Свет
Избори во Пакистан: Мобилните линии во прекин, убиени најмалку девет лица, милитантни напади
![](https://makfax.com.mk/wp-content/uploads/2024/02/izbori-pakistan.jpg)
Пакистан денеска почна да ги брои гласовите, откако гласањето заврши на општите избори нарушени со напади на милитантите и прекин на мобилните телефонски линии, при што најмалку девет лица загинаа во насилство низ целата земја, според властите. Избирачките места се затворени, а се очекува телевизиите по неколку часа да објават проекции за резултатите. Јасна слика за исходот би можела да се знае во петок, откако гласовите продолжуваат да се пребројуваат во текот на ноќта.
Многу аналитичари сметаат дека изборите нема да дадат јасен победник. Главната битка се води помеѓу кандидатот поддржан од затворениот поранешен премиер Имран Кан, чија пакистанска партија Техрик-е-Инсаф победи на последните избори, и Пакистанската муслиманска лига-Наваз на трикратниот премиер Наваз Шариф, кој се смета за фаворит.
Денеска, властите ги затворија мобилните услуги низ целата земја и затворија некои копнени граници за да се одржи редот и законот. Министерството за внатрешни работи соопшти дека презело чекори откако најмалку 26 лица загинаа во две експлозии вчера во близина на канцелариите на изборните кандидати во југозападната провинција Балучистан. Исламската држава подоцна ја презеде одговорноста за нападите.
„Како резултат на неодамнешните терористички инциденти во земјата, изгубени се скапоцени животи, а безбедносните мерки се од суштинско значење за одржување на законот и редот и справување со можни закани“, објави Министерството на платформата „Икс“. Илјадници војници се распоредени на улиците и избирачките места низ целата земја, а границите со Иран и Авганистан привремено затворени.
Четворица полицајци загинаа во експлозија на бомба и пукање во полициска патрола во областа Кулача на северозападот од земјата, изјави началникот на локалната полиција Рауф Каисрани. Едно лице загина кога вооружени напаѓачи отвориле оган врз возило на безбедносните сили во Тенк, на околу 40 километри.
Напади со гранати, исто така, беа пријавени во различни делови на Белуџистан, но изборите таму се одвиваа без проблеми бидејќи немаше жртви, изјави за Ројтерс Саид Ахмед Умрани, окружен комесар во Макран.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
(Видео) Олимписки игри во Париз 2024: церемонијата на отворање започна со пловење по Сена
![](https://makfax.com.mk/wp-content/uploads/2024/07/Screenshot-2024-07-26-213525-1.jpg)
Олимписките игри во Париз беа свечено отворени со свечена церемонија која се разликува од сите досегашни, бидејќи парадата на најдобрите спортисти на планетата првпат не беше организирана на стадионот.
Овие, 33. Олимписки игри, беа отворени со пловење по реката Сена, каде што повеќе од 10.000 спортисти од светот во чамци им мавтаа на стотици илјади гледачи на брегот на познатата река што тече низ главниот град на Франција.
Со димни сигнали во боите на француското знаме, настапот на Лејди Гага, американската пејачка и стотици танчерки на бреговите и мостовите, првите натпреварувачи беа од Грција што испловија по Сена, што е обичај во најголемиот светски спортски настан, кој потекнува од таа европска земја.
Дожувувањето на стотици илјади гледачи низ Париз донекаде го расипа дождот, кој паѓаше цел ден во француската престолнина.
Регион
(Видео) Тешка сообраќајка во Грција: бебе меѓу загинатите
![](https://makfax.com.mk/wp-content/uploads/2024/07/Screenshot-2024-07-26-204400.jpg)
Тешка трагедија се случи во петокот попладне на автопатот Пиргос – Кипарисија, во близина на Месинија во Грција, кога четири лица, меѓу кои 12-месечно бебе и 13-годишно девојче, кои се наоѓале во два автомобили, загинаа во сообраќајма несреќа, пишува „Protothema“.
До несреќата дошло кога 39-годишниот камионџија, кој возел во правец на Кипарисија, од засега непозната причина изгубил контрола, излетал во спротивен правец и налетал на три возила, предизвикувајќи трагични последици.
Според написите, камионот всушност буквално ги стопил двете возила кои учествувале во несреќата. Противпожарната служба со 12 пожарникари ги извлекла настраданите.
Според информациите, во првиот патнички автомобил кој се судрил со камионот било семејство кое живее во странство и отпатувало за Нафплио за да се види со роднините и на одмор на Пелопонез. Во него се пронајдени мртви 38-годишен татко и 12-месечна ќерка, а повредени се 38-годишна мајка и нивниот шестгодишен син, кои се пренесени во болницата во Патра.
Од второто возило кое било заглавено под камионот извлечени се маж (50), девојка (13) и жена (60), кои се здобиле со тешки телесни повреди.
Повредени се и 25-годишен маж кој бил интубиран во Каламата, 39-годишен камионџија и 61-годишен маж, и двајцата се на лекување во болницата Кипарисија.
Затворен е магистралниот пат Пиргос – Кипарисија, а сообраќајот се пренасочува по заобиколен пат.
Свет
(Видео) Во Русија гори облакодер, има загинати меѓу кои и двегодишно дете
![](https://makfax.com.mk/wp-content/uploads/2024/07/Screenshot-2024-07-26-195828.jpg)
Пожар избувна во облакодер во градот Уљановск, соопшти прес-службата на регионалното Министерство за вонредни состојби.
„Според првичните информации, пожарот првично зафатил три стана на третиот кат“, се вели во соопштението. Загинаа двегодишно дете и уште едно лице, а три лица се повредени.
A powerful explosion took place in a high-rise building in the Russian city of Ulyanovsk
Three apartments in a residential building caught fire at once. Residents of the upper floors are waving their hands and asking for help from rescuers. An evacuation is underway.
According… pic.twitter.com/NNmcy6scfu
— NEXTA (@nexta_tv) July 26, 2024
Сите расположливи служби за итни случаи излегоа на терен и помагаат во евакуацијата. Со пожарот се борат вкупно 68 пожарникари со 22 возила. Повеќето од луѓето кои живеат во облакодерот се евакуирани.
🇷🇺 A high-rise building is on fire in Ulyanovsk.
A fire broke out on the third floor of a building on Korunkova Street. According to the Base, three apartments are on fire. The entrance was heavily smoky and all residents were evacuated from the house. pic.twitter.com/7JzpTz1sg5
— * (@V141NGs) July 26, 2024
Гувернерот на регионот Уљановск им нареди на раководството на Министерството за здравство и Министерството за социјален развој веднаш да излезат на местото на настанот за да ја координираат медицинската помош на жртвите и да ги решат прашањата за финансиска помош за жртвите.
Градските власти соопштија дека пожарот настанал по експлозија на плинска боца. „Некста“, канал на Х, пишува дека жителите од горните катови мавтале со рацете и побарале помош од спасувачите.