Свет
Иран во карантин, забранети се и собири за време на рамазанските пости
Иран вoведе 10-дневен карантин во поголем дел од земјата за да го спречи ширењето на четвртиот бран на пандемијата на коронавирус, објавија државните медиуми. Од 31 провинција, 23 ќе бидат заклучени, изјави портпаролот на Министерството за здравство, Алиреза Раиси.
Сите продавници, училишта, театри и спортски објекти ќе бидат затворени, а забранети се и собири за време на рамазанскиот пост, кој започнува во среда.
Бројот на случаи со заразени во Иран надмина два милиони, со нов дневен просек од 20.000 заразени една недела.
Досега, 64.000 луѓе починаа од Ковид-19 во Иран.
„За жал, од денес го имаме четвртиот бран на пандемијата“, рече претседателот Хасан Рохани.
Зголемувањето на бројот на новозаразени тој го припишува на британска варијанта на вирусот што се шири низ Иран од соседен Ирак. Но, како што вели, не помогнале ниту масовните патувања, свадби и прослави.
Британската варијанта на коронавирус сега е доминантна во земјата, а 257 градови се означени како црвени зони.
Иран стана епицентар на пандемијата на Блискиот исток. Вакцинацијата оди многу бавно, а досега од Русија пристигна нарачка со околу два милиони дози вакцина Спутник V. Повеќе од 400.000 дози пристигнаа во Техеран.
Пристигнаа и 250.000 дози кинеска вакцина Синофарм и дел од нарачката од 500.000 дози индиски COVAXIN.
Иран сега чека испорака на 4,2 милиони дози од вакцината Астра Зенека.
Иран има 83 милиони жители.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија потврди дека извршила напад врз украински воени и енергетски објекти
Руското Министерство за одбрана соопшти денеска дека Москва синоќа извршила напад врз украинските воено-индустриски и енергетски објекти како одговор на тоа што го нарече „терористички напади“, објавија светските агенции.
„Како одговор на терористичките напади на Украина врз цивилни објекти на руска територија, синоќа вооружените сили на Руската Федерација извршија напад со високопрецизно оружје и беспилотни летала врз претпријатија од воено-индустрискиот комплекс на Украина и енергетски објекти кои го обезбедуваат нивното работење. Целите на нападот се исполнети. Сите целни објекти се погодени“, се вели во соопштението на министерството.
Во меѓувреме, Каспискиот козорциум за гасовод (КТК) денеска соопшти дека ги прекинал своите операции откако неговото пристаниште во Русија на брегот на Црното Море било сериозно оштетено во напад од украински воени беспилотни летала.
Свет
162 лица загинаа во поплавите во јужен Тајланд
Портпаролот на тајландската Влада, Сирипонг Ангкасакулкиат денеска изјави дека 162 лица го загубиле животот во поплавите во јужен Тајланд, пренесуваат агенциите.
Околу еден милион домаќинства и повеќе од три милиони луѓе се погодени во поплавите во 12 провинции во јужен Тајланд предизвикани од обилните дождови во последните неколку дена.
Тајландскиот премиер Анутин Чарнвиракул претходно прогласи вонредна состојба во провинцијата Сонгкла. Поплавите го погодија и најголемиот град во јужен Тајланд, Хат Јаи.
Свет
Без струја останаа повеќе од 600.000 луѓе по руските напади во Украина
Повеќе од 600.000 луѓе останаа без електрична енергија во Украина по руските напади со ракети и беспилотни летала, соопшти украинското Министерство за енергетика.
„Како резултат на нападите, повеќе од 500.000 потрошувачи во Киев и повеќе од 100.000 потрошувачи во неговиот регион останаа утринава без електрична енергија“, наведе Министерството.
Како што беше додадено, речиси 8.000 луѓе во регионот на Харков останаа без електрична енергија. Нападите започнаа синоќа и продолжија утрово.

