Доброволците што пред две недели примија вакцина против коронавирус во воената болница „Бурденко“ се чувствуваат добро и не пријавиле никакви несакани ефекти, соопшти денеска руското Министерство за одбрана.

Пред две недели втора група доброволци примија вакцина против коронавирус во рамките на испитувањата, кои ги споведе руското Министерство за одбрана и Националниот истражувачки центар за епидемиологија „Гамалеј“, а сите меѓу нив се со добра здравствена состојба и не пријавиле никакви компликации, ниту несакани ефекти, пренесе ТАС С.

Доброволците ќе останат во болница уште две недели, а на 21. ден од почетокот на испитувањето, ќе примат втора доза вакцина. Се смета дека втората доза на вакцината би требало дополнително да го зајакне имунолошкиот систем и да ја продолжи заштитата од коронавирус.

Сите доброволци се под карантински медицински надзор и поминуваат лекарски тестови секој ден.