Европа
Еден од најмодерните руски тенкови бил уништен во Харков, тврдат Украинците

Украинските новинари преку социјалните мрежи шират информации дека на бојното поле бил уништен модерен и редок руски тенк „Т-90М Прорјив-3“ („Пробој-3“).
Како доказ на „Твитер“ се појави фотографија, која наводно е направена на 4 мај и на која се гледа уништениот руски тенк. Фотографијата ја објави новинарот на „Киев индипендент“, Илија Пономаренко, а на неа во преден план се гледа репортерот Андриј Цаплијенко.
Тенкот наводно бил уништен во североисточниот украински регион Харков.
I mean, who could guess that the first Russian T-90M would be hunted down within days after their much-advertised deployment to Ukraine’s Kharkiv Oblast.
Say hi to our big friend Andriy Tsapliyenko. pic.twitter.com/1GaFuHcgR8— Illia Ponomarenko 🇺🇦 (@IAPonomarenko) May 4, 2022
Според специјализираниот воен портал The War Zone, тенкот „Т-90М“ е технолошки најнапредниот и најспособен во рускиот воен арсенал на бојното поле.
Уништувањето на овој тенк ја одразува подготвеноста на Москва да ја вклучи својата најсовремена воена технологија во борбите, оценува The War Zone. Рани докази дека Русија можеби ангажира дел од нејзините ограничени резерви на тенкови „Т-90М“ почнаа да се појавуваат уште во април.
Скриен тенк „Т-90М“ е виден во регионот Харков на видеа објавени од Националната гарда на Русија (Росгардија) на 25 април, а кои оттогаш кружат на социјалните мрежи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Во Велика Британија уапсени седум војници поради дрога и перење пари

Шест војници и еден ветеран во Велика Британија се уапсени под сомнение за дрога, позајмување пари и перење пари.
Министерството соопшти дека шест војници на ирската гарда и еден ветеран биле уапсени од припадници на кралската воена полиција како дел од „планирана операција“, пренесе Би-Би-Си.
Првиот баталјон на ирската гарда треба да учествува на платинскиот јубилеј на кралицата Елизабета на 2 јуни.
Министерството за одбрана соопшти дека ниту еден војник кој е под истрага нема да може да учествува на церемонијата.
Ирската гарда е основана од кралицата Викторија во 1900 година, а гардата била распоредена во Ирак и Авганистан. Полкот, чиј дел е принцот Вилијам, има задача, меѓу другото, да ги чува кралските палати, каде што може да се забележат нивните војници облечени во препознатлива црвена униформа и капа од кожа од мечка.
„ Во рамките на планираната операција, кралската полиција уапси шест војници од ирската гарда и еден ветеран од Велика Британија под сомнение дека набавувале дрога, позајмувале пари и переле пари. Армијата не толерира никакво незаконско однесување. Сега ова е во рацете на независна истрага. Не е соодветно за Кралската воена полиција дополнително да коментира“, соопшти британското Министерство за одбрана.
Европа
Кличко: Главна цел на Русија останува освојувањето на Киев

Виталиј Кличко, градоначалникот на Киев и поранешен светски шампион во бокс, им се обрати на собраните на Светскиот економски форум (СЕФ), кој се одржува во Давос, Швајцарија.
Тој рече дека Русија сè уште се надева оти ќе го преземе главниот град на Украина.
„Јасно е дека не станува збор за специјална воена операција, како што тврди Русија, туку за војна, една од најголемите по Втората светска војна. Илјадници луѓе загинаа, меѓу кои и многу деца, а на истокот на земјата се води голема битка“, рече Кличко.
Тој рече дека не е тајна оти окупацијата на цела Украина и понатаму е приоритет на Русија, „а нејзината главна цел е главниот град, срцето на земјата“, додавајќи дека „целиот свет виде докази за воени злосторства преку сателитските снимки на Буча“.
„Сите разбираат дека ова не е специјална операција, туку геноцид врз украинскиот народ“, рече Кличко мислејќи на човечкото страдање во Украина, пренесуваат медиумите.
Европа
Украина: Двајца руски војници се изјаснија за виновни за воени злосторства

Двајца руски војници, кои беа заробени од украинските сили, денеска, за време на второто судење за воени злосторства во војната во Украина, ја признаа вината за гранатирањето на град во источниот дел на таа земја.
За време на судењето во Окружниот суд во Котелевск во централна Украина, државните обвинители побараа казна од 12 години затвор за Александар Бобикин и Александар Иванов за, како што наведоа, кршење на законот за војна, пренесува „Ројтерс“.
Бобикин и Иванов признаа дека биле дел од артилериска единица, која од областа Белгород во Русија гаѓала цели во областа Харков.