Свет

ИОМ: Треба да се обезбеди заштита и на мигрантите од пандемијата на Ковид-19

Објавено пред

1 месец

- 18 декември, 2020

Од

Оваа година бевме сведоци како пандемијата на Ковид-19 влијаеше на светот и значително ограничувајќи ја меѓународната мобилност. Истовремено, пандемијата на значително влијаеше и на животот на мигрантите. Некои мигранти се вратија во нивните земји на потекло поради глобалните рестрикции и се соочуваат со тешкотии при реинтеграцијата на пазарот на трудот. Многу сезонски мигранти исто така не беа во можност да работат поради ограничувањата за патување. Консеквентната загуба на дознаките од странство, заради Ковид-19, има катастрофално влијание врз животот и благосостојбата на безброј мигранти и нивните семејства во многу земји во светот. Меѓународните извештаи укажуваат на фактот дека во многу наврати мигрантите немале пристап до здравствена заштита и информации за превенција од Ковид-19. Случаи на ксенофобија, дискриминација и стигматизација се пријавени во многу земји, а дискриминацијата преовладувaла кога за мигрантите постела стигмата дека се носители на вирусот. Ова е случај, исто така, и со мигрантите кои се вратиле во нивните земји на потекло, кои биле стигматизирани бидејќи се сметало дека го носат вирусот со себе.

По повод Меѓународниот ден на мигрантите, генералниот директор на Меѓународната организација за миграции, Антонио Виторино, изјави дека „Човековите права не се ‘заработуваат’ поради тоа што сте херој или жртва, туку тие се право на секој, без оглед на потеклото, возраста, полот и статусот. Потребна е поддршка и заштита на мигрантите за да може тие целосно да придонесат кон нивното и нашето закрепнување. Како што вакцините стануваат достапни, на мигрантите, без оглед на нивниот статус, ќе мора да им се обезбеди правичен пристап. Глобалниот одговор кон Ковид-19 претставува можност повторно да стане реална човечката мобилност, да се спроведе визијата за Глобалниот договор за безбедна, уредна и регуларна миграција и да се создадат просперитетни, здрави и отпорни заедници. Ние, сите заедно, можеме да го оствариме тоа“.

На глобално ниво, бројот на меѓународни мигранти во 2019 година се искачи на 272 милиони, што претставува 3,5% од светската популација, 74% од сите меѓународни мигранти се на работоспособна возраст (20-64 години). Тажна реалност е дека во последните години се случија миграциски движења и раселувања во светот предизвикани од настани кои со себе донесоа големи страдања и трауми, како и загуба на човечки животи. За потсетување, на 18 декември 1990 година, Генералното собрание на Обединетите нации ја усвои Меѓународната конвенција за заштита на правата на работниците мигранти и членовите на нивните семејства, усвојувајќи го овој ден како Меѓународен ден на мигрантите.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:

Следно

Група деца пронајдени живи откако се изгубиле во пештера во близина на Москва

Претходно

Земјотрес ја погоди Ломбардија

Свет

Претседателот на Европскиот совет повика на итно ослободување на Навални

Објавено пред

5 часа

- 17 јануари, 2021

Од

Макфакс

Претседателот на Европскиот совет, Шарл Мишел, повика на итно ослободување на рускиот опозициски лидер, Алексеј Навални, откако беше приведен по враќањето од Германија во Русија.

„Апсењето на Навални по неговото пристигнување во Москва е неприфатливо“, рече Мишел. Тој ги повика руските власти веднаш да го ослободат Навални.

The detainment of Alexey #Navalny upon arrival in Moscow is unacceptable.
I call on Russian authorities to immediately release him.
— Charles Michel (@eucopresident) January 17, 2021

Рускиот опозициски лидер беше приведен вечерва на московскиот аеродром Шереметјево на пасошка контрола по враќањето во Русија од Германија, каде се лекуваше за наводното труење.

На неговата сопруга Јулија, како и неговиот портпарол и адвокат им беше дозволено да влезат во Русија.

Прикажи повеќе...

Свет

(Видео) Снег во Сахара

Објавено пред

6 часа

- 17 јануари, 2021

Од

Макфакс

Додека јануари носи снег во многу краеви на светот, во Сахара или на Блискиот исток тоа не е толку вообичаено. Сепак, овие денови ситуацијата таму е поинаква.

Снег падна во пустината Сахара, а во Саудиска Арабија температурите се спуштија и до минус 2 степени.

На снимките се гледа снег кој ги покрива песочните дини во Сахара.

Ice blankets the Sahara desert while snow falls in Saudi Arabia where temperature has dropped to -2C https://t.co/W2jgXaH3g5
— Daily Mail Online (@MailOnline) January 17, 2021

Алжирските овчари ги водеа своите овци низ снегот.

Снежните сцени сепак ги воодушевија Саудијците, кои меѓу другото во голем број се упатија кон пустината во регионот за да фотографираат. Во оваа област, температурата не паднала под нулата веќе 50 години.

Патем, снегот и мразот се многу ретки во пустините, но не и целосно невозможни. Температурата може значително да падне во текот на ноќта, но снегот обично се топи преку ден.

Прикажи повеќе...

Свет

(Видео) Навални приведен по слетувањето во Москва

Објавено пред

7 часа

- 17 јануари, 2021

Од

Макфакс

Рускиот опозициски политичар, Алексеј Навални, слета на аеродромот Шереметјево во Москва, по што беше приведен.

Неговиот авион беше пренасочен од аеродромот Внуково, каде што го чекаа приврзаниците и новинарите, пренесуваат агенциите. Првично пилотот најавил доцнење од 30 минути поради „технички проблеми“, а потоа ги известил патниците оти авионот е пренасочен и оти ќе слета на московскиот аеродром Шереметјево.

Video footage of the arrest of @navalny. #Navalny #Russia https://t.co/g9zJxEnqw5
— Yashar Huseyn (@yasharhuseyn) January 17, 2021

Полицијата уапси околу 10 приврзаници на Навални кои го чекаа на аеродромот во Внуково, а меѓу нив е и опозициската политичарка, Љубов Собољ.

❗️❗️Во Внуково задержали Соболь, Шаведдинова и Котова, передает наша корреспондентка. Видео: @MBKhMedia pic.twitter.com/uKji8qOpOy
— МБХ медиа (@MBKhMedia) January 17, 2021

Навални престојуваше во Германија каде се лекуваше поради наводното труење со отровот Новичок. За труењето тој ја обвини власта, а Русија негираше каква било вмешаност.

Нему од Москва му беше кажано дека ако не се врати во Русија до 30 декември, ќе биде уапсен бидејќи не ја издржал затворската казна до крај.

Пред да се качи во авионот во Берлин, Навални рече дека се чувствува „многу среќен“.

Прикажи повеќе...