Американската вселенска агенција (НАСА) избра 10 нови астронаути, од кои половината се воени пилоти. Вселенската агенција претстави шест мажи и четири жени за време на церемонијата во Хјустон, пренесе АП.

За посакуваните позиции се пријавиле повеќе од 12.000 кандидати.

Избраните 10 се на возраст од 30 и 40 години и треба да поминат двегодишна обука пред да се квалификуваат за вселенски лет.

Покрај борбените и пробните пилоти, меѓу кандидатите за астронаути има и медицински физичар, специјалист за дупчење, поморски робот, хирург и биоинженер кој бил шампион во велосипедизам.

Со нив ќе се обучуваат двајца астронаути од Обединетите Арапски Емирати.

НАСА прифатила 360 луѓе во својот астронаутски корпус од 1959 година. Претходниот избор на астронаути беше во 2017 година.

Рускиот и американскиот претседател Владимир Путин и Џо Бајден денеска ќе имаат виртуелен самит на кој ќе разговараат за бројни актуелни прашања.

Според портпаролот на Кремљ, Дмитриј Песков, Путин планира на средбата да предложи меѓусебни безбедносни гаранции. Песков исто така додаде дека главна тема ќе биде безбедноста на Русија и НАТО.

Путин неодамна го повика НАТО да престане да се шири кон исток, барајќи од западната алијанса писмена гаранција. За возврат, Русија е подготвена да понуди свои гаранции за алијансата, изјави шефот на руската држава.

„ Безбедносните гаранции, се разбира, не можат да бидат еднострани“, рече Песков, пренесе агенцијата Интерфакс.

Според најавите од Кремљ, видео средбата меѓу американскиот и рускиот претседател треба да започне околу 17 часот по средноевропско време и се очекува да трае до вечерта.

Тензиите околу Украина ќе бидат во центарот на разговорите. САД ја обвинуваат Русија за натрупување на војници на границата со Украина, што предизвика сомнеж во западната алијанса дека планира инвазија.

Бројот на загинати во ерупцијата на индонезискиот вулкан Семеру е зголемен на 34, соопшти денеска портпаролот на агенцијата за справување со катастрофи.

„ Според последниот биланс, 34 се загинати, а 17 се водат како исчезнати“, рече тој.

Ерупцијата се случи во саботата, кога повеќе од 10 села беа покриени со пепел и уништени.

Последната ерупција на вулканот Семеру беше во јануари, а тогаш немаше жртви. Индонезија е во Пацифичкиот огнен појас, каде што се чести земјотреси и вулкански ерупции. Архипелагот на Југоисточна Азија вклучува повеќе од 17.000 острови и повеќе од 130 активни вулкани.