Европската унија ја поздрави поддршката на Северна Македонија, Црна Гора, Србија и Албанија за одлуката за заострување на казнените мерки против Белорусија.

На 4 јуни Советот на Европската унија донесе одлука за заострување на постојните казнени мерки, имајќи ја предвид ситуацијата во Белорусија, со воведување забрана за летање на сите белоруски авиокомпании преку воздушниот простор на ЕУ и забрана за пристап до аеродромите на ЕУ, рече Европскиот министер за надворешни работи Жозеп Борел.

„Земјите кандидати (за членство во ЕУ) Северна Македонија, Црна Гора, Србија и Албанија и земјите-членки на Европската асоцијација за слободна трговија (ЕФТА), Исланд, Лихтенштајн и Норвешка, членки на Европската економска област, се приклучуваат на оваа Одлука на Советот. Тие ќе осигурат дека нивните национални политики се во согласност со оваа одлука на Советот. ЕУ ја забележува оваа обврска и ја поздравува “, рече Борел.

ЕУ ги заостри санкциите откако белоруските власти го принудија авионот на ирскиот превозник да слета во Минск, а потоа ги уапси истакнатиот опозициски активист Роман Проташевич и неговата девојка на аеродромот.

Шефовите на дипломатиите на земјите-членки на Европската унија денес, од истата причина, одобрија дополнителни санкции за 80 претставници на Белорусија.

Снимка од израелскиот министер за туризам, Јоел Развозов, како излегува од вода, ги обиколи социјалните мрежи, каде корисниците не престануваат да зборуваат за неговите мускули.

Снимката што го покажува мускулестото тело на израелскиот министер за туризам започна да се шири на социјалните мрежи, а насловот под видеото, покажува колку Израелците се воодушевени од неговиот изглед: „Нешто што заборавија да ни го кажат за новата влада: Јоел Развозов е најзгодниот министер за туризам што некогаш сме го имале“, пренесува „Телеграф“.

משהו ששכחו לספר לנו על הממשלה החדשה:
יואל רזבוזוב הוא שר התיירות הכי חתיך שהיה לנו pic.twitter.com/0JDaWjvMHc

— Eran Swissa (@EranSwissa) June 18, 2021

40-годишниот Развозов е близок соработник на Јаир Лапид, а пред да се определи за политичка кариера, тој бил успешен џудист. Го претставувал Израел на европски и светски шампионати, а боите на својата земја ги бранел дури и на Олимписките игри.

Јоел е од неодамна во политика, затоа што морал да ја заврши својата спортска кариера поради неколку повреди, но сепак е голем љубител на спортот и редовно оди на сурфање.

Видеото, кое почна да се шири на социјалните мрежи, покажува како министерот излегува од вода додека во рацете држи даска за сурфање, а ова видео многумина ги потсетило на познатите сцени од серијата „Чуварите на плажата“.

Видеото дури стигнало и до седница на владата, каде го споменал новоизбраниот премиер Нафтали Бенет, пишува „Тајмс од Израел“.

„Јоел, престани да правиш мажите да се срамат пред своите жени“, рекол Бенет алудирајќи на снимката.

Ниту Развозов не останал должен, па му одговорил на Бенет на сличен начин.

„Јас го правам тоа само за да ги рекламирам израелските плажи“, рекол министерот за туризам.

Се прават планови да се започне со производство на вакцини против коронавирус во Африка, поради зголемената загриженост за нееднаквиот пристап до вакцините за време на пандемијата.

Првиот центар за производство на вакцини ќе биде отворен во Јужна Африка, со помош на конзорциум, соопшти денеска Светската здравствена организација (СЗО). Јужноафриканскиот претседател Сирил Рамафоса ги поздрави плановите како важен чекор напред кон Африка, која ќе стане помалку зависна од увезените вакцини.

„ Никогаш не доаѓаат. Никогаш не пристигнуваат на време”, рече тој и дополни дека на тоа место исто така ќе се обучуваат квалификувани работници потребни за производство на вакцината.

„ Оваа иницијатива е прва од многуте што ќе ги поддржиме“, рече францускиот претседател Емануел Макрон.

„ Ова е одлична вест, особено за Африка, која има најслаб пристап до вакцини“, рече директорот на СЗО, Тедрос Аданом Гебреизус.

Центарот може да ги произведе првите вакцини во рок од девет до 12 месеци, ако сè оди според планот, рече експертот на СЗО, Соум Сваминатан. СЗО објави дека деталите за трансферот на технологија и соработката сепак треба да се договорат.

Државите разговараа за укинување на патентот за вакцини, за што особено се залагаа Јужна Африка и Индија при Светската трговска организација (СТО). Тедрос рече дека бројот на нови случаи во делови на Африка е зголемен за три пати, па дури и за четири пати, за неколку недели, делумно поради екстремно малата вакцинација.