинескиот производител се повикува на Масимо Далем како личност што ја потврдила подготвеноста на владата да одобри увоз на респиратори.
Весникот потсетува дека паралелно со истрагата за увоз на кинеските респиратори полицијата го истражува и случајот со увоз на 800 милиони заштитни маски, кои се платени со милијарда и 250 милиони евра.
- Свет2 месеци
Поради примање мито во Кина погубен поранешен државен функционер
- Европа2 месеци
Планот за отклучување на Германија протече во медиумите, Меркел: Имаме трет бран
- Економија2 месеци
Сите брендови на Индитекс доаѓаат во „Ист гејт мол“
- Свет1 месец
(Видео) Полиција собори маж на земја пред неговото мало дете зашто немал маска
- Црна хроника2 месеци
Брат и сестра нападнати на Широк сокак
- Економија2 недели
„Оштетени штедачи“: Фирма на Игор Џамбазов зела неповратен кредит од Еуростандард банка
- Регион1 месец
Вучиќ за ковид-пасошите: Кои сте вие да го ограничите движењето на некој што не сака да се вакцинира?
- Македонија2 недели
Ѓорчев: Мојот татко е во кома откако се вакцинираше во Ниш