Свет
Зошто арапските лидери ја мрaзат Ал Џезеира?

За Ал Џезира судирот на Катар со земјите од Заливот е прашање на нејзиниот опстанок. За Катар, оваа телевизиска станица е важна за да ги пренесува неговите политички ставови. Зошто дел од арапскиот свет сака затворање на Ал Џезира?
Ал Џезира наголемо го рекламираше своето интервју со Осама бин Ладен воп 1999 година. Не дозволи да ја поколебаат меѓународните предупредувања, бидејќи тој беше на списокот на најбараните криминалци на ФБИ и за неговото апсење беше ветена награда од пет милиони долари. Така,кога Ал Џезира го објави интервјуто со Бин Ладен, милиони Арапи се собраа пред малите екрани за да слушнат што има да каже најбараниот терорист.
Голема гледаност, скандали, контроверзи – ова е концептот на Ал Џезира. Но, таа не само што сака да стигне до што поголем број гледачи, туку исто така сака да ги пренесе политичките ставови на Катар. Се разбира, во тој концепт се вклопува и интервјуто со Бин Ладен. Тој, претходно веќе зборуваше за некои телевизиски станици, но никогаш порано со некоја од арапските земји. Лути на тоа интервју беа особено земјите од Персискиот Залив, пред се Саудиска Арабија. Всушност, Бин Ладен во неколку наврати го критикуваше кралското семејство и се закани со терористички напади во земјата.
Саудиското кралско семејство не можеше да му го прости на Катар ова интервју. Дури и пред интервјуто, Саудиска Арабија се обиде да ја попречи работата на Ал Џезира,но по неговото објавување Саудијците одлучија дека треба да ја спречат телевизијата на секој можен начин.
Спорот меѓу Саудиска Арабија и Катар за Ал Џезира, кој кулминираше со најновите барање за затворање на станицата, не се резултат само на заканите со терористички напади од страна на Бин Ладен. Во принцип саудиските медиуми гаат патерналистички однос кон публиката, а Катар им дава на гледачите можност да оформат свое мислење. Од ова правило е ослободена само политиката на Катар. За него Ал Џезира не објавува критични прилози.
Но, во сите други тематски прилози Ал Џезира воспостави нови стандарди во арапскиот свет. Така, таа беше прв арапски медиум што емитуваше седница на израелскиот Кнесет, неговите новинарите по 11 септември 2001 година известуваа во живо од Авганистан, каде што се трагаше по Бин Ладен, опширно информираше за американскиот напад врз Ирак во 2003 година, но, исто така, редовно праќа новинари во појасот Газа, каде што повторно се во конфликт палестинскиот Хамас и Израел. Ал Џезира истовремено воведе сосема поинаква форма на политичко ток-шоу. Неговите новинари отворено ги прашуваат арапските политичари и најдиректно, што до сега беше непознато во арапските медиуми.
Но, тимот во Катар со отворена и плуралистичка програма следи и сопствени цели: на тој начин овој Емират сака да привлече внимание на себе, а во исто време да ја убеди публиката во арапскиот свет во своите позиции. Инаку, Катар е голема американска воздухопловна база и одамна е посветен на нормализирање на односите со Израел. Ниту едниот, ниту другиот потег не наидоа на одобрување во делови од арапскиот свет. Значи Катар и нуди на јавноста програма во согласност со нејзините вкусови и интереси, а во исто време ја оправдува својата политика.
Разликите помеѓу Катар и неговите соседи станаа очигледни за време на протестите за време на т.н.. Арапската пролет. Ал Џезира за нив известуваше во детали, а со тоа можеби ги охрабруваше. Во исто време, овие протести Саудиска Арабија и нејзините сојузници ги доживеаја како закана за нивниот политички систем. Сепак, програмскиот директор на Ал Џезира на англиски, ги негира обвиненијата за пристрасност.
“Ние немаме обврски кон ниту една група, идеологија или влада. Ние нудиме голем број на точки на гледање. Нашите новинарите ќе продолжат да го прават тоа, но ние се надеваме дека другите медиуми ќе го поддржат нашиот повик за одбрана на слободата на печатот“, изјави тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Германски институт: Ненадеен пад на меѓународната помош за Украина, земјите се повеќе се двоумат

Германски истражувачи кои ги следат меѓународните пакети помош за Украина објавија дека меѓународната воена и финансиска помош за земјата драстично се намалила во последните месеци. Од август до октомври на Украина и биле ветени пакети помош во вкупен износ од 2,11 милијарди евра, објави денеска Килскиот институт за светска економија (IfW).
Ова е нешто повеќе од една десетина од износот од истиот период минатата година и најниско ниво од јануари 2022 година, пред руската инвазија на Украина, се вели во соопштението. IfW редовно ја евидентира целата ветена помош за Украина. „Нашите бројки го потврдуваат впечатокот дека донаторите станаа поколебливи во последните месеци“, рече Кристоф Требеш, шеф на тимот за мониторинг на помошта за Украина.
Украина станува сè позависна од мал број големи поддржувачи како што се Германија, САД и нордиските земји. САД и ЕУ разговараат за големи пакети помош, но се заглавени во политички спорови.
„Со оглед на неизвесноста околу натамошната американска помош, Украина може само да се надева дека ЕУ конечно ќе го одобри својот долгонајавуван пакет помош од 50 милијарди евра“, рече Требеш. Понатамошното одложување значително ќе ја зајакне Русија.
Одлуката за помошта од ЕУ се очекува да биде донесена на претстојниот самит на шефови на држави и влади во средината на декември. Но, против мерките има, на пример, од Унгарија. Украина се брани од голема руска инвазија повеќе од 21 месец и е зависна од странска помош.
Во некои случаи, може да се потпре на повеќегодишни програми кои се веќе ветени. Според истражувачите, земјите-членки на ЕУ и европските институции заедно сега обезбедуваат повеќе одбранбена помош од САД, најголемиот поединечен донатор. Една од главните вонредни програми е трансферот на борбени авиони Ф-16 од различни европски земји во Украина.
Свет
(Видео) Стаклото се крши: снимки од земјотресот во Мексико

Силен земјотрес со јачина од 5,7 степени според Рихтеровата скала го погоди Мексико.
Епицентарот на земјотресот бил во близина на градот Куалута на длабочина од десет километри.
Everything just shook in the United lounge here in Mexico City. Got an alert that it was a 5.5 earthquake. pic.twitter.com/UEpJ08vOII
— Yiney Lamborsky (@Yiney_Lamborsky) December 7, 2023
На социјалните мрежи почнаа да кружат првите видеа на кои се гледаат лустери како се нишаат на таванот додека луѓето седат во кафуле и со неверување гледаат што се случува.
Just got hit by a little earthquake in Mexico City
5.5
Felt weird to have the floor shake up like that
Window broke at the piano shop next door pic.twitter.com/r3T1hAfNhB
— Gustavo J. Flores E. (@gustavojfe) December 7, 2023
На друга снимка се гледа скршеното стакло во излогот.
Засега нема информации за жртви и материјална штета.
Европа
„Политико“: Орбан посеа паника во ЕУ

Една недела пред состанокот на Европскиот совет на кој ќе се разговара за иднината на Украина, ЕУ е во паника поради односот на Виктор Орбан.
Унгарскиот премиер се противи на одлуката за приклучување на Украина во ЕУ и обезбедување финансиска помош од 50 милијарди евра. Во две писма до претседателот на Европскиот совет, Шарл Мишел, Орбан јасно стави до знаење дека наместо тоа, сака да одржи стратешка дебата за поддршка на Киев.
Иако ова не е првпат Орбан да се заканува дека ќе го искористи правото на вето, тројца високи дипломати признаа дека овој пат е поинаков, пишува „Политико“.
Сега влогот е поголем, роковите се пократки, а на Унгарија и требаат повеќе пари од општиот буџет, кој не и е достапен поради непочитување на владеењето на правото, анализира медиумот. Унгарскиот државен секретар за јавна дипломатија и односи Золтан Ковач неделава ги демантираше овие шпекулации и посочи дека ставот на неговата влада за потребата од ревидирање на долгорочниот буџет на ЕУ не е поврзан со блокираните средства.
Мислењата на дипломатите за Унгарија се поделени: едни сметаат дека Орбан е решен да ја повлече европската помош од Украина, други веруваат дека тој едноставно се обидува да го уценува Брисел.
Меѓу нив е и францускиот претседател Емануел Макрон, кој за време на вечерата ќе се обиде да најде компромис со унгарскиот лидер. Дипломати од други земји најмногу ја поддржаа ваквата иницијатива, но некои критичари потсетија дека претходните преговори на Макрон со Трамп и Путин биле неуспешни.
Според написите, и Шарл Мишел веќе се обиде да постигне договор со Обран во Будимпешта и поради тоа ќе го прекине патувањето во Пекинг за да ги продолжи преговорите.
Медиумот пренесува дека песимистичките чувства се повеќе се шират во ЕУ. Белгискиот претставник Вилем ван де Ворд изјави дека исходот од самитот е непредвидлив. Друг дипломат смета дека без разлика дали на Орбан му требаат пари или тоа го прави од принцип, „факт е дека и помага на Русија“, а Европа не треба да го фаворизира туку да му се спротивстави.
Во коридорите на моќта се разговара за алтернативни планови, како што е испраќање помош за Киев заобиколувајќи го унгарското вето. Дополнително, се предлага да се организира уште еден самит во јануари и да се обиде повторно да го покрене ова прашање, пишува „Политико“.