Свет
Италија ги заострува мерките – ситуацијата е критична
Италија најави нови построги мерки поради зголемениот број позитивни случаи на Ковид-19 во земјата. Ова следи по рекордниот број, втор ден по ред, што беше регистриран во земјата.
Вчера беа забележани 11.705 нови случаи на коронавирус, а во саботата 10.925 нови инфекции.
Италија е една од најтешко погодените европски земји во првиот бран на епидемијата и има втор најголем број на смртни случаи во Европа, по Велика Британија.
Од почетокот на епидемијата, според официјалните податоци, во таа земја починале 36.543 лица.
Италијанскиот премиер Џузепе Конте синоќа им се обрати на новинарите, велејќи дека стратегијата не може да биде иста како и минатата пролет, бидејќи во меѓувреме е научено и направено многу, но дека „ситуацијата е критична“.
Ситуацијата ќе се следи од ден на ден, од општина до општина, пренесува „Јутарњи лист“, а на градоначалниците им е дадено право да затворат сè по 21 часот. Практично, тоа значи повремен полициски час, додава весникот.
Сепак, децата сè уште одат во градинки и пониски одделенија во основното училиште, од шесто одделение па нагоре, наставата е флексибилна па така, онлајн часовите и одењето во училиште се комбинирани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија потврди дека извршила напад врз украински воени и енергетски објекти
Руското Министерство за одбрана соопшти денеска дека Москва синоќа извршила напад врз украинските воено-индустриски и енергетски објекти како одговор на тоа што го нарече „терористички напади“, објавија светските агенции.
„Како одговор на терористичките напади на Украина врз цивилни објекти на руска територија, синоќа вооружените сили на Руската Федерација извршија напад со високопрецизно оружје и беспилотни летала врз претпријатија од воено-индустрискиот комплекс на Украина и енергетски објекти кои го обезбедуваат нивното работење. Целите на нападот се исполнети. Сите целни објекти се погодени“, се вели во соопштението на министерството.
Во меѓувреме, Каспискиот козорциум за гасовод (КТК) денеска соопшти дека ги прекинал своите операции откако неговото пристаниште во Русија на брегот на Црното Море било сериозно оштетено во напад од украински воени беспилотни летала.
Свет
162 лица загинаа во поплавите во јужен Тајланд
Портпаролот на тајландската Влада, Сирипонг Ангкасакулкиат денеска изјави дека 162 лица го загубиле животот во поплавите во јужен Тајланд, пренесуваат агенциите.
Околу еден милион домаќинства и повеќе од три милиони луѓе се погодени во поплавите во 12 провинции во јужен Тајланд предизвикани од обилните дождови во последните неколку дена.
Тајландскиот премиер Анутин Чарнвиракул претходно прогласи вонредна состојба во провинцијата Сонгкла. Поплавите го погодија и најголемиот град во јужен Тајланд, Хат Јаи.
Свет
Без струја останаа повеќе од 600.000 луѓе по руските напади во Украина
Повеќе од 600.000 луѓе останаа без електрична енергија во Украина по руските напади со ракети и беспилотни летала, соопшти украинското Министерство за енергетика.
„Како резултат на нападите, повеќе од 500.000 потрошувачи во Киев и повеќе од 100.000 потрошувачи во неговиот регион останаа утринава без електрична енергија“, наведе Министерството.
Како што беше додадено, речиси 8.000 луѓе во регионот на Харков останаа без електрична енергија. Нападите започнаа синоќа и продолжија утрово.

