Свет
Израел одговори на палестинските ракети со напад на неколку цели во појасот Газа
Израелски авиони рано утрово погодија неколку локации во појасот Газа, откако палестинските сили во петокот испукаа две ракети кон јужен Израел.
„Целта на израелскиот воздушен напад беше погон за производство на ракети и локации за обука и сместување на армијата кои припаѓаат на Хамас“, соопшти израелската армија, пренесува АП.
Ракетите истрелани од палестинска страна во петокот беа насочени кон јужниот град Ашкелон, но беа неутрализирани од против-воздушната одбрана, се вели во соопштението на армијата.
Ниту една палестинска група во Газа не ја презеде одговорноста за ракетниот напад што го наруши повеќемесечниот прекин на огнот.
Палестинските медиуми објавија дека утрово во воздушните напади на израелската армија биле искршени прозорците на некои објекти во источниот дел на градот Газа, без потврда за евентуални жртви.
#Merry #Christmas from #Gaza ?? pic.twitter.com/ImqubAqQlW
— Salah A. Ashour (@SalahAAshour1) December 26, 2020
Често се случуваат вакви ракетни напади и израелски одмазднички артилериски и воздушни напади, но тие главно се стопирани во последните месеци, најмногу поради избувнувањето на епидемијата со Ковид-19 на двете територии, коментира агенцијата.
Палестинските милитантни групи и израелските власти се согласија да ја прекинат ескалацијата на конфликтот на границата меѓу Израел и Појасот Газа, но исламистичката група Хамас го обвинува Израел дека не ги испочитувал своите обврски за прекин на огнот, кои вклучуваат олеснување на блокадата на Газа, што треба да овозможи инфраструктурни проекти и создавање на нови работни места во оваа област.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Нетанјаху во ОН: Мојата земја се бори за живот
Израелскиот премиер Бенјамин Нетанјаху денеска во својот говор на Генералното собрание на Обединетите нации изјави дека неговата земја „се бори за својот живот“ и затоа немал намера да присуствува на ОН оваа година.
Како што додаде, откако слушнал „лаги и клевети“ од ОН, сепак дошол да ја каже вистината и да се пресмета, објави „Тајмс оф Израел“.
„Израел бара мир, Израел копнее по мир, Израел создаде мир и ќе го врати“, рече Нетанјаху.
Тој додаде дека, и покрај тоа, Израел е соочен со сурови непријатели кои сакаат негово уништување и предупреди дека тие исто така сакаат да ја уништат цивилизацијата.
„Мојата земја е во војна, се бори за својот живот. Мораме да се браниме од суровите убијци. Нашите непријатели не сакаат да не уништат само нас, туку и нашата заедничка цивилизација, како и да не вратат сите во мрачното доба на тиранијата и терор“, рече израелскиот премиер, пренесе Ројтерс.
Цитирајќи зборови на поет, Нетанјаху рече дека Израел „нема да оди мирно во ноќта“, објави „Тајмс оф Израел“.
Тој рече дека светлината на Израел ќе свети вечно, а на народот и војниците на таа земја им порача да бидат силни.
„Народот на Израел ќе живее сега, утре и засекогаш“, рече тој во своето обраќање.
Тој се обрати до ОН додека Израел продолжува со нападите врз позициите на Хезболах поддржани од Иран во јужен Либан, пренесува Ројтерс.
Во својот говор Нетанјаху го обвини Иран, нагласувајќи дека Израел се брани од Техеран на седум фронта.
„Нема место во Иран до кое долгата рака на Израел не може да допре. Ова важи и за целиот Блиски Исток. Израелските војници нема да бидат јагниња за колење, далеку од тоа, тие возвратија со неверојатна храброст“, рече Нетанјаху.
Во тој момент, дел од делегациите на средбата, меѓу кои и Иранците, ја напуштија салата, пренесе Ројтерс.
Израелскиот премиер додаде дека има уште една порака за собирот како и за светот, а тоа е дека Израел победува.
„Израел ќе продолжи со дискусиите за предлозите за прекин на огнот во Либан во наредните денови“, изјави претходно денеска Нетанјаху, пренесува Танјуг.
Тој рече дека неговата земја повеќе нема да ги толерира секојдневните ракетни напади на Хезболах, пренесе АП.
Свет
Метеоролозите во Велика Британија издадоа повеќе од 180 предупредувања за поплави
Британската метеоролошка служба издаде повеќе од 180 предупредувања за обилни врнежи и поплави во целата земја, а во тек е операција за спасување на возачите заглавени на поплавениот автопат М5, објавија денеска британските медиуми.
Како што јави „Скај њуз“, поплавен е и стадионот на локален фудбалски клуб, кој апелира за помош за санирање на последиците од невремето.
Дождот, кој паѓа со денови, најтешко ги погоди северните и централните делови на Англија и Велс предизвикувајќи голем прекин на сообраќајот во Милтон Кејнс, Оксфордшир, Кембриџшир, Лестершир и Западен Мидлендс.
Свет
На светот му требаат лидери кои не се за војна, изјави Орбан за поддршката за Трамп во Охрид
Унгарскиот премиер, Виктор Орбан, смета дека поранешниот претседател и актуелен кандидат за претседател на САД, Доналд Трамп се залага за мир во светот.
Одговарајќи на новинарско прашање во Охрид за поддршката за Трамп, Орбан изјави дека ако САД сакаат да имаат претседател кој е за војна, тогаш во светот ќе има војна, а ако сакаат да има мир, треба на чело на САД да биле политичар кој е за мир, а Доналд Трамп е за мир.
Тој рече дека Унгарија уште на изборите во 2016 година била поддржувач на Трамп, без намера да се меша во американските избори, иако постои мешање во унгарските избори.
Според него, политиката на Западот денес е во рацете на еден тесен круг политичари, на една елита.
„Ако се прашаме зошто како како Запад и како ЕУ губиме, тоа е поради тој елитистички круг на застарени политичари. Тие не можат да се справат со светските предизвици, па затоа треба да поддржиме енергични политичари. Западната елита нема свежа крв, таа е стегната во тесен круг и ги губи позициите на светската политичка сцена“, изјави Орбан.