Свет
Еден мртов, шестмина ранети во серија престрелки низ Њујорк

Едно лице загина, а шестмина се повредени по серијата престрелки низ Њујорк, пренесува „Њујорк пост“.
Престрелката почнала синоќа околу 19 часот во Браунсвил, Бруклин, кога е убиен 20-годишен маж, а 36-годишна жена е повредена во пукање на авенијата „Њу лотс“, соопштија полицијата. Мажот бил застрелан во главата, а жената била погодена во раката и торзото. Двете жртви биле однесени во болницата „Брукдејл“, каде човекот починал.
Во втора престрелка во 22:30 часот во Канариси, Бруклин, 34-годишен маж се здобил со прострелна рана во ногата, соопштија властите. Тој бил однесен во блиската болница и се очекува да преживее.
Околу 23 часот во Источен Харлем се застрелани две лица, 26-годишен маж и 24-годишна жена, соопштија полицијата. Мажот бил погоден во ногата, а жената имала куршуми во торзото и ногата. Двете жртви се хоспитализирани.
Околу пет минути подоцна, еден 19-годишен маж бил застрелан во својот автмобил на авенијата „Френклин“ и е хоспитализиран во болницата во округот Кингс.
Нешто по 23.30 часот во Фар Рокавеј, 27-годишен маж е застрелан во торзото, соопшти полицијата. Тој бил однесен во епископската болница „Свети Јован“.
Полицијата засега нема осомничени или уапсени во врска со престрелките.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
40 ранети во Израел, двајца критично

Вкупно 40 лица побарале медицинска помош по вечерашниот ирански ракетен напад врз Израел, соопштија локалните здравствени служби. Двајца од повредените се во критична состојба.
Најголем број пациенти се лекуваат во болницата Ичилов во Тел Авив – 18 лица.
Според лекарите, пријавените повреди вклучуваат рани од шрапнели, вдишување чад и состојба на шок.
Свет
Израелската војска: Иран истрела помалку од 100 балистички ракети, повеќето ги пресретнавме

Портпаролката на израелската војска, Ефи Дефрин, рече дека помалку од 100 балистички проектили биле истрелани од Иран кон Израел.
Дефрин рече дека „повеќето од ракетите биле пресретнати од воздушната одбрана или паднале пред да стигнат до израелска територија“.
„Регистрирани се ограничен број погодоци на згради, а дел од штетата е предизвикана од фрагменти од пресретнати проектили“, додаде тој.
Според израелските медицински служби, во нападот биле ранети 40 лица.
Свет
Нетанјаху: Ова е можност за иранскиот народ да се спротивстави на режимот

Израелскиот премиер Бенјамин Нетанјаху вечерва и порача на јавноста дека можат да ги напуштат засолништата, откако новиот бран ирански ракети прелета над израелска територија.
„Иранскиот режим никогаш не бил послаб. Ова е можност за иранскиот народ да се спротивстави на режимот“, рече Нетанјаху во вечерашното обраќање.
Тој директно им се обрати и на граѓаните на Иран: „Јас сум со вас, израелскиот народ е со вас“, рече тој.
Министерот за одбрана на Израел, Израел Кац изјави дека Иран „ја преминал црвената линија со лансирање ракети кон израелските цивилни области“ и најави: „Техеран ќе плати висока цена“.
Оваа иранска одмазда следеше по израелските воздушни напади на иранска територија, при што беа погодени нуклеарни постројки и беа убиени високи команданти и научници.