Свет
Двегодишно момче исчезна од домот на бабата и дедото на Алпите, се стравува дека е киднапирано
Се зголемуваат стравувањата дека двегодишниот Емил бил киднапиран откога исчезнал пред три дена додека бил на одмор со своите баба и дедо – и покрај тоа што француската полиција отфрлила какви било сугестии дека бил киднапиран пред само 24 часа.
По повеќе од 48 часа интензивно пребарување околу селото Ле Верне, властите признаа дека момчето требало да биде пронајдено доколку било во близина.
„Има две и пол години, можело да помине прилично растојание. Но, сите тие претреси во изминатите два дена требаше да ни овозможат да го лоцираме“, изјави Марк Шапу, полицаецот задолжен за Провансата на Алпите, каде што Емил исчезна во саботата попладне.
Што се однесува до третирањето на исчезнувањето како киднапирање, Реми Авон, јавен обвинител, на истата прес-конференција рече: „Сите хипотези остануваат валидни, ниту една не е фаворизирана или исклучена“.
По три дена, двегодишното дете сè уште не е пронајдено откако полицијата претресла околу 20 куќи во малото алпско село опкружено со шума.
Како што растат стравувањата, јавниот обвинител нагласи дека засега „ниту еден елемент не карактеризира кривично дело што би можело да биде причина за ова исчезнување“.
Во понеделникот полицијата веќе го проширила просторот за пребарување откога не нашла трага од момчето. На помош биле донесени хеликоптер, дронови со термални камери и кучиња трагачи.
„Остануваме присутни на теренот. Користиме специјализирани средства во потрагата по индиции и одговараме на потребите на судската истрага“, рече Шапо.
Емил во саботата попладнето си играл во градината на куќата на своите баба и дедо во селото Ле Верн кога исчезнал.
Семејството се подготвувало да го напушти домот во кој престојувале кога Емил го искористил невниманието, изјавија официјални лица. Неговите баба и дедо дошле да го стават во автомобилот и откриле дека го нема.
Тие потоа ја известиле полицијата во саботата околу 17.15 часот кога членовите на семејството, полицијата, итната помош и локалните жители почнале да трагаат по момчето.
Франсоа Балик, градоначалникот на Ле Верн, вчера изјави за француската телевизија дека момчето е „добар шетач“ за својата возраст.
„Тоа е мало село со 20-тна куќи… можеме да видиме сè. Можел да замине и можеби се изгубил или се крие“, рече тој.
Областа околу Ле Верн е опкружена со шума и е популарна кај планинарите.
Емил, кој е по потекло од областа Марсеј, бил забележан од две лица додека излегувал од куќата на баба му и дедо му. Сепак, тогаш рекоа дека „го изгубиле од вид“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
САД ги укинаа санкциите за Додик
САД одлучија да ги укинат санкциите за неколку лица од Република Српска, што е поврзано со неофицијален договор меѓу Милорад Додик и новата американска администрација.
Санкциите беа укинати за Милорад Додик, Жељка Цвијановиќ, семејството Додик, нивните компании и многу други блиски соработници.
Во петок, 17 октомври, САД ги укинаа санкциите за четворица блиски соработници на Додик, кои првично беа ставени на црната листа за организирање и промовирање на неуставниот „Ден на РС“. Тие се Јелена Пајиќ Баштинац, Данијела Драгичевиќ, Горан Раковиќ и Дијана Миланковиќ.
Неофицијални извори тврдат дека укинувањето на санкциите е резултат на договор меѓу САД и Додик, според кој Додик морал да ја напушти функцијата претседател на РС по конечната пресуда и да назначи вршител на должноста претседател.
Откако Ана Тришиќ-Бабиќ беше избрана за вршител на должноста претседател на Република Српска, со што се исполни тој дел од договорот, Америка постепено ги укинува санкциите за другите соработници на Додик, а тој процес треба да биде завршен до крајот на овој месец.
Свет
„Тоа не е повлекување на САД од Европа“: Американската војска за намалување на силите
Повлекувањето на американската бригада од Романија не значи „повлекување“ од европскиот континент, објави денес американската армија.
„Ова не е повлекување на САД од Европа, ниту е знак за намалена посветеност на НАТО и Член 5, кој предвидува дека секоја од 32-те земји на Алијансата мора да ѝ помогне на земја-членка во случај на напад“, нагласи американската војска во соопштение од нејзиното европско седиште.
„Напротив, тоа е позитивен знак за зголемени капацитети и одговорности во Европа“, соопшти американската војска.
Армијата појасни дека Втората борбена пешадиска бригада на 101-та воздушно-десантна дивизија, со седиште во Романија, ќе се врати во своето седиште во Кентаки и нема да биде заменета.
Во соопштението не е наведено колку војници биле вклучени, но бригадата обично брои помеѓу 3.000 и 5.000.
Романските власти објавија дека 1.000 војници ќе останат стационирани по прераспоредувањето.
Фото: принтскрин
Свет
Специјалниот пратеник на Путин: Не сакаме конфликтот во Украина да ескалира во нешто поголемо
Специјалниот пратеник на рускиот претседател Владимир Путин, Кирил Дмитриев, на инвестициска конференција во Саудиска Арабија изјави дека војната во Украина би можела да заврши во рок од една година.
Дмитриев го изјави ова по состанокот со претставници на американската администрација во САД минатиот викенд.
„Сигурни сме дека сме на патот кон мир“
Неговата посета доаѓа по одлуката за одложување на самитот меѓу американскиот претседател Доналд Трамп и рускиот претседател Владимир Путин.
„Сигурни сме дека сме на патот кон мир и како миротворци мора да го оствариме тоа“, изјави Дмитриев, кој е и извршен директор на Рускиот фонд за директни инвестиции, на конференција во Ријад.
На прашањето дали мирот во Украина е можен во рок од една година, Дмитриев рече: „Верувам дека е“.
Дмитриев во САД рече дека САД и Русија се блиску до „дипломатско решение“ за војната.
Пофалби за соработката меѓу САД, Саудиска Арабија и Русија
Дмитриев ја пофали соработката меѓу САД, Саудиска Арабија и Русија како земји со најголеми резерви на природни ресурси во светот и рече дека таквата соработка ќе го направи светот побезбеден.
„Луѓето сега се фокусирани на регионалниот конфликт околу Русија, но не сакаме тој да ескалира во поголем конфликт. И за да се случи тоа, треба да направиме подобро отколку што правиме, а не полошо“, рече тој.

