Свет
Захарова: Колку повеќе Киев слабее на терен, толку повеќе сака да се вклучи во криминал
Портпаролката на руското Министерство за надворешни работи, Марија Захарова, денеска изјави дека колку повеќе слабее позицијата на Киев на терен, толку повеќе расте желбата на режимот во Киев да се вклучи во криминални активности.
„Сè се случува токму како што рековме претходно: колку режимот во Киев станува послаб на бојното поле и покрај фактот што добива огромна финансиска и воена поддршка, толку повеќе се стреми да се одмазди со вклучување во криминални терористички активности“, рече Захарова, пренесува ТАСС.
Таа им изрази поддршка на жителите на Раменској, кои, како што наведе, биле изложени на „терористички напад од режимот на Киев“, пренесува „Танјуг“.
Во текот на ноќта руските системи за противвоздушна одбрана соборија 14 украински беспилотни летала над московските населби Подолск, Раменскоје, Либерци, Домодедово и Коломна.
Една жена загина, а три лица се повредени во напад со беспилотни летала на украинската армија во текот на ноќта врз Москва, соопшти гувернерот на Московската област, Андреј Воробјов.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
162 лица загинаа во поплавите во јужен Тајланд
Портпаролот на тајландската Влада, Сирипонг Ангкасакулкиат денеска изјави дека 162 лица го загубиле животот во поплавите во јужен Тајланд, пренесуваат агенциите.
Околу еден милион домаќинства и повеќе од три милиони луѓе се погодени во поплавите во 12 провинции во јужен Тајланд предизвикани од обилните дождови во последните неколку дена.
Тајландскиот премиер Анутин Чарнвиракул претходно прогласи вонредна состојба во провинцијата Сонгкла. Поплавите го погодија и најголемиот град во јужен Тајланд, Хат Јаи.
Свет
Без струја останаа повеќе од 600.000 луѓе по руските напади во Украина
Повеќе од 600.000 луѓе останаа без електрична енергија во Украина по руските напади со ракети и беспилотни летала, соопшти украинското Министерство за енергетика.
„Како резултат на нападите, повеќе од 500.000 потрошувачи во Киев и повеќе од 100.000 потрошувачи во неговиот регион останаа утринава без електрична енергија“, наведе Министерството.
Како што беше додадено, речиси 8.000 луѓе во регионот на Харков останаа без електрична енергија. Нападите започнаа синоќа и продолжија утрово.
Свет
Еден загинат и 11 повредени во руски напад со дронови врз Киев, меѓу нив и дете
Најмалку едно лице загина синоќа, а 11 се повредени во руски напад со дронови врз Киев, соопштија градските власти.
Градоначалникот Виталиј Кличко изјави дека меѓу повредените е тринаесетгодишно момче.
Воената администрација на Киев ги предупреди жителите и на заканата од напад со балистички ракети и ги повика да останат во затворен простор.
Шефот на воената администрација на Кијева, Тимур Ткаченко изјави дека еден човек загинал во нападот, како и дека бројот на повредени не е конечен.

