Свет
Екипажот на бродот што го урна мостот во Балтимор заробен во пловилото од несреќата
![](https://makfax.com.mk/wp-content/uploads/2024/05/baltimor-most-brod.jpg)
Кога контролирана експлозија го потресе „Дали“ во понеделникот, дваесетина морнари останаа на бродот под палубата во масивниот труп на пловилото. Во исто време, експлозии урнаа делови од некогаш иконскиот мост „Френсис Скот ки“ во Балтимор во темните води на реката Патапско во американската сојузна држава Мериленд, седум недели по несреќата на мостот, во која загинаа шест лица, а „Дали“ остана заробен.
Властите и екипажот се надеваат дека уривањето ќе го означи почетокот на крајот на долгиот процес, кој ги држи 21 лице на бродот заробени и отсечени од светот, илјадници километри од нивните домови, пишува Би-би-си.
Но, сè уште не е јасно кога ќе може да се вратат дома.
„Дали“, контејнерскиот брод долг 289 метри, беше на почетокот на 27-дневното патување од Балтимор до Шри Ланка кога удри во мостот „Френсис Скот ки“ истурајќи илјадници тони челик и цемент во реката. Бродот бил заглавен под огромно количество урнат метал.
Прелиминарниот извештај на Националниот одбор за безбедност на транспортот посочи дека два прекина на струјата ја оневозможиле опремата на бродот пред несреќата, а бродот изгубил струја двапати и 10 часа пред ударот.
Екипажот се состои од 20 државјани на Индија и Шри Ланка, кои не можеа да се симнат поради визните ограничувања, недостигот на потребните пропусници и истрагите на НТСБ и ФБИ. Во понеделникот екипажот остана на бродот, иако властите употребија мали експлозивни полнења за намерно да го отсечат делот од мостот што лежеше на лакот на бродот.
Пред контролираното уривање адмиралот на американската крајбрежна стража Шенон Гилрет рече дека екипажот ќе остане под палубата со противпожарна екипа на подготвеност. „Тие се дел од бродот. Тие се неопходни за бродот да биде обучен и оперативен. Тие најдобро реагираат на самиот брод“, рече адмирал Гилрет.
Иако оваа недела бродот најверојатно ќе може повторно да плови, останува нејасно кога ќе може да ги помине двете наутички милји (3,7 километри) до пристаништето. Меѓу оние што биле во контакт со екипажот е Џошуа Месик, извршен директор на Меѓународниот центар за морнари во Балтимор, непрофитна организација, која ги штити правата на морнарите.
Според Месик, екипажот во голема мера бил отсечен од комуникација со надворешниот свет откога ФБИ им ги запленил мобилните телефони за истрага: „Не може да пристапат до онлајн-банкарството. Не може да си ги платат сметките дома. Тие немаат никакви информации, така што во моментот се навистина изолирани. Едноставно, не може да дојдат до луѓето на кои им требаат, ниту да си ги видат фотографиите од своите деца пред да заспијат. Тоа е навистина тажна ситуација“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
(Видео) Олимписки игри во Париз 2024: церемонијата на отворање започна со пловење по Сена
![](https://makfax.com.mk/wp-content/uploads/2024/07/Screenshot-2024-07-26-213525-1.jpg)
Олимписките игри во Париз беа свечено отворени со свечена церемонија која се разликува од сите досегашни, бидејќи парадата на најдобрите спортисти на планетата првпат не беше организирана на стадионот.
Овие, 33. Олимписки игри, беа отворени со пловење по реката Сена, каде што повеќе од 10.000 спортисти од светот во чамци им мавтаа на стотици илјади гледачи на брегот на познатата река што тече низ главниот град на Франција.
Со димни сигнали во боите на француското знаме, настапот на Лејди Гага, американската пејачка и стотици танчерки на бреговите и мостовите, првите натпреварувачи беа од Грција што испловија по Сена, што е обичај во најголемиот светски спортски настан, кој потекнува од таа европска земја.
Дожувувањето на стотици илјади гледачи низ Париз донекаде го расипа дождот, кој паѓаше цел ден во француската престолнина.
Регион
(Видео) Тешка сообраќајка во Грција: бебе меѓу загинатите
![](https://makfax.com.mk/wp-content/uploads/2024/07/Screenshot-2024-07-26-204400.jpg)
Тешка трагедија се случи во петокот попладне на автопатот Пиргос – Кипарисија, во близина на Месинија во Грција, кога четири лица, меѓу кои 12-месечно бебе и 13-годишно девојче, кои се наоѓале во два автомобили, загинаа во сообраќајма несреќа, пишува „Protothema“.
До несреќата дошло кога 39-годишниот камионџија, кој возел во правец на Кипарисија, од засега непозната причина изгубил контрола, излетал во спротивен правец и налетал на три возила, предизвикувајќи трагични последици.
Според написите, камионот всушност буквално ги стопил двете возила кои учествувале во несреќата. Противпожарната служба со 12 пожарникари ги извлекла настраданите.
Според информациите, во првиот патнички автомобил кој се судрил со камионот било семејство кое живее во странство и отпатувало за Нафплио за да се види со роднините и на одмор на Пелопонез. Во него се пронајдени мртви 38-годишен татко и 12-месечна ќерка, а повредени се 38-годишна мајка и нивниот шестгодишен син, кои се пренесени во болницата во Патра.
Од второто возило кое било заглавено под камионот извлечени се маж (50), девојка (13) и жена (60), кои се здобиле со тешки телесни повреди.
Повредени се и 25-годишен маж кој бил интубиран во Каламата, 39-годишен камионџија и 61-годишен маж, и двајцата се на лекување во болницата Кипарисија.
Затворен е магистралниот пат Пиргос – Кипарисија, а сообраќајот се пренасочува по заобиколен пат.
Свет
(Видео) Во Русија гори облакодер, има загинати меѓу кои и двегодишно дете
![](https://makfax.com.mk/wp-content/uploads/2024/07/Screenshot-2024-07-26-195828.jpg)
Пожар избувна во облакодер во градот Уљановск, соопшти прес-службата на регионалното Министерство за вонредни состојби.
„Според првичните информации, пожарот првично зафатил три стана на третиот кат“, се вели во соопштението. Загинаа двегодишно дете и уште едно лице, а три лица се повредени.
A powerful explosion took place in a high-rise building in the Russian city of Ulyanovsk
Three apartments in a residential building caught fire at once. Residents of the upper floors are waving their hands and asking for help from rescuers. An evacuation is underway.
According… pic.twitter.com/NNmcy6scfu
— NEXTA (@nexta_tv) July 26, 2024
Сите расположливи служби за итни случаи излегоа на терен и помагаат во евакуацијата. Со пожарот се борат вкупно 68 пожарникари со 22 возила. Повеќето од луѓето кои живеат во облакодерот се евакуирани.
🇷🇺 A high-rise building is on fire in Ulyanovsk.
A fire broke out on the third floor of a building on Korunkova Street. According to the Base, three apartments are on fire. The entrance was heavily smoky and all residents were evacuated from the house. pic.twitter.com/7JzpTz1sg5
— * (@V141NGs) July 26, 2024
Гувернерот на регионот Уљановск им нареди на раководството на Министерството за здравство и Министерството за социјален развој веднаш да излезат на местото на настанот за да ја координираат медицинската помош на жртвите и да ги решат прашањата за финансиска помош за жртвите.
Градските власти соопштија дека пожарот настанал по експлозија на плинска боца. „Некста“, канал на Х, пишува дека жителите од горните катови мавтале со рацете и побарале помош од спасувачите.