Свет
Испуштиле џекпот од речиси 200 милиони евра зашто не успеале да го уплатат ливчето

Момче и девојка од Велика Британија ја пропуштија шансата да земат речиси 200 милиони евра на џекпот на „Јуромилионс“ бидејќи не успеале да го уплатат износот на добитното ливче. Тие долго време ги пишувале истите броеви и кога, конечно, биле извлечени како добитни, тие имале проблем со платежната картичка.
Рејчел Кенеди (19) и Лијам Мекрохан (21) од Хертфордшир биле апсолутно скршени кога сфатиле дека нивниот број излегол и тие не го уплатиле тикетот, пренесува „Сан“.
Двајцата студенти ги играа победничките броеви 6, 12, 22, 29, 33, 6 и 11 пет недели по ред пред да се појават сите седум цифри на ждрепката во петокот.
Сметката на Рејчел беше поставена за автоматско купување билет во „Јуромилионс“ со нејзините вообичаени броеви, но бидејќи нејзината сметка немала доволно средства, плаќањето на билетот не поминало. Но, кога ја проверила апликацијата, таа имала известување дека нејзините вообичаени броеви се победнички – па помислила дека го добила џекпотот.
„Апликацијата ми покажа ‘победнички и помислив: ‘О, боже, победив’. Затоа ги повикав моето момче Лијам и мајка ми во собата и тие не можеа да поверуваат. Се јавив на бројот мислејќи дека освоив 182 милиона фунти и тие ми одговорија: ‘да, ги имате вистинските броеви, но немавте средства на вашата сметка за плаќање на билетот’, па всушност не поминала уплатата“, рекла Рејчел.
Лијам, кој студира економија, веќе правеше планови за тоа како ќе ги потрошат парите.
„Бев апсолутно скршен кога разбравме дека не сме добиле џекпот. Си ги имав замислено куќата и авотмобилот од соништата“, рече Лијам.
Рејчел повеќе не им верува на своите среќни броеви. Таа мисли дека тие не ѝ носат среќа, па ги смени со нови за следното играње.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Иран потврди: Израел ни уби уште двајца генерали

Иран потврди дека уште двајца високи воени функционери се убиени во израелските воздушни напади: генерал Голамреза Мехраби, заменик-началник на разузнавањето на Генералштабот на вооружените сили, и генерал Мехди Рабани, заменик-началник на операциите. Нивните имиња беа објавени од иранската државна телевизија, но не беше прецизирано каде загинале.
Потврдата доаѓа откако Иран веќе ја призна смртта на неколку клучни воени и политички личности во истите напади, вклучувајќи ги:
– Генерал Хосеин Салами, командант на Иранската револуционерна гарда (ИРГЦ);
– Генерал Мохамад Багери, началник на Генералштабот на вооружените сили;
– Генерал Голам Али Рашид, командант на штабот Хатам-ал Анбија;
– Генерал Амир Али Хаџизаде, началник на воздухопловниот оддел на ИРГЦ;
– Али Шамхани, поранешен секретар на Врховниот совет за национална безбедност и советник на Врховниот лидер.
Израелскиот премиер Бенјамин Нетанјаху изјави дека нападите биле насочени кон военото и научното раководство на Иран да ја запре неговата нуклеарна програма.
Нетанјаху го повика иранскиот народ да се спротивстави на сопствениот режим, велејќи дека постапките на Израел „го отвораат патот“ кон слободата.
Регион
Двојно убиство во гаража во Загреб, соседите слушнале десетина истрели

Полицијата во Загреб вчера спроведе истрага на улицата Црна вода, каде што во гаражата на станбена зграда се пронајдени тела на маж и жена со прострелни рани.
Како што потврди Полициската управа во Загреб, во 19:08 часот е примена пријава за истрели, по што полицајците веднаш излегле на местото на настанот. Тела со видливи прострелни рани се пронајдени во автомобил паркиран во гаражата на зградата.
Полицијата се сомнева во убиецот и дека потрагата по него е во тек. Исто така истражителите се сомневаат во мотоцикл и Кеди што ги виделе на снимките од видео надзорот.
Соседите велат дека слушнале околу десетина истрели во времето на пукањето. Според нив, жената живеела во станот со нов партнер по разводот. Тие биле станари.
Исто така, соседите велат дека жената требало да го земе своето дете од училиште денес, но не се појавила. Според нив, нејзиниот поранешен сопруг, загрижен за ова, ја контактирал полицијата. Безживотните тела на жената и нејзиниот нов партнер набрзо беа пронајдени во автомобил во гаража во Црна Вода.
Поради сомневање за двојно убиство, на местото на настанот се спроведува истрага на лице место и кривична истрага. Засега нема официјални информации за идентитетот на жртвите или евентуалниот сторител.
Повеќе информации се очекуваат по завршувањето на истрагата на лице место, која ја води заменик-окружниот државен обвинител во Загреб.
Свет
Пејач преживеал пад на авион, седел на истото седиште со единствениот жив патник од индиската авионска катастрофа

Тајландскиот пејач Руангсак Лојчусак раскажа како ја преживеал авионската несреќа во 1998 година во која загинаа 101 патник, седејќи на седиштето 11А – исто како и единствениот преживеан од катастрофата на Ер Индија.
Руангсак Лојчусак, 47, бил на летот „TG261“ на Тај ервејс од Бангкок до Сурат Тани кога авионот ја изгубил контролата и се урнал во мочуриште додека се обидувал да слета.
Трагедијата одзела животи на 101 од 132 патници и 14 членови на екипажот, додека 45 лица биле повредени.
Вчера, Руангсак рече дека почувствувал морници по телото кога видел дека единствениот преживеан од несреќата на Ер Индија во Ахмедабад, британскиот патник Вишвас Кумар Рамеш, бил на седиштето 11А кога неговиот авион се урнал и удрил во зграда, објавува „Дејли меил“.
Thai singer “James” Ruangsak Loychusak posted on social media about Thursday’s plane crash in India, where there was only one survivor. What caught his attention was a strange coincidence: the survivor was seated in 11A – the exact same seat James was in when he miraculously… pic.twitter.com/DmE0lcfDjs
— Bangkok Post (@BangkokPostNews) June 13, 2025
„Единствениот преживеан од авионската несреќа во Индија седеше на истото седиште како и јас, 11А“, рече Лојчусак.
„Сакам да изразам сочувство до сите што ги загубија своите најблиски во трагедијата“.
Иако пејачот повеќе нема билет од фаталниот лет, тој рече дека вестите од тоа време го потврдија бројот на неговото седиште.
Лојчусак, исто така, опиша дека го живее „вториот живот“ откако ја преживеал катастрофалната несреќа.
„Десет години по несреќата имав проблеми со летањето. Се мачев да дишам, иако циркулацијата на воздухот ми беше нормална“, рече тој.
„Избегнував да разговарам со никого и постојано гледав низ прозорецот, не дозволувајќи никому да го затвори, за да одржам чувство на сигурност.“
„Ако видов темни облаци или дожд надвор, се чувствував ужасно, како да сум во пеколот“.