Европа
Зошто земјата на таткото на имунизацијата денеска е најголем скептик за вакцините?

Франција е дом на таткото на имунизацијата Луј Пастер, но денеска е меѓу земјите каде живеат највеќе противници на вакцинацијата и државата се соочува со бројни отпори додека се подготвува за една од најголемите кампањи за вакцинација во нејзината историја.
Францускиот претседател, Емануел Макрон, веќе изјави дека има намера да почне со вакцинирање на оние кои се најмногу изложени на вирусот на почетокот на 2021 година, а пошироката популација од април до јуни.
Но, тој има тешка задача – да убеди доволно луѓе да се вакцинираат за да создадат имунитет на стадо, праг што ја штити целата популација од вирусот.
Истражување објавено во весникот Le Journal du Dimanche за време на викендот покажува дека само 41 процент од Французите планираат да вакцинираат во споредба со 58 проценти од жителите на САД.
Макрон го отфрли повикот на лидерот на Зелените, Јаник Жадот, да воведе задолжителни вакцини и рече дека се надева оти ќе ги убеди луѓето во транспарентноста на процесот.
Франција одамна е позната како нација на таблети и пилули со една од највисоките стапки на употреба на антибиотици и антидепресиви во светот, но Французите во последните години стануваат сè посомничави кон фармацевтската индустрија.
Протестното движење Жолти елеци кое изби околу воведувањето на данок на гориво кон крајот на 2018 година, ја зајакна теоријата на заговор дека владата е зависна од фармацевтските компании. Овие теории се засилија по зголемувањето на бројот на задолжителни вакцини во 2018 година за деца на возраст од три до 11 години.
Истражување на „Галуп“ спроведено на 140.000 луѓе во 44 земји покажува дека Французите се најскептични во однос на вакцината во светски рамки, а секој трет Французин не верува во безбедноста на вакцината.
Анкетата на весникот Le Journal du Dimanche покажува дека скептицизмот е најсилен кај приврзаниците на екстремно десничарските и крајно левичарските политички партии и двжења.
Многу Французи негодуваат на масовните кампањи за вакцинирање и по вакцинацијата против свински грип во 2009 година кога државата уништи милиони вакцини кои останале неискористени, губејќи притоа стотици милиони евра.
Според Џоселин Рауд, професорка во училиште за јавно здравје во Рен, аферата со свинскиот грип била причина за промена на јавното мислење.
Бројни лекари и фармацевти предводени од хирургот Анри Џојекс, со седиште во Монпелје, започнаа кампања против вакцинација.
Џојекс, кого го следат 175.000 луѓе на Фејсбук, му даде кредибилитет на движењето против вакцинација, објаснува Рауд.
На својата веб-страница, тој ја споредил трката за вакцината против Ковид-19 со трката за вооружување меѓу САД и Советскиот Сојуз.
Географката Луси Гуимие, која го истражувала антивакцинското движење во својот труд, истакнува дека тоа е најмоќно во Марсеј, родното место на Дидие Раулт, професор кој го промовирал лекот против маларија – „хлорокин“ како лек за коронавирус.
„Идејата зема замав и сега тоа е бунтовнички град против централната држава. Факт кој е прилично опасен во однос на јавното здравје“, вели Гуимие.
Заменик-градоначалничката на Марсеј, Самија Гали, е исто така меѓу скептиците за вакцината.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Силна експлозија во Мадрид, паника и рушевини на улиците

Силна експлозија одекна во Мадрид и се слушна во целиот град, се првичните информации на шпанските медиуми во однос на инцидент што попладнево се случил во главниот град.
Експлозијата разнела три ката од станбена зграда во центарот на Мадрид на улицата Толедо.
Засега не се знае дали има жртиви и која е причината за инцидентот.
JUST IN – Explosion in Madrid. The shock has been felt throughout the city. Emergency services have arrived. pic.twitter.com/H3sc3oOGS2
— Disclose.tv 🚨 (@disclosetv) January 20, 2021
Европа
Курц лут поради градоначалниците што се вакцинираа преку ред

Австрискиот канцелар Себастијан Курц е лут поради градоначалниците на повеќе места, кои беа вакцинирани против коронавирусот иако не се на списокот на приоритети.
Во изминатите неколку дена медиумите објавија дека на некои места како дел од вакцинацијата на корисници на старски домови исто така биле вакцинирани и локални политичари преку ред и имало тврдења дека некои луѓе плаќале за да добијат вакцина.
Курц рече дека нема разбирање за градоначалниците што се имунизирани со преостанатите дози од вакцината иако сè уште не им е редот.
„Ако некој се вакцинира преку ред, тогаш тоа е морално разочарувачки“, нагласи тој.
„Доколку останат дози од вакцината, важно е тие да се дадат бргу. „Но, тие треба да им се даваат на постарите луѓе, а не на политичарите, нивните жени и на регионални истакнати личности“, рече Курц.
Министерството за здравство најави дека во иднина ќе го интензивира барањето за документација за вакцинација со цел да се запре злоупотребата и да се спречи некои да се вакцинираат преку ред.
Европа
Италија најавува правни постапки против „Фајзер“ поради доцнењето на вакцините

Италија има намера да преземе правни активности против американската лабораторија „Фајзер“ во наредните денови поради доцнење во испораката на вакцини против коронавирусот, најави шефот на италијанскиот кризен штаб, Доменико Аркури.
„За заштита на здравјето на италијанските граѓани не може да се преговара“, предупреди Аркури.
Тој додаде дека кампањата за вакцинација не може да се забави, а камоли давањето на втората доза на многу Италијанци, кои веќе ја примиле првата доза на вакцината на „Фајзер“.
„Фајзер“ и германскиот партнер „Бионтек“ неочекувано објавија дека нема да може да ја обезбедат количината вакцини за кои се обврзале, што предизвика гнев кај европските земји, кои веќе се наоѓаат на критики поради бавноста на кампањата за вакцинација.
Лабораториите потоа ги уверија следниот ден дека имаат план да го ограничат одложувањето на испораките на вакцините на една недела.
Сепак, Аркури рече дека „Фајзер“ го известил Рим за понатамошното одложување на испораката на вакцините.
- Книги1 месец
Македонски лекар ја објави последната исповед на Јосип Броз Тито
- Македонија3 месеци
Излезе од затвор Панче Ангелов, напаѓачот на Шекеринска од 27 април
- Црна хроника2 месеци
Млада девојка од Штип пронајдена мртва во нејзиниот дом
- Македонија2 месеци
МЖСПП: Мечкиното грозје важен ресурс, кој треба грижливо да го собираме
- Економија3 месеци
(Видео) Младите од Струмичко порачуваат – ако не проработи рударскиот комплекс, ќе се иселиме сите
- Македонија1 месец
(Видео) Отстранети два нелегално изградени објекта во општина Центар
- Македонија4 недели
Возачот на „бентлито“ што „влета“ на плоштад казнет со 45 евра, објавена фотографија од записникот
- Спорт3 месеци
Гетџи: По мечот со Хабиб, мојата мајка конечно ќе може да се пензионира