Свет
Дали љубовна врска е мотивот за страшното злосторство – мајката, чичкото и братот се главните осомничени за смртта на малата Нарин
Поминаа четири дена откако телото на малата Нарин Гуран беше пронајдено во потокот, а ситуацијата во врска со овој случај сѐ уште не се смирува, пренесуваат медиумите во регионот.
Нејзиниот чичко Селим се наведува како главен осомничен за убиството на девојчето, а очите на јавноста се насочени и кон мајка ѝ и постариот брат.
Турските власти сега се фокусирани на три можни мотиви за убиството на девојчето.
Како најверојатен мотив за убиството со денови се зборува за љубовната врска меѓу мајката на Нарин и чичкото Селим. Сомнежите, како што пишуваат локалните медиуми, се дека малата Нарин можеби ги видела мајка си и чичкото во непријатна ситуација и затоа била убиена.
Сепак, чичкото Селим, кој е во притвор, ја демантирал врската.
„Не сме во врска. Нарин е ќерка на брат ми“, одговори тој.
Според медиумите, се верува дека ситуацијата за љубовната врска ќе се разреши кога експертите ќе ги вратат избришаните пораки од телефонот на мајката и чичкото.
Кога било пронајдено телото на девојчето, првин бил приведен братот на Нарин, Енес (18).
На неговата рака биле пронајдени отпечатоци од заби за кои полицијата се сомневала дека можеби ги направила неговата помлада сестра.
Се сомневаат дека Нарин можеби видела дека брат ѝ и неговите пријатели го малтретирале кучето и дека ја убиле за да не каже никому што видела.
Многумина во селото тврдат дека таткото на Нарин, Ариф, и чичко ѝ Селим имале многу лоши односи.
Наводно, Селим еднаш напишал на една социјална мрежа: „Ќе те натерам да доживееш таква болка“ и дека оваа порака била наменета за брат му Ариф.
Иако многумина веруваат дека чичкото можеби ја убил девојката за да му се одмазди на својот брат, тој на сослушувањето во полиција негира.
Полицијата уште од почетокот добивала погрешни информации од роднините поради што некои од нив биле уапсени поради попречување на истрагата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп: Иранците рекоа дека ќе добиеме нуклеарен прав
Американскиот претседател Доналд Трамп изјави дека е уверен дека Иран ќе престане да збогатува ураниум и ќе се откаже од секој обид за развој на нуклеарно оружје, иако преговорите меѓу Вашингтон и Техеран се уште се во застој.
„Сто проценти ќе престане“, рече Трамп во интервју за радио емисијата „Сид и пријателите наутро“ на WABC, кога беше прашан дали верува дека Иран може да биде спречен да збогати ураниум и да развие нуклеарна бомба.
Трамп рече дека лично бил вклучен во разговорите со иранските претставници. „Преговарам со нив. И тие рекоа дека ќе добиеме прав. Јас го нарекувам нуклеарен прав затоа што е соодветно име. И ќе го добиеме“, нагласи тој.
Американскиот претседател, исто така, рече дека Вашингтон нема потреба да брза кон договор. „Нема да брзаме со ништо, имаме блокада“, рече Трамп.
Фото: Depositphotos
Свет
Пентагон објави колку војната во Иран ја чинела Америка досега
Американската војна во Иран досега чинела 29 милијарди американски долари, изјави денес висок функционер на Пентагон, што е зголемување од 4 милијарди во споредба со проценката презентирана на крајот од минатиот месец.
На само шест месеци до општите избори, на кои републиканците на претседателот Доналд Трамп би можеле да се соочат со тешка битка за задржување на мнозинството во Претставничкиот дом, демократите постигнуваат високи резултати во анкетите на јавното мислење додека се обидуваат да ја поврзат војната со прашањето за високите трошоци за живот.
На 29 април, Пентагон објави дека војната до тој момент чинела 25 милијарди американски долари.
Вршителот на должноста контролор Џулс Херст им рече на пратениците во вторникот дека новите трошоци вклучуваат ажурирани податоци за поправка и замена на опрема и оперативни трошоци.
„Здружениот штаб и тимот на контролорот постојано ја разгледуваат таа проценка“, рече Херст. Тој зборуваше заедно со министерот за одбрана Пит Хегсет и генералот на Здружениот штаб Ден Кејн.
Не е јасно како Пентагон дошол до бројката од 29 милијарди долари.
Извор за Ројтерс во март изјави дека администрацијата на Трамп проценила дека првите шест дена од војната чинеле најмалку 11,3 милијарди долари.
Свет
Кремљ го повтори тврдењето на Путин дека војната во Украина е речиси завршена
Кремљ денес го повтори тврдењето на рускиот претседател Владимир Путин дека војната во Украина е речиси завршена, откако украинскиот претседател Володимир Зеленски рече дека Москва нема намера да ја заврши.
„Мислам дека се ближи крајот“, им рече Путин на новинарите во саботата за петгодишната војна.
Замолен да ги коментира коментарите на Путин, портпаролот на Кремљ, Дмитриј Песков, рече дека дел од трилатералната работа со Украина и САД за постигнување договор е завршена.
„Овие подготвени темели во однос на мировниот процес ни овозможуваат да кажеме дека крајот навистина се приближува“, им рече Песков на новинарите, додавајќи дека е тешко да се дадат конкретни детали во овој момент.
Украинскиот претседател, Володимир Зеленски, вчера, сепак, инсистираше дека Русија нема намера да ја заврши војната.
„Русија нема намера да ја заврши оваа војна. А ние, за жал, се подготвуваме за нови напади“, рече тој.
Американскиот претседател, Доналд Трамп, свика неколку рунди разговори со завојуваните страни за да се обиде да го заврши конфликтот, но сè уште не е постигнат мировен договор.
Русија, која сега контролира околу една петтина од Украина, сака Киев да отстапи дополнителна територија. Киев бара повлекување на руските трупи.
Песков рече дека Русија би ги поздравила понатамошните напори на САД за посредништво и дека Путин е подготвен лично да се сретне со Зеленски откако ќе се финализира мировниот процес.
„А за ова финализирање, за да се стави крај на тоа, треба да се направи многу повеќе подготвителна работа“, рече тој, додавајќи дека конфликтот би можел да заврши штом Киев и Зеленски „ја донесат потребната одлука“.
Завојуваните страни се согласија на кратко примирје со посредство на САД од 9 до 11 мај, по повод годишнината од победата на Советскиот Сојуз над нацистите во Втората светска војна.
Иако ниту една страна не пријави големи воздушни напади за време на примирјето, двете страни рекоа дека борбите продолжиле по линијата на фронтот и се обвинија меѓусебно за напади.
фото/Depositphotos
Утре променливо облачно време со дожд и грмежи, температурите во опаѓање
Времето утре ќе биде променливо облачно, а претежно во западните делови од земјата ќе има повремен дожд. Локално се очекуваат...
Трамп: Иранците рекоа дека ќе добиеме нуклеарен прав
Американскиот претседател Доналд Трамп изјави дека е уверен дека Иран ќе престане да збогатува ураниум и ќе се откаже од...
Пентагон објави колку војната во Иран ја чинела Америка досега
Американската војна во Иран досега чинела 29 милијарди американски долари, изјави денес висок функционер на Пентагон, што е зголемување од...
Ученикот кој беше прободен во училиште во Ченто е во болница и е во добра состојба, вели Стефковски
Ученикот кој вчера беше прободен во основно училиште во Ченто е во болница и е во добра состојба, вели градоначалникот...
Мукаетов на Самитот „Македонија 2025“: „’Алкалоид’ е пример дека Македонија може да се натпреварува глобално“
Компаниите од земјава и од регионот треба да ги напуштат локалните практики и да работат според глобалните правила и стандарди,...
Во завршна фаза е изградбата на боксерската сала во Битола
Градоначалникот на Битола, Тони Коњановски, изврши увид на изградбата, односно завршницата на еден капитален објект за Битола. Центарот за спорт...
Средба на Сиљановска-Давкова со канадските претприемачи со македонско потекло, Џон Битов помладиот и Јордан Битов
Претседателката Гордана Сиљановска-Давкова денеска прими претставници на македонската дијаспора во Канада, меѓу кои и канадските претприемачи Џон Битов помладиот и...
Кремљ го повтори тврдењето на Путин дека војната во Украина е речиси завршена
Кремљ денес го повтори тврдењето на рускиот претседател Владимир Путин дека војната во Украина е речиси завршена, откако украинскиот претседател...
Средба на Сиљановска-Давкова со претставници на СОС Детско село Македонија
Претседателката Гордана Сиљановска-Давкова оствари средба со претставници на СОС Детско село Македонија по повод одбележувањето на 25-годишнината од постоењето и...