Контакт

Европа

Ердоган ѝ се закани на Европа: Ќе ви пратиме 3,6 милиони сириски бегалци

Објавено пред

Турскиот претседател Реџеп Таип Ердоган денеска изјави дека во Европа ќе ги прати 3,6 милиони сириски бегалци кои се наоѓаат во Турција, доколку европските земји ја прогласат турската воена интервенција во Сирија за окупација, пренесе агенцијата „Ројтерс“.

„Ќе ги отвориме вратите и ќе ви испратиме 3,6 милиони бегалци“, рече Ердоган во говорот пред своите членови од Партијата за правда и развој.

„Тие не се искрени, само измислуваат“, кажа турскиот претседател, осврнувајќи се на критиките за Турција. Тој особено ги издвои Саудиска Арабија и Египет.

На властите во Саудиска Арабија им порача да се погледнат во огледало кога ја критикуваат турската инвазија и ги праша кој го донел Јемен во состојбата во којашто е сега.

Ердоган рече дека турската воена операција го поддржува територијалниот интегритет на Сирија така што ќе ја задуши курдската контрола на североистокот од земјата.

Турскиот претседател додаде дека 109 терористи се убиени од почетокот од вчерашната инвазија.

 

Европа

Ердоган: Вирусот на исламофобијата ја претвора Европа во затвор на отворено за муслиманите

Објавено пред

Светот воопшто и, пред се, Европа, страдаат од вирусот на исламофобија, посочи турскиот претседател Реџеп Таип Ердоган, пренесува „Спутник“.

„ Вирусот на исламофобија, кој е опасен како коронавирусот, се шири брзо, особено во европските земји“, рече Ердоган во говор неделава, а неговите изјави беа цитирани од локалните медиуми.

Ердоган додаде дека муслиманите, вклучително и милиони Турци, се во опасност од злосторства од омраза во актуелсните услови.

„ Европа, каде што денес живеат 35 милиони муслимани, вклучително и 6 милиони Турци, се повеќе се претвора во затвор на отворено за нашите браќа и сестри“, тврди Ердоган, без да разјасни што сакал да каже.

Тој посочи дека актуелната безбедносна состојба е многу мрачна за муслиманите и дека во Европа постои сериозна закана за нивната безбедност. Турскиот претседател продолжи да ги напаѓа западните влади за нивно наводно непочитување на верските вредности на муслиманите под превезот на слободата на изразување.

Ероган го истакна неодамнешниот притисок на Франција за нов закон за екстремизам насочен кон зајакнување на републичканските вредности како секуларизмот, слободата, еднаквоста и братството во земјата. Според новиот закон, заедниците ќе бидат обврзани да потпишат повелба според овие национални принципи и да се соочат со ограничувања во износот на пари што нивните организации можат да ги добијат од странство.

Минатата година Ердоган исто така предупреди дека Европа  си го подготвува сопствениот крај со своите напади против муслиманите, посочувајќи на полициска рација во џамија во Германија поради сомневање за финансирање тероризам. Турскиот претседател во тоа време предупреди дека ако Европа не се ослободи од исламофобијата, тоа ќе ја сруши цела Европа однатре.

Истражувањето на „Пју“ од 2016 година покажа дека 25,7 милиони муслимани ја нарекуваат Европа дом и процени дека муслиманите би претставувале до 14 отсто од населението на континентот до 2050 година ако продолжат сегашните трендови на прилив на мигранти и демографски промени.

Прикажи повеќе...

Европа

Курц го закачи израелското знаме на покривот од својата канцеларија во Виена

Објавено пред

Австрискиот канцелар, Себастијан Курц, го подигна израелското знаме на покривот на зградата каде што се наоѓаат неговите канцеларии во Виена во знак на солидарност со Израел во време на борби меѓу израелската армија и палестинските милитанти.

Така Курц застана на страната на Израел во конфликтот што трае од понеделникот.

„Терористичките напади врз Израел заслужуваат најостра осуда. Стоиме заедно со Израел“, напиша Курц на „Твитер“.

Судирите меѓу Израелците и Хамас на улиците на источен Ерусалим траат веќе неколку дена. Сè почна за време на прославата на постот за рамазан и молитвите што муслиманските верници ги извршија во џамијата „Ал-Акса“. Потоа беа нападнати од десничарски еврејски групи, а потоа израелската полиција интервенира во целиот конфликт, што резултира со стотици ранети и уапсени Палестинци. Имало повреди и од израелска страна.

Израелските одбранбени сили распоредија дополнителни копнени трупи на границата последниве денови пред потенцијален упад, но сè уште не е донесена одлука за продолжување на таквата акција.

Вооружениот конфликт во Појасот Газа влезе во петтиот ден, а бројот на мртви и ранети расте и нема индиции дека ситуацијата ќе почне да се смирува.

Прикажи повеќе...

Европа

Во Германија се палат израелски знамиња, претседателот вели: Омразата кон Евреите нема да биде толерирана

Објавено пред

Претседателот на Германија, Франк-Валтер Штајнмаер, остро ги осуди антиизраелските протести во земјата во последните неколку дена, на кои беа извикувани антисемитски пароли и беа запалени израелски знамиња, што ги натера властите да почнат истрага.

„Омразата кон Евреите, без оглед од кого доаѓа, нема да биде толерирана во нашата земја“, рече Франк-Валтер Штајнмаер во написот за дневниот весник „Билд“.

Тој објасни дека германскиот устав гарантира слобода на изразување и право на протест, но дека овие права не смее да бидат злоупотребени.

„Кој ќе запали знамиња со Давидовата ѕвезда на нашите улици и извикува антисемитски пароли не само што ја злоупотребува слободата на протестирање во Германија туку прави и злосторства што мора да бидат гонети“, рече Штајнмаер.

Во Гелзенкирхен и Хановер во средата вечерта избувнаа насилни протести, на кои беа извикувани антисемитски пароли и беа запалени израелски знамиња, а полицијата во последен момент спречи напади врз локалните синагоги.

Демонстрантите носеа знамиња на Турција, Палестина и на Тунис.

Полицијата во петокот соопшти дека ги идентификувала водачите на ненајавените протести и дека е поведена истрага.

Претставници на еврејските заедници во Германија повикаа на подобра заштита, а израелскиот амбасадор во Германија, Џереми Исахароф, побара од германските власти да гарантираат за безбедноста на еврејските објекти.

„Со ова ги замолувам германските власти да направат сè за да се постигне безбедноста на еврејските заедници во Германија“, изјави Исахароф за јавниот сервис АРД.

Претседателката на еврејската заедница во Гелзенкирхен, Џудит Наувалд-Тасбах, изјави за весникот Ди Велт“ дека членовите на заедницата се длабоко вознемирени и живеат во страв.

„Како ќерка на родители што го преживеале холокаустот, не можам да верувам дека вакво нешто повторно е можно“, рече Наувалд-Тасбах.

Прикажи повеќе...

Најново

Свет49 минути

Русија официјално ги прогласи Чешка и САД за непријателски земји

Руската влада денеска официјално ги означи Чешка и САД како „непријателски земји“. Како што беше објавено на официјалниот портал за...

Свет2 часа

СЗО со порака до богатите земји: Наместо да ги вакцинирате децата, дајте ги вакцините на сиромашните

Светската здравствена организација денеска ги повика богатите земји да ги преиспитаат плановите за вакцинирање на деца против Ковид-19 и наместо...

Македонија5 часа

16 починати и 30 нови случаи на Ковид-19 од 1.658 тестирања

Министерството за здравство информира дека во последните 24 часа се направени 1.658 тестирања, а регистрирани се 30 нови случаи на...

Македонија6 часа

Грчките гранични служби го отворија преминот Евзони за македонските граѓани

Од 13 часот е почнато да се пропуштаат возила кон Грција на граничниот премин Евзони. По застојот што настана изутринава...

Македонија7 часа

Пендаровски не го потпиша указот за легализација на бесправно изградените објекти

Претседателот Стево Пендаровски го извести претседателот на Собранието на Република Северна Македонија, Талат Џафери, дека одлучи да не го потпише...

Македонија7 часа

Филипче: Помладите ќе почекаат за вакцинација

Пријавените за вакцина преку vakcinacija.mk најдоцна до понеделник ќе добијат термини за вакцинација, рече денес министерот за здравство, Венко Филипче....

Европа10 часа

Германски виролог предупредува на опасност од четврти бран на вирусот

Германскиот виролог Хендрик Штрек очекува дека ситуацијата во врска со коронавирусот сигурно ќе се влоши наесен и дека е можен...

Свет11 час

Борел: Европската Унија не е способна да го запре Израел

Жосеп Борел, високиот комесар на ЕУ за надворешна и безбедносна политика, изјави дека Европската Унија не е во состојба да...

Свет12 часа

Во Индија повеќе од 24 милиони заразени од коронавирус, индискиот сој се шири во целиот свет

Бројот на пријавени случаи на Ковид-19 во Индија се искачи на повеќе од 24 милиони лица, а индискиот сој на...

Свет13 часа

Се разгорува воениот конфликт на Блискиот Исток, стотици мртви и ранети

Израелската армија ги засили нападите врз Газа, а од Газа веќе петти ден по ред и натаму се лансираат ракети...

Македонија1 ден

Варвициотис: Не поддржуваме раздвојување на Северна Македонија и Албанија на патот кон ЕУ

Заменик претседателот на Владата задолжен за европски прашања Никола Димитров утрово во Атина го започна своето учество на 6-от Економски...

Македонија1 ден

Пендаровски: Во регионот сè уште има премногу историја што не држи на задните седишта во Европа

Претседателот Стево Пендаровски денеска се обрати на виртуелната конференција „Пред иднината – Подготовки за НАТО 2030“ во организација на Атлантскиот...

Свет1 ден

Нова опасност во Индија, смртоносната „Црна Габа“ се појави кај заразените со коронавирус

Се поголем број пациенти во Индија кои се наоѓаат во тешка здравствена состојба поради коронавирусот, добиваат ретка инфекција, т.н. „Црна...

Македонија1 ден

Муслиманите го слават Рамазан Бајрам

Муслиманите во земјава, како и во целиот свет, денеска го слават Рамазан Бајрам. По едномесечниот пост, во кој верниците се...

Македонија1 ден

Од полноќ стапува на сила скратен полициски час

Од полноќ стапува на сила скратениот полициски час кој ќе трае до 4 часот наутро. Олабавување на рестриктивните мерки ќе...

Свет1 ден

(Видео) Состојбата на Блискиот Исток се разгорува, Израел ја разгледува можноста за копнен напад на Газа

Дури и по полноќ, конфликтот меѓу израелските и палестинските сили не стивна. Проектили летаа од двете страни со несмален интензитет....

Свет2 дена

Нетанјаху: Ова е само почеток!

Израелскиот премиер Бенјамин Нетанјаху потврди дека се ликвидирани неколку команданти на Хамас и се закани со досега невиден напад на...

Регион2 дена

Европратеникот Џамбаски до Србија: Омразата кон Бугарите нема да ве однесе во ЕУ

Бугарскиот член на Европскиот парламент од партијата ВМРО БНД, Ангел Џамбаски ја предупреди Србија дека пристапувањето во ЕУ е можно...

Македонија2 дена

Нови 150 заболени и 16 починати од коронавирус во земјава

Во последните 24 часа се направени 2.093 тестирања, а регистрирани се 150 нови случаи на КОВИД-19 во: Скопје – 62,...

Македонија2 дена

(Видео) Пристигна унгарската донација од 6.000 дози вакцини, ќе бидат наменети за граничната полиција

Министрите за внатрешни и надворешни работи Оливер Спасовски и Бујар Османи денеска на скопскиот аеродром ја пречекаа делегацијата предводена од...

Досие