Венецуела објави дека уапсила шест странци, вклучително и припадник на елитните американски специјални сили, за наводен заговор за дестабилизација на земјата, која е во криза по спорните избори во јули оваа година.

Министерот за внатрешни работи Диосдадо Кабело тврди дека наводниот заговор бил предводен од ЦИА и дека целта била да се убие претседателот Николас Мадуро. Американскиот Стејт департмент го отфрли тврдењето како лажно, јавува „Си-Ен-Ен“.

Обвинението доаѓа во време кога венецуелската опозиција, неколку национални лидери од Латинска Америка и Соединетите Држави одбиваат да ја признаат спорната изборна победа на Мадуро, која беше проследена со масовни протести во кои беа уапсени и убиени илјадници луѓе.

Министерот рече дека покрај Американците, уапсени се и двајца шпански државјани – Хозе Марија Басоа Валдовинос и Андрес Мартинез Адасме и чешкиот државјанин Јан Дармовзал. Венецуелските власти заплениле и 400 американски пушки поврзани со наводниот заговор.

„ЦИА ја водеше оваа операција. Тоа воопшто не не’ изненадува“, рече Кабело на прес-конференција, тврдејќи дека е вклучен и Националниот разузнавачки центар на Шпанија. Тој тврди дека операцијата имала многу јасни цели за атентат на претседателот Николас Мадуро и други венецуелски функционери, вклучително и него и потпретседателот.

Стејт департментот ги отфрли тие тврдења. Неговиот портпарол потврди дека еден припадник на американската војска бил уапсен во Венецуела и дека знаел за непотврдени извештаи за приведени уште двајца американски државјани.

„Сите тврдења за вмешаност на САД во заговор за соборување на Мадуро се категорично лажни“, додаде портпаролот.

„САД продолжуваат да го поддржуваат демократското решение за политичката криза во Венецуела“.

Извор од шпанското Министерство за надворешни работи изјави за Ројтерс дека се бараат повеќе информации од Венецуела:

„Шпанската амбасада испрати вербална нота до владата на Венецуела во која бара пристап до приведените граѓани за да се потврди нивниот идентитет и националност и да се знае точно за што се обвинети. .

Венецуела сè уште се бори со последиците од претседателските избори во јули, на кои Мадуро освои трет мандат и покрај глобалниот скептицизам за резултатот и негодувањето од опозициското движење во земјата.

Коалицијата што го поддржува опозицискиот лидер Едмундо Гонзалес инсистира дека гласањето е украдено, објавувајќи онлајн табели за кои експертите велат дека покажуваат дека Мадуро всушност го загубил претседателството со голема разлика.

САД го признаа Гонзалес како кандидат кој добил најмногу гласови на изборите, но формално не го признаа како новоизбран претседател на Венецуела. Минатата недела Гонзалес полета за Шпанија, бегајќи од Венецуела откако беше издадена потерница со која се товари за тероризам, заговор и други злосторства.

Во четвртокот, САД воведоа санкции за венецуелски официјални лица поврзани со Мадуро поради наводно мешање во изборите.

САД, исто така, објавија дека венецуелскиот авион што го користел Мадуро за меѓународни патувања бил запленет во Доминиканската Република; друг авион поврзан со Мадуро е под 24-часовен надзор од властите во Доминиканската Република.

Осум лица загинаа во текот на ноќта при обид да го преминат Ла Манш од Франција во Англија, соопшти француската полиција, а пренесе Би-би-си.

Спасувачките служби биле алармирани откако бродот наишол на тешкотии северно од Булоњ-сур-Мер во Па-де-Кале по 01:00 часот по локално време.

Гумениот чамец запловил со 50 луѓе и набргу почнал да тоне.

Несреќата се случува за помалку од две недели откако 12 лица, меѓу кои шест деца и една трудница, загинаа кога потона чамец со десетици мигранти. Во несреќата, на 3 септември годинава, најмногу луѓе загинаа на Ла Манш.

Во последните два дена зголемен е бројот на обиди за преминување на каналот поради помирното време. Француските поморски власти објавија дека во петокот и саботата за 24 часа биле спасени 200 луѓе.

Во Австрија маж исчезна во лавина, додека ширум Европа итните служби се борат со невидени поплави.

Во Австрија на југот од земјата се забележани ветрови до 146 километри на час, а на север врнежи до 170 литри вода на метар квадратен. Во Виена, пожарникарите интервенирале околу 150 пати во последните 24 часа, со цел да ги исчистат одводите затнати со ѓубре или да ја испумпаат водата што навлегла во подрумите, јавуваат локалните медиуми.

Пошумениот дел од паркот Шенбрун, најпосетуваното место во Австрија, е затворен од безбедносни причини, изјавија за АПА службите за итни случаи.

Според канцеларот Карл Нехамер, „врвот сè уште не е достигнат“, а дел од североисточниот дел на земјата е класифициран како зона на природна катастрофа.

Austria 🇦🇹 Snow ❄ Storm
September 13-14, 2024
Obertauern, Austria, 55 miles south east of Salzburg. pic.twitter.com/rnqFasucnC

— Light Beings Observer (@BeingsObserver) September 14, 2024

На планините на западот од земјата снегот го отежнува сообраќајот на повеќе патишта, а службите за итна помош трагаат по маж кој исчезна во лавина.

Тирол е делумно покриен со слој снег до еден метар, што е вонредна ситуација во средината на септември.

Романската спасувачка служба претходно објави дека пронашла тела на четири лица во регионот Галати во југоисточниот дел на земјата каде што биле погодени 5.000 домови.

-Поплави настанаа поради обилните врнежи – а спасени се вкупно 19 места и стотици луѓе низ целата земја, соопшти спасувачката служба.

Армијата испрати десет спасувачки чамци за да стигнат до жителите заробени во особено тешко погоденото село Печеи.

🚨🇦🇹Crazy weather in Austria as 4 feet of snow falls in the upper mountains. This is strange usually don’t get snow up in that region for another two months.🇦🇹⚠️ pic.twitter.com/5yq3TNLpjy

— Todd Paron🇺🇸🇬🇷🎧👽 (@tparon) September 14, 2024

Се поставуваат кампови за сместување на луѓето кои ги напуштиле своите домови поради надојдената вода.

Во селото Коначи поплавени се седумстотини куќи, а градоначалникот Емил Драгомир во интервју за локална телевизија изјави дека станува збор за „катастрофа од неверојатни размери“.

– Веќе имавме поплави пред 11 години, но не беше толку страшно – додаде тој додека главната улица наликува на порој.

“Torrential rains hit Romania, leaving 4 dead and dozens stranded as floods sweep through. Central Europe bracing for more. Climate change turning September into a disaster zone. 🌧️💧 #Floods #ClimateCrisis #ExtremeWeather” pic.twitter.com/7qlJkAkBKC

— Roykey’s No Filter! (@RoykeyNo) September 14, 2024

Драгу Стефан (52), вработен во блиската компанија, за АФП изјави дека „се обидел да спаси нешто“, но дека тоа е „залуден напор бидејќи водата пристигнала пребрзо“.

Претседателот Клаус Јоханис им изрази сочувство на семејствата на загинатите.

– Повторно сме соочени со ефектите од климатските промени, кои се сè поприсутни на европскиот континент – рече тој.

Massive floods due to extreme rainfall in Galați in the region of Western Moldavia in eastern Romania 🇷🇴 (14.09.2024)

TELEGRAM JOIN 👉 https://t.co/9cTkji4D9S pic.twitter.com/5szdsnFyMm

— Disaster News (@Top_Disaster) September 14, 2024

Во Чешка од вчера на располагање се 100.000 пожарникари, а без струја останаа речиси 50.000 домови, соопшти електростопанството ЧЕЗ.

Болницата во Брно на југоистокот на земјата беше евакуирана во саботата наутро. Моравија прогласи вонредна состојба.

– Земјата сега е заситена, што значи дека целата дождовница ќе остане на површината – изјави министерот за заштита на животната средина, Петр Хладик.

Вонредна состојба е прогласена и во Братислава, главниот град на Словачка.

Од полска страна, ситуацијата на југозапад се чини дека е најнесигурна, а владата вели дека и следните неколку часа ќе бидат тешки.