Во Велика Британија се пријавени 6.042 нови случаи на Ковид-19, како и 34 смртни случаи поврзани со ова заболување.

Од почетокот на пандемијата, во оваа земја се забелжани 429.277 инфекции, додека 41.971 пациент починале како резултат на компликации со Ковид-19, пишува „Гардијан“.

Во петокот во Британија беше забележан рекорд во бројот на заразени во еден ден – 6.874, додека претходниот рекорд беше регистриран во четвртокот, кога вирусот беше потврден кај 6.634 лица.

Бразилскиот претседател Жаир Болсонаро денеска беше пуштен од болница откако во петокот се оперираше поради камен во мочниот меур.

Операцијата, според лекарите, била едноставна процедура.

„Ројтерс“ потсетува дека Болсонаро беше прободен со нож за време на кампањата во 2018 година, по што имал четири операции.

Сегашната интервенција, се додава, нема никаква врска со тој напад.

Покрај ова, Болсонаро летово водеше битка и со Ковид-19, а кон крајот на опоравувањето неколку направени тестови и натаму покажуваа дека е позитивен на вирусот, за на крајот конечно да добие негативен резултат.

Единствениот кадет кој го преживеа падот на украинскиот воен авион во близина на Харков, во разговор со претставниците на локалната администрација објаснил што се случувало во моментот на несреќата.

„Сè беше како во компјутерска игра“, рекол тој.

Под Харьковом разбился самолет Ан-26, сообщили СМИhttps://t.co/4LxdjKuI0A pic.twitter.com/9adYCgQcIr

— РИА Новости (@rianru) September 25, 2020

„Не се сеќава на сè. Во еден момент, тој ја изгубил свеста, а потоа кога се повратил, излегол од остатоците на авионот и започнал да го гасне пламенот од еден од неговите колеги”, изјавил шефот на администрацијата во Харков, Алексеј Кучер.

Воено-транспортниот авион „ан-26“ се урна во петокот вечерта во близина на градот Чугујев во областа на Харков за време на тренинг лет. Во авионот имало 27 лица: седум члена на екипажот и 20 кадети. Загинале 26.

Ukrainian An-26 transport reportedly crashed near Chuhuiv in Kharkiv region https://t.co/dbpXo5muBn #Ukraine pic.twitter.com/mlLSJiKhvA

— Liveuamap (@Liveuamap) September 25, 2020

Двајца кадети успеале да извлечат од авионот по паѓањето, но еден од нив починал во болница.

Вчера медиумите објавија дека најверојатна причина за падот на авионот бил проблем со моторот, а мајката на еден од загинатите пилоти ја потврдила оваа теза, изјавувајќи дека нејзиниот син ден пред несреќата ѝ рекол дека авионот не е во добра состојба и дека моторите откажуваат.