Свет
Документи на ЦИА откриваат дека Хитлер фантазирал дека е Исус Христос

Адолф Хитлер фантазирал дека е Исус Христос и за второто доаѓање на спасителот, пренесува „Дејли стар“ повикувајќи се на декласифицирани документи на ЦИА. Во профилот на Хитлер на 68 страници, направен речиси една година откако САД влегоа во Втората светска војна, се тврди и дека тој имал комплекс на месија.
Тајно досие составено од Канцеларијата за стратешки служби, претходничка на ЦИА, презентира биографска скица на фирерот. Таа била испратено од д-р Хенри Филд до главниот помошник на американскиот претседател Франклин Делано Рузвелт. Според досието, Хитлер бил опишан како сексуално некадарен маж опседнат со себеси. Поточно, во документот се вели дека фирерот сонувал да биде месија кој ќе го исчисти Берлин, град што го сметал за „Вавилон на гревот“.
Хитлер почнал да размислува за себе како полубог уште во раните 1920-ти додека ја создавал нацистичката партија, тврдат декласифицираните документи. До 1923 година почнал да зборува за себеси како суров месија на светот, се вели во досието. Ова размислување влијаело врз неговата политика и врз неговиот сексуален живот.
Документите опишуваат како Хитлер дематирал новинарска вест во која се вели дека бил свршен со Ернам, сестрата на извесен д-р Сеџвик.
„На Хитлер многу му годеа шпекулациите, но под притисок од д-р Сеџвик да ја негираат веста, тој му рекол: Те овластувам да им кажеш на весниците дека никогаш нема да се свршам со жена ниту ќе оженам. Единствената вистинска невеста за мене е и секогаш ќе биде германскиот народ“. Според досието, пријателот на Хитлер, Ернст Ханфстауенгл изјавил дека фирерот се сметал себеси за месија по овој говор.
Британската историчарка Ема Крејги неодамна зборуваше за интимните детали од сексуалниот живот на фирерот. Крејги тврди дека тој имал мал пенис, си инјектирал животински тестостерон и ги камшикувал кучињата за да ја импресионира својата љубовница Ева Браун.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
„Еколошка катастрофа, Чернобил, помор и поплави“ – последиците од рушењето на браната во Украина би можеле да бидат огромни

Украинските научници чекаат водата да се повлече пред целосно да го проценат влијанието врз животната средина од уништувањето на браната Каховка, но поранешен министер предупреди дека тоа може да ја предизвика најлошата еколошка катастрофа од нуклеарната катастрофа во Чернобил.
Аналитичарите за „Гардијан“ изјавија дека обемот на штетата ќе зависи од количината на ослободена вода и од степенот на штетата на браната, и двете се’ уште не се познати. Во најмала рака, уништувањето на браната принуди евакуација на илјадници луѓе, поплавени паркови и го загрози снабдувањето со вода на милиони луѓе. Во најлош случај, може да има долгорочна опасност за најголемата европска нуклеарна централа во Запорожје.
Меѓународната агенција за енергија на Твитер објави дека нејзините експерти во Запорожје, лоцирани на 160 километри возводно од браната, внимателно ја следат ситуацијата. Тие рекоа дека нема директен ризик за нуклеарна безбедност бидејќи базените за ладење веќе се полни. Ова може да се промени ако резервоарот зад браната значително се испразни, што би го отежнало полнењето на системот за ладење и ракувањето со генераторот.
Поранешниот министер за животна средина Остап Семерак изјави за „Гардијан“ дека верува дека ова е голема закана и дека може да се појават други опасности во наредните денови и недели бидејќи поплавите ќе ги зафатат градовите, бензинските пумпи и фармите, ќе се контаминираат со агрохемикалии и нафтени деривати, а потоа ќе се слеваат во Црното Море.
„Ова ќе има влијание врз Романија, Грузија, Турција и Бугарија. Тоа ќе биде штетно за целиот регион“, рече тој.
„Нашата влада објави дека ова е најголемата еколошка катастрофа во Европа во последните 10 години и мислам дека може да биде најлошата во Украина од Чернобил во 1986 година“, додаде тој.
Снабдувањето со вода може да се намали или прекине во неколку градови, вклучувајќи го и Херсон, а наводнувањето може да се покаже невозможно во делови од земјоделското земјиште, што ќе влијае на посевите. Се очекуваат масовно истребување на риби и други водни видови, широко распространето уништување на живеалиштата и негативни влијанија врз еколошки важните национални паркови. Дополнително, вели тој, мините ќе се поместат и ќе бидат покриени со кал, што ќе го отежне нивното лоцирање.
Русија и Украина меѓусебно се обвинуваат за рушењето на браната.
Регион
(Видео) Еди Рама ја зграпчи и ја бакна италијанската премиерка, опозицијата вели дека се однесувал како холивудска ѕвезда

Албанскиот премиер Еди Рама со денови ги полни колумните на локалните и странските медиуми откако се појави видео на кое се гледа како ја бакнува во образот италијанската премиерка Џорџа Мелони.
Гестот на албанскиот премиер на неодамна завршениот самит на европските лидери во Молдавија крена голема прашина.
Во видеото Рама ѝ приоѓа на Мелони одзади, по што тој ја фаќа за вратот и силно ја бакнува во образот.
Neměla bych náhodou pracovat pro bulvár?
Podařilo se mi zachytit, jak albánský premiér Edi Rama pomuckal italskou premiérku Giorgiu Meloni.#EPCMoldova pic.twitter.com/NuXbN8xU73
— Aneta Zachová (@AnetaZachova) June 1, 2023
„Успеав да го овековечам моментот кога албанскиот премиер Еди Рама ја „нападна“ италијанската премиерка Џорџија Мелони“, напиша на Твитер новинарката Анета Захова.
Опозицијата го коментираше потегот на Еди Рама и порача дека премиерот се однесувал како холивудска ѕвезда на црвен тепих.
„Рама ја бакна Мелони, но не ја зголеми пензијата. Ние не сме против двајцата премиери да бидат пријатели, но што има за народот. Што се политичарите? Холивудските ѕвезди треба да се однесуваат така. Не гласате за политичари затоа што се популарни, туку за работа. Главната грижа овде се кликовите. Властите се здружуваат и гледаат кој има најмногу кликови“, изјави поранешниот претседател на Демократската партија Љуљзим Баша.
Регион
Силен земјотрес ја погоди Романија, бил почувствуван и во Белград

Силен земјотрес со јачина од 5 степени според Рихтеровата скала ја погоди Романија.
Епицентарот бил во близина на градот Арад, на длабочина од девет километри.
Земјотресот бил почувствуван и во Белград, пишува „Блиц“.
„Можам да се заколнам дека земјотресот се почувствува во Белград“, „Многу силно се почувствува во Клуж-Напока. Живеам на третиот кат. Траеше околу 20 секунди“, се дел од коментарите на веб-страницата на ЕМСЦ.
#Earthquake (#cutremur) possibly felt 31 sec ago in #Romania. Felt it? Tell us via:
📱https://t.co/LBaVNedgF9
🌐https://t.co/AXvOM7I4Th
🖥https://t.co/wPtMW5ND1t
⚠ Automatic crowdsourced detection, not seismically verified yet. More info soon! pic.twitter.com/kjIaE0PEb1— EMSC (@LastQuake) June 6, 2023