Свет
Исламистите во Турција туркаат закон за да ги принудат социјалните мрежи да оддаваат информации
![](https://makfax.com.mk/wp-content/uploads/2020/07/23-erdogan.png)
Партијата на турскиот претседател Реџеп Таип Ердоган промовира закон со кој се обидува да го потисне правото на граѓаните да објавуваат слободно на социјалните мрежи, принудувајќи ги компаниите да цензурираат или да се соочат со казни и ограничувања, пренесува „Брејтбарт“.
„Гласот на Америка“ (ВОА) во вторникот објави дека сојузниците на Ердоган во Големото национално собрание на Турција во моментов изготвуваат законодавство, кое, ако биде донесено, ќе ги принуди социјалните мрежи, вклучувајќи ги „Твитер“, „Фејсбук“ и „Гугл“, да назначат правен претставник во Турција за да одговорат на судските барања со кои се бара отстранување содржини или откривање на идентитетот на корисниците.
Компаниите кои нема да го испочитуваат новиот закон во рок од еден месец од денот на влегувањето во сила ќе се соочат со постепено зголемување на казните и намалувањето на опсегот до 90 отсто.
Ердоган прв го објави предлогот на 1 јули откако корисниците на социјалните мрежи објавија навредливи коментари на веста дека неговата ќерка и зет го добиле своето прво дете. Полицијата веднаш почна истрага и уапси 11 лица зад 19-те вклучени профили од кои било коментирано.
Навредата на претседателот е кривично дело во Турција.
„Овие платформи не одговараат на оваа нација. Ние сакаме да ги затвориме, да ги контролираме со предлог-законот во парламентот што е можно поскоро “, изјави Ердоган на неодамнешната средба со членовите на неговата партија „Правда и развој“ (АКП).
Ердоган бараше законот да помине низ брза постапка во парламентот. Во вторникот пратениците доставија предлог-закон за кој генералното собрание ќе расправа следната недела.
Слободата на медиумите стана сериозен проблем во Турција последните години. По неуспешниот пуч против Ердоган во 2016 година, тој ги искористи своите овластувања за апсење, заплашување, малтретирање, цензура или прогон на оние кои се сметаат за закана за неговиот авторитет. Од 2019 година, режимот на Ердоган затворил повеќе новинари од која било друга земја во светот.
„Слободата на изразување во Турција е под постојан и зголемен напад. Од неуспешниот обид за пуч во јули 2016 година, академски граѓани, новинари и писатели кои ја критикуваат владата ризикуваат криминална истрага и гонење, заплашување, вознемирување и цензура“, истакнаа од „Амнести интернешнл“.
„Заедно со затворањето на најмалку 180 медиуми со извршна наредба под вонредна состојба, пораката и ефектот врз слободата на медиумите е јасна и вознемирувачка. Тежината на репресијата на турската влада врз медиумите е таква што од некои е опишана како смрт на новинарството“, додаваат од организацијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Исчезнатото осумгодишно девојче Нарин Гуран е најдено убиено и фрлено во торба (ВИДЕО)
![](https://makfax.com.mk/wp-content/uploads/2024/09/devojce.jpg)
Безживотното тело на осумгодишното девојче Нарин Гуран, кое исчезна во турската провинција Дијарбекир на 21 август, беше пронајдено во поток недалеку од селото во кое живееше, по 19 дена потрага.
Телото на девојчето е однесено на обдукција во Институтот за судска медицина, јавува Anadolu Agency, а според првичните сознанија, девојчето било убиено, а телото било ставено во торба и фрлено на брегот на потокот. Чантата била покриена со гранки и камења на начин што нема да предизвика сомнеж, пишуваат турските медиуми.
Откако Нарин Гуран беше пријавена за исчезната, започна копнена и воздушна потрага во регионот.
Во рамките на истрагата, површина од 11.000 квадратни метри беше пребарана од 2.000 луѓе, како и два хеликоптери и 48 воздушни дронови. Биле прегледани околу 150 возила за кои било утврдено дека минувале по патот во часовите кога Нарин исчезнала.
Се претресувале куќи во населбата и возила кои влегувале во селото. Исто така, 24 нуркачи пребарале пет потоци, три езера, 18 бунари и 24 километри водени канали. При претресот користени се и подземни уреди за снимање.
Жандармеријата во придружба на истражниот обвинител со подземен апарат за снимање ги пребараа соседните гробишта, особено гробовите на оние кои неодамна беа погребани. Сепак, не беа пронајдени траги. Беа испитувани и членови на семејството, меѓу кои и братот и вујкото на исчезнатото девојче, кој е приведен. Нарин Гуран била пријавена за исчезната од нејзиниот татко на 21 август вечерта, откако девојчето не се вратило од верска настава, а семејството и соседите кои веднаш почнале да ја бараат не успеале да ја најдат.
Министерот за внатрешни работи Али Јерликаја денеска соопшти дека телото на девојчето го пронашле припадници на жандармеријата и упати сочувство до семејството. Турската јавност е во шок поради ова брутално злосторство, а властите најавија дека одговорните ќе бидат најстрого казнети.
Diyarbakır’ın Bağlar ilçesine bağlı Tavşantepe Mahallesi’nde 19 gündür aranan Narin Güran'ın cansız bedeni köye 3 km mesafedeki dere yatağında bir çuval içinde
bulundu..
Bunu yapanların hiçmi vicdanı yoktu.. Allah b*lanızı versin..#narinbulundu#Narin
////// pic.twitter.com/Tv9hk9fbjk— 🇹🇷KUZEYİNOĞLU🇹🇷 (@__KUZEYINOGLU) September 8, 2024
Свет
Од строго чуван затвор во Португалија побегнаа петмина затвореници
![](https://makfax.com.mk/wp-content/uploads/2023/07/R.jpg)
Петмина затвореници, меѓу кои еден Британец, Аргентинец и Грузиец, како и двајца Португалци, побегнаа од строго чуваниот затвор во Вале де Жудеуш, 30 км северно од Лисабон, соопштија португалските власти.
Според португалската затворска служба, мажите на возраст од 33 до 61 година побегнале вчера во 10:00 часот со помош однадвор, користејќи скали за да ја прескокнат затворската ограда. Полицијата веднаш била испратена за да ги пронајде бегалците, соопштија властите.
Двајцата Португалци служеле казни од 25 години за дела поврзани со трговија со дрога, кражби, грабежи и киднапирања. Останатите тројца исто така биле осудени за слични кривични дела.
Затворот Вале де Жудеуш е строго обезбеден и има капацитет од 560 затвореници.
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.