Свет
Како „Шпигел“ ја претстави политиката на Трамп, а како на Бајден

Германскиот неделник „Шпигел“ во февруари 2017 година објави насловна страница која како пожар се прошири на социјалните мрежи, а вчера објави уште една насловна страница поврзана со претходната.
Првиот случај беше откако Трамп потпиша една од своите извршни одлуки со кои ги затвори вратите на бегалците од седум земји со мнозинско муслиманско население, тврдејќи дека со тоа ги брани верските слободи.
На насловната страница осамна цртеж од Доналд Трамп кој во едната рака ја држи отсечената глава на статуата на слободата, а во другата крвав нож.
Покрај слката пишуваше „Америка најпрво“.
Станува збор за насловна страница од 4 февруари 2017 година која привлече големо внимание, а на денот кога Бајден беше прогласен за нов претседател на САД, „Шпигел“ се реши да се наврати на тоа издание.
Така неделникот вчера објави насловна страница на која Бајден се качува на стол и ја враќа главата на статуата на слободата.
Тој носи маска и сино одело, а на насловната страница пишува: „Да ја направиме Америка повторно голема“ (Make America great again), што пак беше слоганот на Трамп за изборите во 2016.
Германската канцеларка Ангела Меркел, за која е познато дека имаше деликатен политички однос со Трамп, меѓу првите му го честиташе изборот на демократскиот кандидат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Медведев за неидентификуваните дронови: Важно е што глупавите Европејци ја чувствуваат опасноста од војна на своја кожа

Дмитри Медведев, поранешен руски претседател и сегашен заменик-претседател на Рускиот совет за безбедност, објави порака на Телеграм за она што го нарече „епидемија на неидентификувани дронови“ во Европа.
Тој тврди дека леталата „летаат насекаде, во близина на воени бази, аеродроми, над градови“, но дека „останува нејасно чии се“.
„Кои се верзиите?“, прашува Медведев, а потоа наведува пет можни објаснувања:
„1. Провокации од украински нацисти со цел зголемување на испораките на оружје и провоцирање војна.
2. Активности на проруски подземни групи во овие земји за дестабилизација на животот во ЕУ.
3. Тестирање на силата на нивните системи за воздушна одбрана од страна на локалните разузнавачки агенции.
4. Лудории на локалните будали за забава.
5. Директни лансирања на дронови од Русија“.
Медведев потоа коментира за секоја верзија. „Првото е доста веројатно, иако патеката на обичен дрон обично може да се проследи. Група бесмислени украински дезертери живеат во Европа. Лансирањето дронови во Европа е побезбедно отколку на бојното поле.“
„Нашите агенти и кртови чекаат посебна наредба“
За второто, тој вели дека е „теоретски можно, но сепак сомнително“ и додава: „Луѓето наклонети кон нашата земја не би ги потрошиле своите ресурси со излегување од нелегалноста. Нашите „агенти и кртови“ чекаат посебна наредба.“
Тој го нарекува третото објаснување „функционално“: „Да, разузнавачките служби и националните вооружени сили треба да ја тестираат својата подготвеност за одбивање на напади со дронови“. За четвртото, тој пишува: „Секако, локалните мрзливци би можеле да се забавуваат лансирајќи дронови. Зошто да не ги вознемирите вашите бирократи? Убав начин да се направи тоа!“ Во врска со петтото објаснување, тој вели дека „рускиот претседател зборуваше за тоа опширно“ и дека „нема што да се додаде“.
„Всушност, која било од горенаведените причини, или комбинација од нив, би можела да биде причина за оваа паника околу „руските беспилотни летала““, пишува Медведев.
„Но тоа не е важно. Важно е што глупавите Европејци ја чувствуваат опасноста од војна на своја кожа. Дека се плашат и треперат како глупави животни во стадо кое се води на колење. Можеби тогаш ќе разберат што е војна. И ќе им ги откинат главите на своите копилиња како Мерц и Макрон, кои заработуваат пари и политички поени на крв“, вели Медведев, пренесуваат медиумите.
Изјавата доаѓа по серија извештаи за беспилотни летала забележани во близина на воени бази, аеродроми и над градови во неколку европски земји, што предизвика дебата за потеклото на леталата и кој има мотив да ги лансира. И Данска и Германија тврдат дека беспилотните летала биле испратени од Русија.
Фото: принтскрин
Регион
Убиен судија на Апелациониот суд, во судница во Тирана

Судијата Астрит Каљаја беше убиен денес во Апелациониот суд во Тирана додека траеше рочиштето.
Напаѓачот, засега непознат, влегол во судницата и го застрелал Каљаја, кој бил однесен во болница каде што му била пружена медицинска помош, објавува „Албанија пост“.
На местото на настанот, според медиумот, има бројни полициски сили, кои веднаш го уапсиле осомничениот сторител, а како што се наведува, идентитетот на напаѓачот и мотивите на нападот засега се непознати.
Судијата Астрит Каљаја служел со години во албанскиот судски систем, а неодамна во Апелациониот суд во Скадар.
Тој го поминал процесот на верификација во 2019 година, каде што бил потврден на функцијата од Независната квалификациска комисија, а потоа и од Специјалниот жалбен панел во 2022 година.
Фото: принтскрин
Свет
Кубилиус: Русите можеби се подготвени да го нападнат НАТО

Европксиот комесар за одбрана Андриус Кубилиус изјави дека германското разузнавање има докази дека Кремљ размислува за напад врз НАТО. Во интервју за полскиот весник „Виборча“ рече дека таквите информации треба да се сфатат исклучително сериозно.
„Верувам во специјалните служби. А германските разузнавачки служби тврдат дека имаат докази дека Кремљ зборува за напад врз НАТО. Ако зборуваат, дали го планираат тоа? Не знаеме. Но, ваквите сигнали мора да се сфатат сериозно. Можно е тие навистина да се подготвени за војна. Мора да се подготвиме и да учиме не само од искуствата на Украинците, туку и од Русите“, рече Кубилиус.
Тој нагласи дека руските сили плаќаат ужасна цена на бојните полиња, но дека тоа не значи дека Кремљ е незадоволен од постигнатото. „Путин требаше да дојде во Киев три дена по почетокот на војната. Но, за време на конфликтот, начинот на водење на војна се промени. Не смееме да заборавиме дека Русите успеаја да се прилагодат на оваа технолошка трансформација. И покрај огромните загуби, Русија е сè уште способна да произведува оружје, муниција и воена опрема во голем обем“, рече тој.
Неговите изјави доаѓаат во време кога Европа сè повеќе дискутира за потребата од зајакнување на одбранбените капацитети и намалување на зависноста од надворешни партнери. Комесарот за одбрана предупредува дека Унијата се соочува со реална закана и дека мора стратешки да инвестира во одбранбената индустрија и да се подготви за сценарио во кое Русија би можела да ги таргетира и членките на НАТО.
Додека Кубилиус и западните разузнавачки служби предупредуваат за можни планови на Кремљ, рускиот претседател Владимир Путин неодамна ги отфрли ваквите тврдења во јавни настапи, нарекувајќи ги „глупости“.
Фото: принтскрин