Свет
ЕУ е само германски инструмент, НАТО е застарен – Трамп
Германска канцеларка Ангела Меркел е далеку најважната европска челничка, а НАТО во сегашната форма е застарен, истакнува во заедничко интервју за германските и британски медиуми новоизбраниот американски претседател Доналд Трамп.
Како своја главна цел, новиот американски претседател Доналд Трамп ги наведува поправедните трговски договори за САД и посилните граница. Воедно најавува дека фокусот на неговиот кабинет ќе биде ставен на паметната, а не толку на слободната трговија.
САД мора да го решат својот трговски дефицит со другите земји, особено со Кина, додава Трамп во големото интервју за надворешната политика, дадено за високотиражниот германски дневен таблоид Bild и за британскиот весник The Times.
Канцеларката Ангела Меркел е далеку најважниот европски челник, тврди притоа новиот американски претседател. „Доколку ја погледате Европската унија, ќе видите дека тоа е всушност е Германија, инструмент на Германија“, рече Трамп.
Германската канцеларка, сепак, направила „катастрофална грешка, примајќи во земјата толку нелегални доселеници“, исто така смета Трамп.
Го поврзува прашањето на доселувањето со британската референдумска одлука за излегување од Европската унија.
„Навистина сметам дека ќе го немаше Брекзитот доколку (во ЕУ) нема принудени да ги примат сите тие бегалци, толку многу луѓе со сите тие проблеми што сето тоа ги носи. Веројатно таа приказа (со ЕУ) би можела да успее, но беше тоа последната капка којашто ја прели чашата“, оценува Трамп.
Британија е „многу паметна затоа што одлучи да излезе“ од ЕУ, заклучува. „Земјите саката сопствен идентитет, а тоа важи и за Велика Британија“, истакнува Трамп.
Прогнозира, притоа, и дека некои други земји ќе го следат британскиот пример. „Мислам дека луѓето сакаат… свој идентитет, и доколку мене ме прашувате… мислам дека и други земји ќе излезат“ , од Европската унија, вели Трамп.
Истакнува дека неговата појдовна точка ќе биде „доверба во односот кон рускиот претседател Владимир Путин и кон госпоѓата Меркел“, а потоа ќе види како работите ќе се одвиваат натаму.
Запрашан за можен договор со Русија, изјави дека тој би требало да го вклучува нуклеарното оружје, коешто според него би требало да биде „многу намалено“, во замена за укинувањето на американските санкциите против Русија наметната поради нејзината наводна улога во украинската криза.
Коментирајќи ја состојбата на Блискиот исток, Трамп вели дека одлуката за инвазијата врз Ирак во 2003 година можеби била најлошата одлука донесена во историјата на САД. Истакнува, исто така, дека во Сирија би требало да бидат воспоставени безбедносни зони коишто би ги финансирале американските сојузници во регионот на Персискиот залив, кои ја поддржуваат сунитската вооружена опозиција.
Во корпусот прашања во врска со меѓународната безбедност, новоизбраниот американски претседател потсетува дека „веќе одамна кажав дека НАТО има проблеми“. „Првиот е тој што НАТО е застарен, бидејќи е осмислен пред многу години. Вториот проблем е што земјите не ја плаќаат (членарината) колку што би требало“.
Само пет земји ја плаќаат соодветната членарина, додава „Пет. Тоа е малку… Кога тоа ќе се стави настрана, морам да кажам дека НАТО за мене е многу важен3, заклучува Трамп./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Околу 4.000 летови откажани во САД, луѓе заглавени во домовите, расте бројот на жртви поради ледената бура
Речиси 4.000 летови беа откажани денес до или од Соединетите Американски Држави, а аеродромите во Бостон и Њујорк се најтешко погодени, според податоците од веб-страницата „FlightAware“.
Од петок, повеќе од 20.000 летови беа откажани поради зимската бура, објавува „ABC News“.
Само во неделата беа откажани повеќе од 11.000 летови, што е најголем број дневни откажувања од пандемијата на коронавирусот, според податоците од компанијата „Сириум“.
A powerful winter storm spread a paralysing mix of heavy snow, sleet and freezing rain from the Ohio Valley and mid-South to New England on Jan 25. pic.twitter.com/5bIUyUcMWL
— The Star (@staronline) January 26, 2026
Се очекува летовите да продолжат денес на аеродромот Роналд Реган во Вашингтон, откако аеродромот вчера го прекина целиот сообраќај поради зимската бура.
Најмалку 18 лица во неколку федерални држави загинаа во бранот на ледената бура низ САД, објавија американските медиуми.
Во градот Фриско, Тексас, недалеку од Далас, 16-годишно девојче починало додека се санкало, соопшти локалната полиција, наведувајќи дека девојчето го влечело со санката тинејџер кој возел моторна санка.
Во соопштението се наведува дека санката на која се возело девојчето прво удрила во тротоарот, а потоа во дрво.
Во областа Остин, една жртва на хипотермија е пронајдена на паркингот на напуштена бензинска пумпа, соопштија локалните власти.
Во државата Арканзас, 17-годишно момче починало по сообраќајна несреќа во која удрил во дрво со санка, соопшти шерифската канцеларија на округот Салин.
Во сојузната држава Пенсилванија, три лица загинале додека чистеле снег, соопштија окружните власти, додавајќи дека жртвите биле на возраст од 60 до 84 години.
Градоначалникот на Њујорк, Зохран Мамдани, изјави дека пет лица загинале во ледениот бран, а бостонските медиуми објавија дека во државата Масачусетс, една жена починала откако била удрена од возило за чистење снег.
Три смртни случаи се пријавени во Тенеси, два во Луизијана и еден во Канзас, потврдија официјални лица во тие држави за ABC News, пренесува Танјуг.
Свет
Песков: Русија го иницираше предавањето на замрзнатите средства на Одборот за мир
Москва сè уште не е запознаена со официјалната реакција на Вашингтон на иницијативата на Русија за префрлање на една милијарда долари од средствата замрзнати во САД на Одборот за мир, но тоа секако отвора нови хоризонти за соработка со САД, изјави денес портпаролот на Кремљ, Дмитриј Песков.
„Досега не сме слушнале никаква јавна реакција на ова“, рече Песков, пренесува Спутник.
Во исто време, тој рече дека Кремљ забележал дека американскиот претседател Доналд Трамп ја нарекол интересна идеја.
Рускиот претседател Владимир Путин претходно изјави дека Москва е подготвена да испрати една милијарда долари од замрзнатите средства на Одборот за мир, кој беше формиран на иницијатива на Доналд Трамп, со цел обнова на Појасот Газа и решавање на палестинскиот проблем, пренесува Танјуг.
Свет
Кремљ: Рано е да се очекуваат големи резултати од преговорите за Украина
Кремљ соопшти дека разговорите меѓу Русија, Украина и Соединетите Американски Држави за ставање крај на војната сè уште се во рана фаза и дека не треба да се очекуваат опипливи резултати.
Портпаролот на Кремљ, Дмитриј Песков, изјави дека би било погрешно да се очекуваат „големи резултати“ од трилатералните разговори што се одржаа минатиот викенд во Обединетите Арапски Емирати. Според него, темите биле тешки, но самиот факт што контактите започнале конструктивно треба да се смета за позитивен.
Според агенцијата ДПА, на првите директни разговори меѓу завојуваните страни по неколку месеци е договорено само продолжување на разговорите по една недела, без утврден датум. АФП, повикувајќи се на неименуван американски функционер, објави дека нова средба се очекува на 1 февруари.
Песков ги негираше тврдењата на американски претставници дека меѓу руската и украинската делегација владеела речиси пријателска атмосфера, оценувајќи дека тоа во оваа фаза е тешко можно.
Тој се осврна и на таканаречената „формула од Анкориџ“, поврзана со самитот на американскиот претседател Доналд Трамп и рускиот претседател Владимир Путин на Алјаска во август 2025 година, од кој не беше објавен никаков договор.
Русија бара повлекување на украинските сили од делови на источниот регион Донбас кои сè уште се под контрола на Киев, на што украинската влада се спротивставува. Германскиот безбедносен експерт Нико Ланге оцени дека изгледа оти Трамп дал ветувања кои сега не може да ги исполни, поради што САД вршат притисок врз Украина да прифати отстапки.
Во „Пулс“ влегол со билет за кој не добил фискална, никој не му побарал лична карта, а од стампедото го спасил обезбедувачот Столе, сведочеше Иван Данаилов
Дваесетипетгодишниот Иван Данаилов, гостин во „Пулс“ вечерта кога се случи пожарот, на денешното судење сведочеше дека во клубот влегол со...
МВР ги објави казните за „Безбеден град“: што ќе се санкционира и колку ќе плаќаат возачите кои ќе направат прекршок
Во насока на зголемување на безбедноста во сообраќајот и доследна примена на законите, Министерството за внатрешни работи ги информира граѓаните...
Николоски предлага три решенија за проблемот со шенгенските правила за превозниците
Вицепремиерот и министер за транспорт Александар Николоски на граничниот премин Блаце им даде поддршка на домашните транспортери, кои од денеска...
Келнер, кој непријавен работел во „Пулс“, сведочи дека клубот имал само еден влез, имало малолетници, а пред пожарот со 63 жртви имало танчерки кои вртеле факели
Првиот сведок на Обвинителството, 20 – годишниот Кристијан Панов, на денешното судење за пожарот во кочански „Пулс“ во кој загинаа...
Две монтажни катни гаражи добива Клиничкиот центар во Скопје, најави Орце Ѓорѓиевски
Градоначалникот на Град Скопје, Орце Ѓорѓиевски, денеска најави отпочнување на процесот за изградба на две монтажни катни гаражи во рамки...
(Видео) Филипче ја критикуваше Владата дека го кочи европскиот пат и нема волја за уставни измени
Претседателот на СДСМ, Венко Филипче, на седница на Националниот совет за евроинтеграции изрази сериозна загриженост поради, како што рече, целосниот...
Судењето за „Пулс“ почна со предупредување за родителите на загинатите дека ќе бидат исклучени, по тензиите со бранителката на Јованови
Денешното судење за пожарот во кочанскиот клуб „Пулс“ со 63 жртви и над 200 повредени почна со предупредување за родителите...
Три лица тешко повредени во сообраќајка помеѓу три возила во тетовско
Три лица се тешко повредени во сообраќајна несреќа што се случила вчера вечер во 22:50 часот на регионалниот пат Јажинце...
Не е тајна дека Мицкоски има работено во бизнис секторот и има добро заработено, велат од ВМРО-ДПМНЕ за скапите часовници на премиерот
Не е никаква тајна тоа дека претседателот Мицкоски пред да влезе во политиката има работено во бизнис секторот во делот...
Блокадите на границите не се решение, загубите ќе бидат големи, смета Стопанската комора
Проблемот со примената на правилото од 90/180 дена за професионалните возачи во товарниот патен транспорт (евиденцијата на влез и излез...
Прекин на товарниот сообраќај на граничните премини, МВР ќе обезбеди непречен сообраќај за патничките возила и автобусите
Министерството за внатрешни работи – Оддел за гранични работи и миграција информира дека до МВР е доставена најава за одржување...
150 минимални плати чинат часовниците на Мицкоски, велат од СДСМ
„Премиерот Христијан Мицкоски се најде на врвот на листата на политичари од земји членки на НАТО со најскапи часовници“, велат...
Пијана со нож го прободела сопругот, а потоа го гребела по вратот и телото: жена од Хрватска осомничена за семејно насилство во Кавадарци
Основното јавно обвинителство Кавадарци поведе постапка против 30-годишна државјанка на Хрватска со привремен престој во Кавадарци, која е осомничена дека...
Зеленски: Кучето на Лукашенко има повеќе права од белорускиот народ
Украинскиот претседател Володимир Зеленски изјави дека Белорусија е сè уште принудена да постои како територија управувана од Русија, додавајќи дека...
(Видео) Градоначалникот на Њујорк снимен со лопата во рака
Њујорк, Њу Џерси и Конектикат прогласија вонредна состојба поради голема зимска бура што донесе обилни снежни врнежи во целиот регион....
(Фото) Зимска бура во САД: Најмалку седум мртви, стотици илјади без струја
Опасната зимска бура што ги зафати Соединетите Американски Држави усмрти најмалку седум лица и остави стотици илјади домови без електрична...
Ризик по животот: Човекот кој се искачи на Тајпеј 101 без заштита земал половина милион евра
Американскиот алпинист Алекс Хонолд изјави дека му е платен „смешно мал“ надомест за да се искачи на облакодер од 488...
Се претставил како инспектор, изнудил пари од жена за наводна сообраќајка, па бил фатен на граница
СВР Битола, во координација со Одделот за криминалистичка полиција при Бирото за јавна безбедност, поднесе кривична пријава до Основното јавно...
Пешак се бори за живот на Ургентен во Скопје , малолетник го удрил со автомобил
Малолетник со возило удрил во автомобил и пешак, кој се бори за живот во Ургентен цнетар во Скопје, информираа денеска...
Киев е без греење на минусни температури, Зеленски бара поддршка за воздушна одбрана додека
Украинскиот претседател Володимир Зеленски побара од сојузниците поголема поддршка за воздушна одбрана, бидејќи стотици згради во Киев се без греење...
