Шпанската полиција соопшти дека шест писма-бомби кои пристигнале на адреси на високи функционери и институции биле испратени од градот Ваљадолид, пренесоа шпанските медиуми.

Овие писма биле испратени во периодот од 24 ноември до 2 декември на адресите на премиерот Педро Санчез, на украинската амбасада во Мадрид, на канцелариите на шпанската влада, на седиштето на агенцијата за комуникации на ЕУ и на американската амбасада, објави Ројтерс.

Повеќето од експлозивните писма се деактивирани, освен вработен во украинското дипломатско претставништво во Мадрид, кој беше полесно повреден кога експлозивното полнење делумно се активирало и се запалило.

Речиси 20 отсто од децата мигранти без придружба од Албанија, кои годинава ги прифати Советот на округот Кент во Англија, се исчезнати, пишуваат медиумите.

До 31 октомври, локалните власти примија 197 албански деца, од кои 39 исчезнале.

„Еcpat UK“, која води кампањи за заштита на децата од експлоатација, посочи дека бројките се многу загрижувачки.

Советот тврди дека тесно соработувал со Министерството за внатрешни работи и со полицијата за заштита на загрозените деца. Институцијатa уверува дека се грижела за 197 албански деца кои биле во прифатната единица на Министерството за внатрешни работи во Кент во периодот од 1 јануари до 31 октомври.

Од Советот додаваат дека од 7 ноември, 39 се пријавени како исчезнати, но и дека оттогаш некои деца наполниле 18 години. Според владините бројки собрани од „Би-Би-Си“, 44.122 луѓе го преминале Ламанш со мали чамци досега оваа година, во споредба со 28.461 кои пристигнале во 2021 година.

Ова предизвика центарот Манстон во Кент да биде преоптоварен.

Советот на округот Кент во соопштението нагласи дека има значително зголемување на бројот на албански деца без придружба и дека тие се ранливи на експлоатација.

Советот, исто така, најави дека ќе утврди дали системот може да се подобри за да се спречи истото да се повтори во иднина.

Естонија, членка на НАТО, го потпиша најголемиот договор за оружје во својата историја, а тоа е купување на шест напредни системи за лансирање ракети од Соединетите држави. Оваа балтичка држава, која граничи со Русија, вчера финализираше зделка вредна повеќе од 200 милиони долари, соопшти денеска естонскиот инвестициски центар за одбрана.

Испораката на првиот високомобилен артилериско-ракетен систем (HIMARS) е планирана за 2024 година, а договорот вклучува и ракети со дострел до 300 километри. Руската инвазија на Украина во Естонија се смета за закана за националната безбедност, што ја натера владата да ги зголеми воените трошоци во следните четири години на 2,5 отсто од нејзиниот бруто домашен производ (БДП) за да ги надгради своите вооружени сили.

Другите две балтички држави, Летонија и Литванија, имаат намера да купат ракетни системи ХИМАРС. Соединетите Американски Држави претходно ја снабдуваа Украина со тие системи.