Свет
Зошто првите 72 часа се клучни за спасување по земјотрес

Времето истекува за спас на преживеаните кои се затрупани во урнатините од земјотресите во Турција и Сирија, бидејќи потрагата се приближува до клучните 72 часа, пишува АФП.
Повеќе од 90 отсто од преживеаните од земјотресот успеваат да се спасат во првите три дена, изјави Илан Келман, професор по катастрофи во Лондон.
Но, тој број може значително да варира во зависност од временските услови, последователните потреси и брзината со која спасувачките тимови и опремата пристигнуваат на местото на нeсреќата – фактори кои моментално ги попречуваат напорите во Турција и Сирија.
Повеќе од 11.200 луѓе загинаа, а илјадници се повредени по земјотресот што во понеделникот ги погоди југоисточна Турција и соседна Сирија.
Со оглед на тоа што 72 часа истекуваат рано наутро во четвртокот, Келман објасни зошто оваа временска рамка е толку важна.
Повреди, температура, вода
„Генерално, земјотресите не убиваат луѓе, колапсот на инфраструктурата убива луѓе“, рече Келман, кој објави истражување за напорите за спасување од земјотрес.
Најважниот фактор е давање медицинска помош на луѓето затрупани под срушените згради, рече тој.
Временските услови се исто така клучен фактор и се целосно против нас во случајот со Турција и Сирија, рече Келман.
Ниските температури, дожд и снег се забележани во регионите погодени од земјотресот.
„Тоа значи, за жал, дека хипотермијата е можна, а луѓето веројатно умираат поради временските услови“, рече Келман.
На оние кои ќе успеат да го преживеат студот и повредите им се потребни храна и вода.
Без вода, многу луѓе „ќе почнат да умираат по три, четири, пет дена“, рече Келман.
Афтершоковите во деновите по земјотресот може дополнително да уриваат згради, што претставува „голем и застрашувачки ризик“ и за преживеаните и за оние кои се обидуваат да ги спасат, додаде тој.
Регионот беше погоден од десетици последователни потреси, вклучувајќи го и оној од понеделникот со јачина од 7,5 степени.
Помош на лице место
Келман рече дека обично „огромното мнозинство од преживеаните се спасуваат во рок од 24 часа од локални тимови, често користејќи само раце или лопата“.
Десетици земји ветија дека ќе испратат тимови за пребарување и спасување и помош во Турција и Сирија.
Но, земјотресот се случи во „оддалечена област, во зона на конфликт, во која е многу тешко да се влезе“, рече Келман.
Обично се потребни најмалку 24 часа за да пристигнат, да се постават и да започнат со работа меѓународните спасувачки тимови.
„Во тој момент, голем број луѓе кои можеа да преживеат веќе умреа“, рече Келман.
За областите погодени од конфликт во близина на сириската граница, пристапот е уште потежок.
„Колку што видов, спасувачките тимови не стигнаа целосно до многу области во главните конфликтни зони или многу привремени населби за раселените луѓе“, рече Келман.
Како да најдете преживеани?
Откако ќе се појават на местото на настанот, постојат неколку начини на кои спасувачките тимови можат да најдат преживеани, вклучително и кучиња трагачи.
Познат тим на кучиња спасувачи од Мексико е на пат за Турција, истакна Келман.
Роботите и беспилотните летала се’ повеќе се користат и за влез во тесни простори кои се премногу опасни за луѓето.
Кога ќе се најдат преживеани, спасувачите мора да одлучат како да ги извлечат.
Подигнувањето на плочите на срушените згради може да бара огромна опрема како што се кранови.
Или понекогаш е неопходно да се ампутира екстремитет „што е смачкан под столб или парче ѕид“, рече Келман.
Многу пред клучните 72 часа
Келман нагласи дека „на крајот, успешната спасувачка операција започнува неколку децении пред земјотресот, со цел да спречи колапс на инфраструктурата“.
За време на меѓународна спасувачка операција, како онаа во Турција и Сирија, еден спасен живот чини во просек по еден милион долари, рече тој.
„Да ги видиме истите инвестиции во превенција од катастрофи што ги гледаме во одговорот при катастрофи, немаше да бидеме во оваа ситуација“, заклучува тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Хаос во Франција: Демонстрантите палат контејнери, фрлаат камења по полицијата, а тие им возвратија со солзавец

Групи маскирани демонстранти денеска протестираа против францускиот претседател Емануел Макрон и непопуларната пензиска реформа, палејќи корпи за отпадоци и фрлајќи камења врз полицијата во Париз, која одговори со солзавец.
Како што јави Ројтерс, судири меѓу демонстрантите и полицијата имало и на улиците на Рен, Бордо и Тулуз, додека во Нант биле запалени филијали на банки и автомобили.
Претходно денеска, француската влада го отфрли новото барање на синдикатите за суспендирање и преиспитување на нацрт-законот за пензија со кој ќе се зголеми старосната граница за пензионирање за две години од 62 на 64 години, што ги налути синдикалните лидери и работниците, кои рекоа дека владата мора да најде излез од криза.
Владата најави дека е „повеќе од подготвена“ да разговара со синдикатите, но за други теми и повтори дека нема да го менува ставот за пензиската реформа.
Милиони луѓе во Франција демонстрираа и штрајкуваат од средината на јануари за да се спротивстават на законот, а протестите се интензивираа откако владата употреби специјална моќ да го протурка законот во парламентот без гласање на пратениците.
Минатата недела во Париз, членовите на анархистичкиот „Црн блок“ кршеа излози, демолираа автобуски станици и ограбија ресторан на Мекдоналдс, а според Ројтерс, атмосферата на улиците потсетувала на немирите видени на протестите на „Жолтите елеци“ за време на Првиот мандат на Макрон,пренесе Телеграф.рс.
Свет
(Видео) Полицијата објави видео од убиството на жената која усмрти шест лица во училиште во САД

Вчера три деца и тројца возрасни беа убиени во пукање во приватно основно христијанско училиште во Нешвил, на југот на САД.
Нападот го извршила 28-годишна жена идентификувана како Одри Елизабет Хејл, поранешна ученичка на училиштето, која била убиена од полицијата на местото на настанот.
Убиените деца биле на возраст меѓу осум и девет години.
Полициската управа на Метро Нешвил објави снимка од телото што го носеле најмалку двајца полицајци како и Рекс Енгелберт и Мајкл Колазо, полицајците кои го убиле напаѓачот во 10:27 часот.
На видеото се гледа и како полицајци влегуваат во училиштето и го бараат напаѓачот и пукаат во неа.
BREAKING: Nashville Police Department quickly release body cam footage of tactical unit response to active school shooter.
Outstanding discipline and dedication to protecting the innocent.
This Metro PD team was heroic.pic.twitter.com/l0UVRrkhno
— 𝐅𝐑𝐎𝐍𝐓𝐋𝐈𝐍𝐄⚡️𝐅𝐋𝐀𝐒𝐇 (@FrontlineFlash) March 28, 2023
Таа потоа паѓа на земја, при што друг полицаец четири пати пука во неа со пиштол.
„Престани да се движиш“, извикува додека напаѓачот лежи на земја.
Полицајците потоа и пришла на вооружената жена и го извадиле пиштолот.
За потсетување, полицијата во Нешвил претходно објави видео на кое се гледа како напаѓачот влегол во училиштето.
На снимката, која се чини дека е од надзорните камери во зградата, се гледа како Одри Хејл пука во влезната врата и потоа се качува низ скршеното стакло за да влезе.
Напаѓачот носел црвена капа, маскирни панталони и нешто што личело на заштитен елек.
Хејл носеше автоматска пушка во едната рака.
Откако влегла во училиштето, на видеото се гледа како таа талка низ празните ходници на училиштето, во еден момент поминувајќи покрај просторијата со ознака „Министри“.
Hale fired a number of rounds inside the Covenant Church/School building. She was armed with these 3 guns and significant ammunition. pic.twitter.com/3LYOU2r0sh
— Metro Nashville PD (@MNPDNashville) March 28, 2023
Полицајците ги најдоа мапите на зградата што го содржи планот за напад.
Тие известија и дека напаѓачот влегол преку споредна врата и отворил оган на вториот кат до 10:27 часот кога била убиена.
Полицијата претходно објави слики од местото на злосторството на кои се гледа дека Одри Хејл се подготвува да пука кога пристигнала полицијата.
Според полицијата, таа пукала во нивните возила додека се приближувале, удирајќи го едното преку шофершајбната.
As officers responded to the Covenant campus, Hale fired on arriving police vehicles from a 2nd story window. pic.twitter.com/7JiLdCHhF1
— Metro Nashville PD (@MNPDNashville) March 28, 2023
На првите снимки и фотографии се гледа и оружјето употребено во нападот и автомобилот на убиецот паркиран во близина.
Пукањето престанало околу 14 минути откако почнало, кога полицијата упаднала во зградата и го застрелала наоаѓачот,пренесе Индекс.хр.
Европа
Шкотска го доби првиот премиер муслиман

Поддржувачот на независноста Хумза Јусаф денеска беше официјално потврден за премиер на Шкотска во локалниот парламент, со што стана првиот нејзин лидер кој е муслиман и доаѓа од имиграциско потекло.
Хумза Јусаф (37) денеска беше избран за претседател на Шкотската национална партија (СНП) што се залага за независност на партиските избори по ненадејната оставка минатиот месец на Никола Старџен, која ја извршуваше оваа функција осум години.
Хумза Јусаф, чии баба и дедо емигрирале во Глазгов од Пакистан пред 60 години, утре официјално ќе ја преземе функцијата и ќе положи заклетва во Врховниот суд на Шкотска.
„Ова е горд ден за мене и моето семејство, се надевам дека е горд ден и за Шкотска, бидејќи кажува многу за нашите вредности“, рече Јусаф веднаш по гласањето.
Хумза Јусаф ја презема власта во време кога се чини дека борбата за независност е во ќорсокак, оживувајќи ги поделбите во СНП и поттикнувајќи ги апетитите на конзервативците, на власт во Лондон, и на лабуристичката опозиција,пренесе Индекс.хр.