Свет
Зиничев: Задачата на Русија во Нагорно-Карабах е да го врати мирот што е можно побргу
Главната задача на руското Министерство за вонредни состојби како дел од тековната хуманитарна операција во Нагорно-Карабах е да го врати мирниот живот таму што е можно побргу, рече шефот на министерството, Евгениј Зиничев, за време на работната посета на Азербејџан и Ерменија.
„Главната задача на тековната хуманитарна операција е брзо обновување на мирниот живот во регионот. За нас, многу е важно да имаме релевантни и веродостојни информации за реалните потреби на Нагорно-Карабах за да ги минимизираме можните негативни последици за населението. Министерството за вонредни состојби на Русија е редовно член на работни групи за процена на состојбата на инфраструктурата во Нагорно-Карабах и неговите потреби“, рече тој.
Зиничев додаде дека до денес приближно 300 тони хуманитарен товар се испорачани во Нагорно-Карабах со камиони, а речиси 1.200 тони со железница. Тоа се градежни материјали, дизел-генератори, теренски возила, печки и предмети за домаќинството. Исто така, во регионот е распоредена единицата за деминирање.
Зиничев за време на својата работна посета на Ерменија се сретнал со ерменскиот премиер Никол Пашинјан и со министерот за вонредни состојби, Андраник Пилојан. Во Азербејџан се сретнал со претседателот Илхам Алиев и со министерот за вонредни ситуации, Камаладин Хејдаров.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
„Тик ток“ укинува стотици работни места, ја користи вештачката интелигенција
Социјалната мрежа „Тик ток“ соопшти дека укинува стотици работни места бидејќи се фокусира на зголемена употреба на вештачка интелигенција во модерирање на содржината.
Отпуштањата најмногу се однесуваат на персоналот во Малезија, каде првично беа пријавени повеќе од 700 работни места, но Тик Ток подоцна соопшти дека помалку од 500 вработени ќе бидат отпуштени, јави South China Morning Post.
Вработените, од кои повеќето биле ангажирани во операции за модерирање, биле известени за отпуштањата преку електронска пошта.
Свет
Иран ја поништи смртната казна на активистката за работнички права, Мохамади
Врховниот суд на Иран ја укина смртната казна на активистката за работнички права Шарифе Мохамади.
Нејзиниот адвокат вели дека казната на Мохамади ќе биде преиспитана во ново судење. Мохамади беше приведена во декември минатата година и оттогаш беше сместена во повеќе затвори. Револуционерниот суд во јули ја осуди Мохамади на смрт за вооружен отпор против Исламската Република.
Мохамади беше активна во одбрана на работничките права во иранската провинција Гилан.
Регион
Пронајдено телото на уште една жртва од поплавите во БиХ, операцијата за извлекување е во тек
Уште една жртва од минатонеделните катастрофални поплави е пронајдена во областа Коњиќ, така што бројот на загинати само во Херцеговско-неретванскиот кантон се искачи на 21. Операцијата за спасување е во тек.
Покрај 21 загинат во оваа област, тројца загинаа во Фојница, така што во БИХ досега се евидентирани вкупно 24 жртви од поплавите, пренесува Н1.
Откако ќе заврши извлекувањето на телото, ќе следи идентификација, изјави за Н1 градоначалникот на Коњиќ, Осман Ќатиќ.
Се трага по телата на уште три исчезнати лица во Јабланица, а по едно во Коњиќ.