Свет
Данците ги бојкотираат американските производи, Канаѓаните избегнуваат летови: пад од 70 проценти кон САД
Гневни од однесувањето на американскиот претседател Доналд Трамп, кој изрази желба да го купи или освои Гренланд со војската и да го присоедини кон САД, Данците, на кои им се закани со високи царини, ги игнорираа неговите апетити и решија да го бојкотираат купувањето американски производи во знак на национален протест.
Во исто време, новите американски царини, иако неодамна беа намалени на 10 %, уште повеќе го отежнуваат извозот од ЕУ на еден од нејзините клучни пазари. Трамп изјави дека САД треба да ја преземат контролата врз Гренланд, данската територија на која веќе се наоѓаат американските воени бази, во име на националната безбедност. Данските власти решително ја отфрлија оваа идеја, а сега потрошувачите, слично како и Канада, која Трамп наводно би сакал да ја види како 51. американска сојузна држава, го креваат својот глас во несогласување.
„Ова е единствениот начин на кој клиентите може да покажат барем мал знак на протест против Трамп“, изјави Сане, работник во данската трговска мрежа за Си-ен-би-си.
„Ти си крал на САД во моментот, навистина. Преферирам европски производи отколку американски не само поради актуелниот конфликт туку и поради повисоките стандарди, а со оглед на моментната ситуација, тоа ми е уште поважно“, изјави Сања, Австралијка, која живее и пазарува во Копенхаген.
Групацијата „Салинг“, сопственик на синџирот-продавници Fоtex, Bilka и Netto, им олесни на клиентите да ги избегнат американските производи со ставање ѕвезда на цените во повеќе од 1.700 продавници во Данска, Германија и во Полска.
Портпаролот на Salling Group нагласи дека целта не е да се поттикне бојкот на американските производи, туку да се одговори на многуте барања од клиентите, кои бараат појасни информации за потеклото на брендовите.
Сепак, многу клиенти рекоа дека ја поздравуваат оваа иницијатива. „Да, ќе ги избегнувам американските производи. Мислам дека им треба нов претседател“, изјави клиентката Ева.
Бојкотот остави белег и на големите американски брендови. Според истражувањето спроведено од француската агенција Ifop во март, потрошувачите сè повеќе ги заобиколуваат синџирите како „Старбакс“ и „Мекдоналд“ и избегнуваат „кока-кола“. Меѓу најпогодените е „Тесла“, која забележа значителен пад на продажбата во регионот, а некои од нејзините продавници во Германија, Италија и во Шведска беа дури и вандализирани во знак на протест против политичките изјави на Илон Маск.
Јенс Лунд, извршен директор на данската логистичка компанија DSV, изјави за Си-ен-би-си дека ефектите од новите царини веќе се чувствуваат иако вистинската скала ќе биде видлива само со текот на времето.
„Времето ќе покаже како ќе реагираат потрошувачите, на крајот на краиштата, тие го имаат последниот збор“, рече Лунд.
„За поскапите производи, како што се автомобилите, веќе е видлив падот на продажбата“.
Меѓутоа, Лунд предупредува дека бранот бојкот може да биде краткотраен: луѓето, вели тој, бргу се враќаат на своите навики.
„Потрошувачите избираат што е најдостапно. Најдобриот сооднос цена – квалитет сепак одлучува“, додава тој.
Најголемата канадска авиокомпанија, „Ер Канада“, минатата недела објави дека резервациите за летови до САД од април до септември паднале 10 отсто во споредба со минатата година. OAG, аналитичка фирма за воздушен сообраќај, забележа пад на резервациите за летови на релација Канада – САД од дури 70 %.
Тоа го потврдува и заменик-директорот на канадската авиокомпанија „Вестџет“, кој наведува дека сè помалку луѓе ја минуваат границата со Америка бидејќи патниците сè повеќе избираат други дестинации.
Сличен тренд почнува да се забележува и во Европа. Директорот на хотелската групација Accor, Себастиен Базин, изјави за „Блумберг“ минатата недела дека летните резервации од Европа во САД паднале 25 % најмногу поради непријатноста од патување во непозната средина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Се урна турски воен авион во близина на границата меѓу Азербејџан и Грузија
Турски воен товарен авион се урна денес во близина на границата меѓу Азербејџан и Грузија, соопшти турското Министерство за одбрана, пренесува „АП њуз“.
Министерството објави на социјалните мрежи дека авионот Ц-130 полетал од Азербејџан и се враќал во Турција. Сè уште не е познато колку членови на екипажот биле на авионот. Започната е операција за пребарување и спасување во координација со азербејџанските и грузиските власти, соопшти министерството.
🇬🇪🇦🇿🇹🇷 TUAF543 | Turkish Air Force C-130 (reg. 68-01609) Aircraft tracked departing Ganja earlier today, later signal lost over Georgian territory.
Footage below apparently shows the crash of the same aircraft, currently under verification. pic.twitter.com/1Qjt0FiBtY
— Visioner (@visionergeo) November 11, 2025
Воените товарни авиони Ц-130 се широко користени од турските вооружени сили за транспорт на персонал и логистички операции. Турција и Азербејџан одржуваат тесна воена соработка.
Видео кое наводно го прикажува моментот на несреќата беше емитувано на турската приватна телевизија НТВ и други медиуми. Снимките покажуваат како авионот остава трага од бел чад зад себе.
Фото: принтскрин
Свет
Претседателот на Чешка: Руските нарушувања на воздушниот простор на НАТО мора да бидат запрени со сила
Повторените нарушувања на воздушниот простор на земјите-членки на НАТО од страна на Русија не треба да се толерираат бесконечно и на нив мора да се одговори со сила, изјави денес чешкиот претседател Петр Павел.
За време на дискусијата со средношколци во регионот Карлови Вари, Павел рече дека верува оти е потребен соодветен одговор на нарушувањето на воздушниот простор на членките на НАТО и дека Русија мора да ја покаже својата сила, објавува „Чешки весник“.
Тој додаде дека ова не значи дека секое нарушување на воздушниот простор ќе биде казнето со соборување на авион, туку дека тоа ќе биде неопходно ако Русија продолжи да се однесува на овој начин.
Павел изјави дека е убеден дека во спротивен случај, Русија нема да се двоуми ниту за момент доколку некоја од земјите-членки на НАТО го наруши нејзиниот воздушен простор.
Тој како пример ги наведе инцидентите што Русија ги предизвика во Турција, кога беше на чело на Воениот комитет на НАТО, кога постојано го нарушуваше турскиот воздушен простор, што престана кога таа земја собори руски авион во ноември 2015 година.
„И дури по десеттото кршење, кое очигледно беше намерно, дека тоа беше провокација и дека Русија тестираше колку далеку може да оди, Турците се налутија и соборија еден од руските авиони. И владееше мир“, рече чешкиот претседател.
Тој додаде дека, и покрај стравувањата во тоа време дека ова ќе ги ескалира односите со НАТО, Русија се откажа од понатамошни обиди за нарушување на турскиот воздушен простор.
„Русите денес нè тестираат на ист начин. Тие тестираат како функционира воздушната одбрана на поединечните земји, како функционира интегрираниот систем за воздушна одбрана на НАТО, колку сме решени да се спротивставиме на тоа за сопствена одбрана. И од руска гледна точка, слабоста не заслужува ништо повеќе од тоа да се избрише“, заклучи Павел.
Фото: принтскрин
Свет
„Политико“: Европа бележи најголем прилив на украински бегалци во последните две години
Бројот на украински државјани на кои им е одобрен политички азил во земјите од Европската Унија достигна највисоко ниво во последните две години откога Украина ги промени правилата за излез за млади мажи, објавува порталот „Политико“.
Според податоците на гореспоменатото издание, земјите од Европската Унија издале 79.205 нови одлуки за привремена заштита на украински државјани во септември, што претставува зголемување од дури 49 проценти во споредба со август. Ова е воедно и најголемото месечно зголемување од август 2023 година.
Најголем прилив на украински баратели на азил е забележан во Полска, Германија и во Чешка.
Според извештајот, зголемувањето на бројот на барања е директно поврзано со новиот закон што стапи во сила во Украина на 28 август, кој им овозможува на млади мажи на возраст од 18 до 22 години да ја преминат државната граница. Оваа промена на правилата предизвика бран заминувања на млади Украинци, кои очигледно решиле да побараат засолниште во земјите од Европската Унија.
Фото: принтскрин
Трагична несреќа во Конче: 46-годишен маж убиен за време на лов, бил застрелан во стомакот и раката
Едно лице вчера е убиено за време на лов во селото Габревци. Според информациите на МВР, уапсени се 11 лица...
(Видео) Кузеска: Власта да ги објави бројките и да го разреши Трипуновски
Откако скандалот кој го најави СДСМ се потврди, денес е време власта да почне да одговара на клучните прашања кои...
Изнервирана затоа што бебето плачело, го удирала со раце и тупаници по устата и носот: Обвинителството поведе истрага против мајката
Основното јавно обвинителство Скопје донесе наредба за спроведување истражна постапка против 23-годишна жена со престојувалиште во ‘Ржаничино, која е осомничена...
(Видео) Мицкоски побарал да се стопираат исплатите од ИПАРД за да се види до каде одела злоупотребата: Ќе одговараат сите, од прв до последен
Премиерот Христијан Мицкоски, кој денеска беше во посета на фабриката „Костал“ во Охрид, негираше дека средствата од ИПАРД се блокирани...
Арсовска со повик до Ѓорѓиевски: Ако сакаш како маж да соочиш аргументи, ајде на дебата на ваш медиум по избор
Поранешната градоначалничка на град Скопје, Данела Арсовска, побара од новиот градоначалник Орце Ѓорѓиевски да ги објави сите фирми со долг,...
„Јавното здравство троши сè повеќе, а дава сè помалку“, истражување на Центарот за граѓански комуникации за јавните набавки во здравствениот сектор од 2015 до 2024 година
Центарот за граѓански комуникации го објави истражувањето за јавните набавки во здравствениот сектор во периодот од 2015 до 2024 година....
Расчистен случај со лажна сообраќајна несреќа во Битола, уапсени две лица
СВР Битола поднесе кривична пријава против С.Г.(54) од Прилеп и С.И.(31) од Крушево поради постоење основи на сомнение за сторено...
Русите велат дека спречиле голем украинско-британски заговор: „Сакаa да киднапираат ‘миг-31’“
Руската Федерална служба за безбедност (ФСБ) соопшти дека осуетила заговор на украински и британски разузнавачки службеници да ги убедат руските...
(Видео) Силна експлозија на автомобил во главниот град на Индија, најмалку 10 мртви
Силна експлозија на автомобил-бомба потресе прометна област на индискиот главен град вчера, при што загинаа најмалку 10 лица, а десетици...
(Видео) Украинците ја нападнаа Русија со дронови: погодена голема рафинерија за нафта
Рафинерија за нафта во рускиот град Саратов беше нападната од украински беспилотни летала во текот на ноќта, според објавите на...
(Видео) Трамп му се закани на Би-би-си со тужба од 1 милијарда долари: ќе ја повлече ако ги исполнат неговите три барања
Британската јавна радио-телевизија е во длабока криза откако беше откриено дека говорот на Доналд Трамп бил измамнички монтиран во документарец...
Американскиот Сенат ги одобри мерките потребни за прекин на најдолгата блокада на владата
Во понеделникот, Сенатот ги одобри потребните мерки за прекинување на најдолгото затворање на владата на САД во историјата, кое траеше...
Сирија се приклучува на меѓународната коалиција против Исламската држава
Сирија ќе се приклучи на меѓународната коалиција против Исламска држава (ИСИС) предводена од САД, изјави во понеделник американски функционер под...
Ѓорѓиевски отпушти 500 вработени
Градоначалникот на Град Скопје, Орце Ѓорѓиевски, објави дека се отпуштени 500 вработени од претпријатијата на Скопје затоа што се месеци,...
Детали за кражбата на кабли во која е вмешан и полицаец: Направиле штета од 600.000 евра, а поради пожар граѓаните останале без струја
Основното јавно обвинителство Скопје објави детали за кражбата на кабли во кругот на фабриката „Железара“ во која е вмешан и...
Исплатите од ИПАРД програмата привремено прекинати поради проверка на законитоста
Македонија преку структурите и органите за управување на средствата од ИПА/ИПАРД донесе одлука за времен прекин на исплатите на средствата...
Пендаровски му одговори на Фрчкоски: Никогаш не сум мешетарел, тоа го прават други кои се занимаваат со кафеанско озборување
Поранешниот претседател Стево Пендаровски ја отфрли изјавата на Љубомир Фрчкоски дека мешетари во СДСМ и дека има улога во можни...
Приведена жена од Кавадарци поради напад врз своето 6-месечно бебе
Утрово, околу 6 часот, полицијата во Скопје приведе 23-годишна девојка од Кавадарци, која се сомничи дека ноќеска, околу 00:37 часот,...
„’Вреди’ до Јаневска“: Непознавањето на албанскиот јазик не треба да води до фрустрација
Вчера, за време на јавен настап, министерката за образование, Весна Јаневска, во два или три наврати изрази незадоволство од комуникацијата...
Половина од младите во Македонија не веруваат дека земјата некогаш ќе стане членка на ЕУ
Повеќе од 46 отсто од младите во Македонија не веруваат дека земјата ќе стане членка на Европската унија, покажува новиот...
