Свет
Израел продолжува со напади во Газа како одговор на запаливи балони на терористичката Хамас
![](https://makfax.com.mk/wp-content/uploads/2020/08/25-izrael.png)
Израелските тенкови и авиони извршија нови напади врз целите на Хамас во Појасот Газа во текот на ноќта како одговор на лансирањето на т.н. запаливи балони преку границата, соопшти изралската армијата, пренесува „Анадолија“.
Израелската армија соопшти нејзините воени авиони и тенкови таргетирале тунел на Хамас и некои воени пунктови во јужниот дел на Газа. Палестински извори велат дека израелската војска бомбардирала празни полиња и некои набљудувачки пунктови, кои припаѓале на бригадите „Изеддин ал-Касам“, вооруженото крило на Хамас.
Нема извештаи за жртви и повредени. Израел ја бомбардира енклавата управувана од Хамас речиис секој ден од 6 август како одговор на воздушните пожари и поретко ракетите лансирани преку границата.
Разгорувањето доаѓа кога американскиот државен секретар, Мајк Помпео, вчера го посети Израел, а британскиот министер за надворешни работи, Доминик Рааб, денеска треба да одржи разговори во Израел и во палестинските територии.
Огнените балони – импровизирани запаливи уреди прикачени на надуени балони, кондоми или пластични кеси – предизвикаа неколку пожари на обработливо земјиште во јужен Израел и значителна штета на земјоделските култури. Тие се сметаат за обид на Хамас да ги подобри условите за неформално примирје, според кое Израел се обврза да ја олесни својата 13-годишна блокада за возврат за враќање на мирот на границата.
Но, реакцијата на Израел досега беше заострување на блокадата. Израел им забрани на рибарите од Газа да одат на море и ги затворија премините за стоки што минуваат преку територијата предизвикувајќи затворање на единствената електроцентрала во Газа поради недостиг од гориво.
Египетска делегација се обидува да посредува за обнова на примирјето, но досега без резултат. Египет во последните неколку години ги смируваше постојаните ерупции на насилства за да спречи повторување на трите војни што Израел и Хамас ги водеа од 2008 година.
Најновиот прекин на огнот, кој веќе беше обновен неколкупати, е засилен со милиони долари финансиска помош од Катар до Газа. Примирјето предвидува дозволи за работа во Израел за жителите на Газа и финансирање развојни проекти во Газа – двете мерки што ќе обезбедат одредено економско олеснување на сиромашна територија, каде што невработеноста надминува 50 отсто.
Според извор близок до Хамас, движењето сака проширување на индустриска зона на истокот на Газа и изградба на нов далновод. Хамас исто така сака бројот на израелските работни дозволи да се удвои на 10.000 по укинувањето на ограничувањата поради Ковид-19.
Во понеделникот претставниците на Хамас објавија 48-часовен полициски час на територијата кога беа потврдени четири случаи на коронавирус во кампот за бегалци во Појасот Газа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Трамп: Ќе депортираме мигранти без документи, тоа ќе биде крвава приказна
![](https://makfax.com.mk/wp-content/uploads/2024/09/396b85cc-2ea8-41db-a4eb-ef35a4bd7846.jpg)
Поранешниот американски претседател Доналд Трамп вчера ја засили својата антиимиграциска реторика предупредувајќи дека отстранувањето на мигрантите од САД би било „крвава приказна“, пренесуваат светските медиуми.
„И знаете дека нивното депортирање ќе биде крвава приказна. Никогаш не требаше да им биде дозволено да влезат во нашата земја. Никој не ги проверуваше“, им рече Трамп на поддржувачите на плановите за масовно отстранување на имигрантите без документи.
На 15 јули, Републиканскиот национален комитет ги објави и официјално ги усвои новите приоритети на имиграциската политика за време на Републиканската национална конвенција во Милвоки.
Во документот, според написите на локални медиуми, се ветува и враќање на „секоја имиграциска политика на администрацијата на Трамп“ и завршување на изградбата на граничниот ѕид. Исто така, повикува на зајакнување на имиграциското и царинското спроведување на САД, зголемување на казните за нелегални влегувања и враќање на политиката на Трамп „Остани во Мексико“.
Документот користи подиректен јазик во споредба со верзиите од 2016 и 2020 година, така што нема помирливи изјави за придонесот на имигрантите во земјата, пишува „Newsweek“. Овој тврд став е дополнително зајакнат со изборот на Трамп за потпретседател, сенаторот Џ.Д. Венс, кој ги поддржа повиците за масовна депортација на илегалните имигранти.
На републиканската национална конвенција во Висконсин, Венс ја повтори реториката на Трамп: „Мораме да ги депортираме луѓето кои ги прекршиле нашите закони кога дојдоа овде“.
Во својот говор на конвенцијата, тој ја поврза имиграцијата со станбените прашања: „Демократите ја преплавија оваа земја со милиони нелегални вонземјани. Граѓаните мораа да се натпреваруваат за скапоцени станови со оние кои не треба да бидат тука на прво место“.
Регион
Комбе полно со мигранти одбило да застане и удрило во столб: најмалку 10 повредени во Хрватска
![](https://makfax.com.mk/wp-content/uploads/2024/08/hrvatska-policija.jpg)
Десет лица се повредени во тешка сообраќајна несреќа што се случи рано утринава во Хрватска, кога комбе излетало од патот и удрило во столб.
Се испоставило дека комбето излетало од патот додека бегало од полицијата.
Според медиумите, полициските службеници, кои работеле на спречување илегален влез во Република Хрватска, околу три часот по полноќ ноќта од недела кон понеделник забележале видно натоварено комбе со швајцарски регистарски таблички.
Тие со светлосни и звучни сигнали се обиделе да го спречат за контрола, но возачот ги игнорирал полициските наредби и продолжил да вози зголемувајќи ја брзината.
За кратко време излетал од патот и удрил во столб. Повредените се пренесени во Општата болница во Славонски Брод и Нова Градишка.
Според написите, во сообраќајната несреќа се повредени 10 лица.
Полициски службеници продолжуваат со работа и вршат увиди, соопштија од полицијата.
Свет
Израелски пратеник: Почетокот на војната со Либан е прашање на денови, предградијата на Бејрут ќе бидат како Газа
![](https://makfax.com.mk/wp-content/uploads/2024/09/Screenshot-2024-09-09-083056.jpg)
Нисим Ватури, член на израелскиот Кнесет, тврди дека е „прашање на денови“ кога ќе избие вистинска војна меѓу Израел и Либан.
Член на Ликуд, владејачката партија на премиерот Бенјамин Нетанјаху, изјави за јавната телевизија „Кан“ дека по избувнувањето на војната, предградието на Бејрут Дахије – главното упориште на Хезболах – „ќе личи на Газа“.
„Нема друг начин. Ова е нешто што ќе се развива во наредните денови“, додаде Ватури, кој е и дел од парламентарната комисија за надворешни работи и одбрана. Тој тврди дека Нетанјаху вчера ги информирал воените претставници дека „мора да стават крај на оваа сага“, пишува „Тајмс оф Израел“.
Според него, војната треба да започне со превентивен напад како неодамнешниот за кој Израелците тврдат дека спречил планиран голем напад на Хезболах врз централен Израел. Сепак, Ватури нагласува дека овој пат превентивниот напад треба да трае најмалку 4-5 дена, по што би следела копнена инвазија.
Израел и Хезболах разменуваат оган речиси секојдневно откако Хамас го нападна Израел на 7 октомври. Тензиите дополнително се зголемија откако Фуад Шукр, врховен командант на исламистичката група, беше убиен во израелски воздушен напад врз упориште на Хезболах во јужните предградија на Бејрут на крајот на јули.