Во 2019 година жените во ЕУ имаа просечно 14,1 процент пониска бруто-плата по час од мажите, покажуваат податоците на Европскиот завод за статистика.

„Постои нерамнотежа во приходот на жените и мажите“, констатира Евростат, истакнувајќи ја разликата во просечната бруто-плата по час.

Податоците од компаниите со повеќе од 10 вработени покажуваат дека во 2019 година, жените имале во просек 14,1 процент пониска бруто-плата по час од мажите, откриваат статистичарите.

Најголемата разлика во 2019 година е забележана во Естонија, Летонија, Австрија, Германија и Чешка, каде што жените примале петтина пониска бруто-плата по час од мажите.

Во групата спаѓаат и Чешка, Словачка и Унгарија, каде што бруто-платата по час на жените била во просек од 18,4 до 18,2 проценти помала од онаа на мажите.

Во Луксембург, Романија, Италија и Белгија, разликата е многу мала, со просечна бруто-плата по час на жените за 1,3 до 5,8 проценти помала од онаа на мажите.

Во Словенија просечната плата на жените за 7,9 проценти е помала од онаа на мажите, во Полска за 8,5 проценти, додека жените во Кипар, Грција и Португалија можат да сметаат на 10,1 до 10,6 проценти помала плата од мажите.

Хрватска е исто така блиска, со просечна бруто-плата по час на жените во 2019 година за 11,5 проценти пониска од онаа на мажите.

Во групата спаѓаат и Ирска, Шведска, Малта и Шпанија, каде жените во 2019 година добивале од 11,3 до 11,9 проценти помала бруто-плата по час од мажите, утврди Евростат.

Денеска во Германија се олабавени некои мерки воведени како резултат на пандемијата на коронавирусот, а истовремено почна и масовното тестирање на граѓаните.

Од денес, низ цела Германија цвеќарниците, книжарниците и продавниците за градинарство имаат право да ги отворат вратите.

Исто така од денеска дозволено е да се состанат најмногу пет лица од друго домаќинство. Досега состаноците беа ограничени на една личност.

Отворањето во други области како културниот, спортскиот и угостителскиот сектор зависат од развојот на епидемиолошката состојба, т.е. развој на инциденцата и нејзината стабилност, соопштувааат германските медиуми.

Засега, постојните мерки за затворање остануваат во сила до крајот на месецот, а за новите мерки ќе се дискутира на ниво на покраинските влади на состанокот на 22 март.

Минатата недела беше одлучено, покрај вакцинациите, масовното тестирање да служи и како еден од најважните механизми во борбата против пандемијата.

Предвидено е од понеделник, на секој граѓанин неделно на располагање да му биде еден бесплатен тест за коронавирус.

Германија планира да ја зголеми употребата на вакцината на „Астразенека“, бидејќи властите одобрија дека може да се дава на лица постари од 65 години.

Стотици илјади дози од таа вакцина „собираа прашина“ со недели поради разгледување на тоа кој може да ја добие и сомневањата меѓу оние кои имаа услови да ја примат.

Според Европскиот центар за превенција и контрола на болести, Германија добила 2,1 милион дози вакцина на „Астразенека“, а употребила само 721 000.

Берлин денес го отвора шестиот центар за вакцинација на поранешниот аеродром Темплехоф во центарот на градот, каде што ќе се дава само вакцината на „Астразенека“, која минатата недела беше одобрена од германските регулатори и за оние над 65 години.

По вакцинацијата, Германија заостанува зад Велика Британија и САД. Заклучно со неделата, 5,2 милиони дози на вакцина биле дадени во Германија, а и двете дози биле дадени на 2,5 милиони луѓе или само три проценти од 83 милиони жители, пренесува „Бета“.

Министерот за финансии Олаф Шолц за телевизијата ЗДФ рече дека очекува процесот да се забрза на крајот на март и дека ќе биде можно да се дадат 10 милиони вакцини неделно.