Европа
ЕУ почна со проценка на лекот за кој се тврди дека ја намалува смртноста од корона за 87 отсто

Европската агенција за лекови (ЕМА) објави дека почнала постапка за проценка на документацијата за лекот против Ковид-19 од американската фармацевтска компанија „Ели Лили“, кој претставува коктел од антитела, откако претходно ја одобри неговата употреба кај пациенти со висок ризик од сериозен облик на болеста.
Лекот содржи бамланивимаб и етезевимаб, моноклонални антитела кои се однесуваат како природни антитела што ги произведува организмот за борба против инфекции.
Станува збор за новитет во низата лекови базирани на антитела што се разгледуваат во Европа, по оние на „Целтрион“ (Јужна Кореја) и „Регенерон“ (САД).
Постепеното оценување на документацијата има за цел да го забрза процесот за одобрување на лекот, дозволувајќи им на научниците да ги доставуваат резултатите од клиничките испитувања како што завршуваат, без да се чека крајот во сите сфери.
„Вир бајотехнолоџи“ и британскиот ГСК денеска објавија дека наскоро планираат да побараат одобрување и за нивната експериментална терапија со антитела.
Европската агенција за лекови досега ги одобри вакцините произведени од „Фајзер“/„Бионтек“, „Модерна“ и „Астразенека“/„Оксфорд“, a од денеска е одобрена и онаа на „Џонсон енд Џонсон“ од која се прима само по една доза.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Во Виена протест порaди рестриктивните мерки

Полицијата во Виена уапси 14 демонстранти на протестот против рестриктивните мерки поради пандемијата на коронавирусот.
На протестот присуствуваа околу 3.000 луѓе, а полицијата употреби „бибер спреј“.
Голем дел од Австрија овој месец е во карантин поради зголемениот број на заразени лица со коронавирусот. Со цел да го забрза процесот на имунизација, австриската Влада најави купување на руската вакцина Спутник В.
Европа
Малолетник со македонско потекло уапсен во Виена, се заканувал со тероризам оти Курц не му одговорил на пораките

Aвстриската полиција уапси 15-годишен Австриец со македонско потекло за закана за терористички напад во центарот на Виена, пренесе „Танјуг“.
Малолетникот се заканил дека ќе изврши терористички напад врз виенската катедрала Свети Стефан, бидејќи, наводно не добил одговор на пораките што му ги испратил на австрискиот канцелар, Себастијан Курц,
Тој е приведен, а полициските службеници во моментов проверуваат дали неговата закана е поврзана со исламски тероризам. По апсењето, малолетникот рекол дека немал намера да ја изврши својата закана и дека наводно станувало збор за „шега“. Тој исто така во полицијата изјавил дека не бил свесен за последиците од неговите постапки. Малолетникот сега е во притвор, а полицијата спроведува понатамошна истрага.
По терористичкиот напад во ноември, австриската полиција многу сериозно ја сфаќа секоја закана и дејствува многу побрзо од порано. Терористичкиот напад, во кој беа убиени четири лица, а дваесетина беа повредени, го изврши Австриец со албанско потекло.
Европа
Австрија набавува милион дози од руската вакцина

Австрија ги заврши преговорите за набавка на руската вакцина против коронавирус „спутник В“ и ќе набави милион дози, што ќе помогне да се забрза процесот на имунизација, изјави австрискиот канцелар, Себастијан Курц.
За набавката на „спутник“, Курц на 26 февруари разговараше со рускиот претседател Владимир Путин, а на крајот на март започнаа преговорите со производителот.
Засега не е познато дали Австрија ќе почека Европската медицинска агенција официјално да ја одобри руската вакцина.
Унгарија и Словачка во моментов се единствените членки на Европската Унија кои ја набавиле руската вакцина, но таа не се користи во Словачка, бидејќи сè уште не е одобрена од Националната агенција за лекови.
- Свет2 месеци
Поради примање мито во Кина погубен поранешен државен функционер
- Европа2 месеци
Планот за отклучување на Германија протече во медиумите, Меркел: Имаме трет бран
- Економија2 месеци
Сите брендови на Индитекс доаѓаат во „Ист гејт мол“
- Свет1 месец
(Видео) Полиција собори маж на земја пред неговото мало дете зашто немал маска
- Црна хроника2 месеци
Брат и сестра нападнати на Широк сокак
- Економија2 недели
„Оштетени штедачи“: Фирма на Игор Џамбазов зела неповратен кредит од Еуростандард банка
- Регион1 месец
Вучиќ за ковид-пасошите: Кои сте вие да го ограничите движењето на некој што не сака да се вакцинира?
- Македонија2 недели
Ѓорчев: Мојот татко е во кома откако се вакцинираше во Ниш