Свет
Ерменија предупреди дека судирот со Азербејџан може да стане втора Сирија
Ерменскиот претседател Армен Саркисјан предупредува дека конфликтот меѓу Ерменија и Азербејџан во регионот Нагорно-Карабах може да стане втора Сирија ако меѓународната заедница не преземе нешто.
„Замислете Кавказ да стане втора Сирија? Меѓународната заедница треба да сфати дека ако не се вмеша сега, тогаш Кавказ ќе стане уште еден огромен проблем?“, изјави Саркисијан во интервју за Си-ен-би-си.
Саркисјан ја критикува активната поддршка на Турција за Азербејџан во конфликтот истакнувајќи дека Турците имаат проблеми насекаде околу себе: во Средоземното Море, Грција, Либија и во Ирак.
„Тие создаваат проблеми насекаде“, рече тој.
Си-ен-би-си објави дека многу Ерменци веруваат оти поддршката на Турција за Азербејџан е делумно мотивирана од долготрајното непријателство поврзано со геноцидот врз Ерменците на Отоманската Империја пред еден век – настан што современата турска влада упорно одбива да го признае.
Саркисјан рече дека загриженоста на Турција за потенцијална штета на виталниот гасовод што поминува низ Азербејџан е апсолутна глупост. Тој рече дека ако Ерменија сакала да пука во гасоводот, тоа ќе го сторела пред 20 години, а не сега.
„Блумберг њуз“ посочи дека нафтените пазари се релативно опуштени во врска со безбедноста на азербејџанскиот гасовод во моментот, можеби затоа што глобалната побарувачка за енергија е намалена поради коронавирусот, а алтернативните извори се обилни.
Таа пресметка може да се промени кога гасоводот следниот месец ќе почне со испорака на гас во Италија и Грција – и повторно да се смени ако производството на нафта во Либија се зголеми доволно за да го направи азербејџанскиот гасовод помалку клучен за сите страни, освен за Азербејџан.
„Иако близината на гасоводите до границата ги става под потенцијален ризик, Ерменија не ги нападна линиите при претходните ескалации на конфликтот меѓу двете земји, кој тлее речиси 30 години“, забележа „Блумберг“ посочувајќи ја истата поента како Саркисијан.
Гасоводот е во голема мера под земја и е доволно цврст за без поголеми нарушувања да им одолее на неколку епизоди злоба во конфликтите што ги вклууваат Грузија, Русија, Турција и противниците на Турција од курдската сепаратистичка група ПКК.
И Азербејџан и Ерменија вчера ги одбија повиците за прекин на огнот, исто како и Турција. Последниот повик за ставање крај на воените дејства се појави во заедничката изјава на американскиот претседател Доналд Трамп, францускиот претседател Емануел Макрон и рускиот претседател Владимир Путин. Турскиот претседател, Реџеп Таип Ердоган, одговори дека прекинот на огнот ќе биде можен само ако ерменските сили се повлечат од азербејџанска територија.
„Со оглед на тоа што САД, Русија и Франција го запоставија овој проблем речиси 30 години, неприфатливо е тие да бидат вклучени во барањето за прекин на огнот“, рече Ердоган.
Нагорно-Карабах е област во границите на Азербејџан со мнозинско ерменско население. Ерменија гледа на сепаратистите во покраината како борци за слобода, кои три децении се борат против доминацијата на Азербејџан, а Азербејџан и Турција сметаат дека ерменските сили се напаѓачи кои нелегално ја окупираат азербејџанската територија.
Во говорот во чест на Денот на независноста на Артсак на 2 септември, Саркисијн ја опиша спорната област како неопходна за целосно составување на ерменската нација по отоманскиот геноцид.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Фото) Женско тело пронајдено во замрзнувач во Србија, се трага по нејзиниот партнер
43-годишниот Далибор Демировиќ ја убил својата 36-годишна партнерка Катарина Глигоријевиќ во селото Печењевце во близина на Лесковац во јужна Србија, ноќта од понеделник кон вторник.
Вишото јавно обвинителство во Лесковац соопшти дека осомничениот за убиството е во бегство. Телото на жртвата е пронајдено вчера во замрзнувач.
Демираовиќ носел електронска нараквица бидејќи бил осуден на домашен притвор за спречување на службено лице во вршење на службена должност. Тој нападнал полицаец фрлајќи ограда од тераса кон него. Се претпоставува дека по убиството, ја извадил електронската нараквица и со црвен автомобил се одвезол во непознат правец, пишува српски Телеграф.
Соседите за српските медиуми изјавиле дека односот меѓу Демировиќ и Глигоријевиќ бил исклучително проблематичен. „Тие биле во токсична врска изминатата година. Таа одеше и доаѓаше кај него. Имаа многу турбулентна врска“, рекле мештаните.
Непотврдените информации сугерираат дека немало очигледни повреди на телото на жртвата, па затоа се сомнева дека се задушила. Телото наводно го пронашол синот на убиецот од неговиот прв брак, кој потоа го известил братот на убиецот, кој ја повикал полицијата.
Полицијата започнала интензивна потрага, во која се вклучени и бројни мештани. Мајката и таткото на убиецот се во куќата на убиецот, а полицијата ги чува бидејќи, како што велат, се плашат дека би можеле да бидат следната цел на нивниот син.
Европа
(Видео) Пресретната подморница што превезувала повеќе од 1,7 тони кокаин, пловела кон Европа
Четири лица се уапсени откако португалските власти пресретнаа подморница за дрога што превезувала повеќе од 1,7 тони кокаин во средниот Атлантик. Полуподморницата се движела кон Пиринејскиот полуостров и била запленета во последните денови, потврдија официјални лица.
Објавени се и снимки на кои се гледа како полицијата и морнарицата го опкружуваат бродот пред да се качат на него, да ја запленат дрогата и да го апсат четиричлениот екипаж, за кои се вели дека се од Јужна Америка.
🚨Tal como lo advertí
🇻🇪Ahora el cartel de los soles dirige toda su carga hacia europa
🇵🇹Portugal intercepta narcosubmarino con 1,7 toneladas de cocaína y detiene a cuatro tipulantes venezolanos
— YO SOY 🇻🇪🇺🇸✈️ (@ElGanadorHenry) November 4, 2025
Центарот за поморска анализа и операции со седиште во Лисабон добил информации дека криминална организација се подготвува да испрати подморница натоварена со кокаин во Европа.
Неколку дена подоцна, португалски брод успешно ја лоцираше подморницата на приближно 1.000 наутички милји (1852 км) од брегот на Лисабон, во операција поддржана од Националната агенција за криминал на Велика Британија и Администрацијата за борба против дрога на САД.
Осомничените – двајца Еквадорци, еден Венецуелец и еден Колумбиец – беа притворени откако беа изведени пред суд. Витор Ананијас, шеф на португалската полициска единица за борба против дрога, рече дека нивните различни националности покажуваат дека организацијата што стои зад нив не е со седиште само во една земја.
Регион
Силен земјотрес во Грција, почувствуван и во Бугарија: „На 5-ти кат сме, се тресевме околу 10 секунди“
Земјотрес со магнитуда од 4,7 степени според Рихтеровата скала ја погоди Грција во 8:16 часот наутро, а беше почувствуван и во Бугарија.
Според достапните податоци, епицентарот на земјотресот се наоѓал на 12 километри западно од Ксанти во Грција.
Хипоцентарот на земјотресот, според податоците на Европско-медитеранскиот сеизмолошки центар, се наоѓа на длабочина од приближно 7 километри под површината на земјата.
Земјотресот беше добро почувствуван во Кавала, а граѓаните на Пловдив и другите бугарски градови исто така велат дека го почувствувале потресот.
„На 5-ти кат сме, добро се тресевме околу 10 секунди“, „Навистина се почувствува кај нас“, „Во Софија сме, почувствувавме мало тресење на земјата“, сведочеа жителите на бројни градови во Бугарија.
Грците велат дека го почувствувале земјотресот и на островот Тасос.
„Се тресеше во Лименарија“, „Кавала, се тресеше добро“, сведочат луѓе.
Досега нема извештаи за материјална штета или повредени, а надлежните служби ја следат ситуацијата.
Две жени намамиле човек во мотел во Скопје, каде го пречекале двајца мажи: го удирале со боксови додека не паднал, па го ограбиле
Истрага против четири лица – двајца мажи и две жени поведе Основното јавно обвинителство Скопје за кривично дело – Разбојништво...
Вучиќ сака да продава муниција на Европа, реагираше Кремљ: Не сакаме оружјето од братска Србија да биде употребено против нас
Портпаролот на Кремљ, Дмитриј Песков, ја коментираше изјавата на српскиот претседател Александар Вучиќ дека Србија е подготвена да продава муниција...
(Видео) Бројот на загинати во Тузла се зголемува, 35 повредени, со месеци имало предупредувања за Домот
Според најновите официјални информации, вкупно 11 лица загинаа во пожарот што синоќа зафати дел од зградата на Домот за стари...
(Видео) Мамдани: Трамп, знам дека ме гледаш, имам четири збора за тебе
Новиот градоначалник на Њујорк, Зохран Мамдани, одржа победнички говор во Бруклин во кој на остар начин рече дека „градот што...
(Видео) Украинците нападнаа база на една од најнапредните руски единици, убиени се офицери
Припадници на Главната разузнавачка управа (ХУР) на Украина извршија прецизен напад во окупираниот град Авдиивка во регионот Донецк, уништувајќи го...
Поради поголем пламен и отпаднати делови од приколка на возило делницата од автопат А1 Велес – Градско е затворена
Поради поголем пламен и отпаднати делови од приколка на возило, во 01:20 часот делницата од Автопат А1 Велес – Градско...
(Видео) Зохран Мамдани е избран за градоначалник на Њујорк
Демократот Зохран Мамдани, кој се опиша себеси како „најлошиот кошмар на Трамп“, е избран за нов градоначалник на Њујорк. Мамдани...
(Видео) Ужасни детали од трагедијата во Тузла: Пожарот го зафати катот со лицата со попреченост, се задушија
Десет лица загинаа во трагичен пожар што избувна во дом за стари лица во Тузла. Пожарот се прошири на седмиот...
(Видео) Трагедија во Тузла: 10 луѓе загинаа во дом за стари лица
Најмалку десет лица загинаа во катастрофален пожар што избувна вчера вечер во дом за стари лица во Тузла. Најмалку пет...
Несреќата кај Плетвар во која загинаа две лица се случила при претекнување, соопшти Обвинителството
Во врска со тешката сообраќајна несреќа што попладнево се случи на патот Прилеп – Росоман, во близина на Плетвар, дежурен...
Двajца загинаа во сообраќајка кај Плетвар, петмина повредени
Денеска околу 17 часот на патниот правец Прилеп-Росоман, во близина на селото Радобил, се случила тешка сообраќајна несреќа помеѓу две...
Очув и мајка осомничени за обљуба на малолетно девојче
Основното јавно обвинителство Скопје донесе Наредба за спроведување истражна постапка против двајца сопружници за обљуба со злоупотреба на положбат. Осомничениот...
Обвинителството бара одземање на пасошите и дозволата за возачот кој го прегази Јорго Ќука во Скопје
Обвинителството достави до судот предлог за определување мерки на претпазливост за 37-годишниот возач кој на 3 ноември со автомобил удри...
Беким Сали ќе го наследи Изет Меџити како прв вицепремиер
Портпаролот на коалицијата ВРЕДИ, Дритон Сулејмани, денеска потврди дека Беким Сали ќе биде новиот прв вицепремиер, на местото на Изет...
Македонија треба да ги спроведе уставните измени, порача Кос
Презентирајќи ги извештаите за земјите кандидатки за членство во ЕУ, пред Комитетот за надворешни работи на Европскиот парламент, еврокомесарката за...
Мицкоски од Брисел: Ги повторивме нашите единствени позиции за Македонија
Премиерот Христијан Мицкоски соопшти дека во Брисел имал пријателска средба со претседателот на Европскиот совет, Антонио Кошта. „Првата средба ја...
Систем на пробен период за земјите што во иднина ќе станат членки на ЕУ; ЕК во страв од тројански коњ на Русија во рамките на Унијата
Европската комисија разгледува воведување систем на пробен период за земјите што во иднина ќе станат членки на Европската Унија, изјави...
Воведена нова процедура на Клиниката за кардиологија, пациентите со сложени срцеви аритмии повеќе нема да бидат упатувани во странство
Министерот за здравство Азир Алиу денеска ја посети Универзитетската клиника за кардиологија по повод извршената прва аблација за коморна тахикардија...
Ако ДУИ беше опозиција пред десет години, и тогаш ќе го имавме овој изборен резултат, тие немаа можност за злоупотреби, вели Алиу
Граѓаните во нашата земја десет години сакаа промена на политичкиот амбиент и ако ДУИ пред десет години беше опозиција, ќе...
Го тепал со метална шипка, со рацете и со нозете речиси половина час, па го оставил да искрвави на скалите: eден осомничен за убиство во дојранско Сретеново
Основното јавно обвинителство Гевгелија донесе Наредба за спроведување истражна постапка против едно лице за кое постои основано сомнение дека сторило...
