Во Будимпешта, властите ги зголемија прогнозите за нивото на водата и предвидоа дека Дунав ќе се искачи над 850 сантиметри во втората половина на оваа недела, приближувајќи се до рекордот од 2013 година од 891 сантиметар.

„Според прогнозите, една од најголемите поплави во последните години се приближува кон Будимпешта, но ние сме подготвени да се справиме со тоа“, најави градоначалникот на Будимпешта Гергели Карачони.

Животите на жителите во подрачјата погодени од поплавите не се загрозени само од водата како таква, туку и од поврзаните проблеми.

Министерството за здравство на Чешка предупредува на појава на опасна болест. Во областите погодени од поплави, постои ризик од ширење на лептоспироза, која потенцијално води до откажување на црниот дроб и бубрезите и може да биде фатална.

Годишно во просек се евидентираат по неколку десетици случаи, годинава до крајот на август имало 15, покажуваат податоците на чешкиот државен институт за здравје.

Thousands evacuated in Czech Republic due to floods #CzechRepublic #weather #nature #naturaldisaster #Europe #climate #flooding #floodhttps://t.co/XiyzSW0v9P pic.twitter.com/puWBeUuByw

— Kazinform (@kazinform_eng) September 16, 2024

Размножувањето на бактериите наречени лептоспири, кои се шират во урината на заразените животни, може да се очекува особено откако ќе се повлече водата. „Лептоспирите можат да навлезат во човечкото тело преку гребаници, вдишување или голтање на контаминирани аеросоли или вода, а ретко и преку каснување од животни“, се вели во извештајот.

Во вода и почва контаминирана со урина на заразени животни, бактериите можат да преживеат неколку недели или месеци.

Ситуацијата во Чешка само постепено се подобрува. 82.000 домаќинства попладне останаа без струја поради неповолните временски услови.

Федералниот обвинител подигна обвинение против осомничениот за обидот за атентат врз Доналд Трамп, еден ден откако тој беше забележан со пушка како се крие во грмушки на теренот за голф на Трамп во Флорида, објави во понеделникот Си-ен-ен.

Тие поднесоа две обвиненија поврзани со оружје против осомничениот, Рајан Рут, објави Си-ен-ен, како што е веројатно прелиминарен потег што ќе им овозможи на властите да го задржат во притвор додека чекаат дополнителни обвиненија.

Агентите отворија оган врз вооружен маж кој беше забележан со автоматска пушка како се крие во грмушки на еден од терените за голф на поранешниот американски претседател во Флорида каде што играше Трамп. Осомничениот побегнал со автомобил оставајќи два ранци и оружје, а подоцна бил уапсен.

Рут се појави во федералната судница во Вест Палм Бич, Флорида, објави репортер на Си-ен-ен на социјалните мрежи. Носел темна затворска облека, а рацете и нозете му биле со лисици, пренесе репортерот.

Трамп, републиканскиот претседателски кандидат, помина неповреден, но инцидентот покрена нови прашања за тоа како вооружено лице можело толку да му се приближи, само два месеци откако друг вооружен маж пукаше во Трамп за време на митинг на 13 јули во Батлер, Пенсилванија, ранувајќи го во увото со куршум.