Свет
Групата Г7+ одржа итен состанок за помош на Украина по новите руски напади на енергетската инфраструктура

Групата Г7+, која беше формирана за координација и мобилизирање помош за Украина, одржа итен состанок по иницијатива на Министерството за енергетика на Украина. Причина за состанокот беа најновите масовни напади на Русија врз украинската енергетска инфраструктура, што дополнително ги влоши условите во земјата.
На состанокот присуствуваа повеќе од 100 претставници од земји и меѓународни организации, вклучувајќи ги САД, Канада, Германија, Франција, Холандија, Европската комисија, УНДП, Европската инвестициска банка (ЕИБ), Европската банка за обнова и развој (ЕБОР), како и Секретаријатот на Енергетската заедница, соопшти Министерството за енергетика на Украина, пренесува Перши канал на украинскиот јавен сервис.
Украинската страна ги информираше меѓународните партнери за последиците од најновите руски напади, кои целеле на критична инфраструктура, вклучувајќи објекти во нафтениот и гасниот сектор. Заменик-министерот за енергетика, Роман Андарак, истакна дека со интензивирањето на руските напади, потребата од мобилизирање меѓународна поддршка е уште поголема.
„Мора да продолжиме да користиме ефикасни механизми кои веќе се покажаа како успешни за брзо обезбедување помош“, изјави Андарак.
Во текот на состанокот, беше нагласено дека приоритетните потреби на Украина вклучуваат брзо обновување на оштетената инфраструктура, како и обезбедување на дополнителни количини гас, енергетска опрема за поправки и реконструкција, и унапредување на физичките и воздушните одбранбени системи на земјата.
Претставниците на Г7+ ја потврдија својата поддршка за Украина и се согласија да одржат дополнителен состанок во блиска иднина за понатамошна координација на заедничките активности.
Групата Г7+ за енергетика во Украина беше формирана во ноември 2022 година со цел координирање на меѓународната помош во обновата и заштитата на украинската енергетска инфраструктура. Нејзиниот состав вклучува земјите-членки на Г7, Европската унија, како и други меѓународни организации како Светската банка, ЕБОР и УНДП.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Прорускиот премиер на Грузија ја обвини ЕУ за мешање во внатрешната политика: „Демонстрантите сакаа да ја срушат владата, амбасадорот да ги осуди протестите“

Грузискиот премиер Иракли Кобахизе изјави дека демонстрантите кои се обидоа насилно да влезат во претседателската палата всушност се обидуваат да ја соборат владата и ја обвини Европската Унија за мешање во грузиската политика.
Грузиската полиција за немири вчера употреби солзавец и водени топови за да ги растера демонстрантите пред претседателската палата и приведе пет активисти кои учествуваа во големиот протест организиран од опозицијата на денот на одржувањето на локалните избори, објави Ројтерс.
Кобахизе, прорускиот премиер на Грузија, рече дека на собирот учествувале до 7.000 луѓе, но дека нивниот обид за соборување на уставниот поредок не успеал, и покрај поддршката од Европската Унија.
Тој го обвини амбасадорот на ЕУ, Павел Херчински, за мешање во грузиската политика и го повика да ги осуди протестите.
„Знаете дека одредени лица од странство дури и отворено ја изразија својата поддршка за сето ова, односно за најавениот обид за уривање на уставниот поредок. Во овој контекст, амбасадорот на Европската Унија во Грузија носи посебна одговорност. Тој треба јавно да излезе, да се дистанцира и најостро да го осуди сè што се случува на улиците на Тбилиси – нагласи Кобахизе.
Европската унија не ги коментираше тврдењата, но во јули дипломатската служба на ЕУ ги отфрли и ги нарече дезинформации и неосновани обвинувањата од грузиските власти за наводната улога на ЕУ во Грузија.
– Неодамнешните објави во кои лажно се тврди дека Европската Унија сака да ја дестабилизира Грузија, да ја вовлече во војна или да наметне таканаречени „нетрадиционални вредности“ се намерен обид за заблуда на јавноста, објави ЕУ во јули.
Свет
(Видео) Трамп одобри распоредување на 300 војници од Националната гарда во Чикаго

Американскиот претседател, Доналд Трамп, одобри распоредување на 300 војници од Националната гарда во Чикаго за, според него, да се реши проблемот со криминалот што е надвор од контрола. Ситуацијата ескалираше откако една жена беше застрелана во конфронтација со полицијата.
Овој потег дојде неколку часа откако имиграциските власти соопштија дека се соочиле со демонстранти во градот со кој управуваат демократите. Во соопштението се вели дека десетици демонстранти се судриле со федералните имиграциски агенти на југозападната страна од градот, пренесува Ројтерс.
#Chicago #ACAB
If you just stand around and let this happen, you are complicit. https://t.co/3k72mfkMVm— SISU UP MI/WI (@SisuUp) October 5, 2025
Полицијата застрелала вооружена жена кога таа и други луѓе со своите автомобили удриле во полициски возила.
Жената, државјанка на САД чиј идентитет не е објавен, сама се одвезла во болница, но засега нема повеќе информации за нејзината состојба.
Portland (Oct. 4) — Federal agents aren't tolerating rioting outside the ICE facility and are making prompt arrests of the far-left extremists who gathered outside to besiege the building. Their numbers are thinning. pic.twitter.com/dLNKn5ub8e
— Andy Ngo (@MrAndyNgo) October 4, 2025
Државните и локалните лидери ги критикуваа плановите на Трамп за распоредување на војската во последните недели , нарекувајќи го тоа злоупотреба на моќта.
Засега не е познато дали војниците пристигнале во Чикаго, јавува Би-Би-Си.
Трамп ја објави одлуката откако федерален судија во Портланд, Орегон, привремено ја блокираше неговата одлука за распоредување на 200 војници во градот.
Регион
Македонија ѝ понуди помош на Бугарија по катастрофалните поплави

Македонија е подготвена да обезбеди поддршка за справување со последиците од поплавите, објави претседателот на Бугарија, Румен Радев, на „Икс“, по телефонскиот разговор со македонската претседателка Гордана Сиљановска Давкова.
„Благодарност до претседателката Гордан Сиљановска Давкова за конструктивниот телефонски разговор и изразеното сочувство за жртвите од поплавите во Бугарија, како и за декларираната подготвеност на РСМ да обезбеди поддршка за справување со последиците од невремето“, напиша Радев.
Благодаря на президента Гордана Силяновска @gogamkd за конструктивния телефонен разговор и изразените съболезнования за жертвите при наводненията в България, както и за заявената готовност РСМ да окаже подкрепа за справяне с последиците от бедствието.
— President.bg (@PresidentOfBg) October 4, 2025
Бугарија се соочува со апокалиптични поплави. Снимките покажуваат како автомобилите се однесени од порои, а полицијата и жандармеријата се распоредени во критичните области.
Четвртата жртва од поплавите во реонот на туристичкото одморалиште Елените во Бугарија е откриена синоќа, изјави директорот на Регионалната дирекција на Министерството за внатрешни работи во Бургас, виш комесар Владимир Маринов.
БТА објави дека ситуацијата во одморалиштето Елените и поширокото подрачје на Бургас, во југоисточна Бугарија, полека се враќа во нормала.
Massive flooding due to heavy rainfall in Elenite, Burgas Province, Bulgaria 🇧🇬 pic.twitter.com/1w2cKP2lgA
— Disaster News (@Top_Disaster) October 3, 2025
Во невремето животот го загубија двајца спасувачи и еден граѓанин, кој во моментот на пристигнувањето на првиот голем бран се наоѓал во соба на приземјето од својата куќа.