Свет
Камала Харис ја прифати номинацијата за потпретседателка на САД
![](https://makfax.com.mk/wp-content/uploads/2019/12/w_55679063.jpg)
Камала Харис ја прифати номинацијата на Демократската партија за потпретседателски кандидат на американските претседателски избори. За време на нејзиниот говор по номинацијата, таа ја истакна важноста на 100-годишнината од 19. амандман на Уставот на САД што на жените и овоможи да гласаат.
Харис рече дека е „посветена на вредностите на кои ја научила мајка и, посветена на тоа да научи да чекори со вера, а не со поглед, посветена на визијата што ја споделуваат генерации Американци – таа што ја негува Џо Бајден“.
„Тоа е визијата на нашата нација како сакана заедница, каде сите се добредојдени, без разлика на изгледот, потеклото или кого сакаме“, рече таа.
Харис го предизвика и претседателот Доналд Трамп и ги прозва теориите на заговор и расизмот во денешна САД, што често пати се поврзани со Белата куќа.
„Денеска оваа нација се чувствува одалечено. Неуспехот на лидерството на Доналд Трамп не чинеше животи и животни шанси“, додаде Харис.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
75-годишна жена скокнала од тераса бегајќи од синот кој ја тепал: насилство во Грција
![](https://makfax.com.mk/wp-content/uploads/2024/09/Screenshot-2024-09-09-083700.jpg)
75-годишна жена била тешко повредена кога паднала од тераса бегајќи од синот кој силно ја тепал.
Грчката полиција добила дојава дека жена паднала од терасата во Агринио, откако синот ја бркал.
Несреќната жена бегајќи од својот полуден син се фрлила од терасата и се здобила со бројни скршеници на рацете, нозете и карлицата. Во тешка состојба е пренесена во болница.
Според истрагата, синот прво вербално, а потоа и физички ја нападнал мајката. Таа се фрлила од терасата кога тој се фатил за железна прачка за да ја претепа.
Полицијата вчераутро го привела синот, кој се товари за семејно насилство и нанесување тешка телесна повреда, пренесуваат локалните медиуми.
Свет
Четиригодишно девојче оставено во автомобил во Аризона, починало од жештините
![](https://makfax.com.mk/wp-content/uploads/2024/09/djevojcicu-4-u-arizoni-porodica-ostavila-u-autu-umrla-od-vrucine-curica-sad_66deb3cc5accc.jpg)
Четиригодишно девојче од Баки, Аризона, починало вчера откако поминало неколку часа во вжештениот автомобил, јавува ABC News.
Членовите на семејството на девојчето во полиција изјавиле дека од паркот се вратиле околу 14 часот. Откако стигнале дома, сфатиле дека четиригодишното девојче го нема, па почнале да го бараат, пренесува Индекс.
Два часа подоцна, девојчето било пронајдено во несвест во возилото надвор од домот, соопшти полицијата на Баки. Семејството контактирало со полицијата околу 17 часот.
„Полицајците пристигнаа и веднаш почнаа со компресија на градниот кош на четиригодишното девојче и се обидоа да користат дефибрилатор пред да пристигнат болничарите за да го пренесат детето во болница. Девојчето е прогласена за почината во болница“, соопшти полицијата.
Вчера температурата во Баки беше над 38 степени, соопшти Националната метеоролошка служба. Полицијата е во рана фаза на расветлување на овој случај.
Регион
Нападната амбасадорката на Србија во Мадрид
![](https://makfax.com.mk/wp-content/uploads/2024/09/ae9a10f0-84e8-4941-a7ac-90cb4a520086.jpg)
Министерот за надворешни работи на Србија, Марко Ѓуриќ, најостро го осуди физичкиот напад врз српската амбасадорка во Шпанија, Ирена Шарац, што, како што рече, се случи во центарот на Мадрид.
„Најостро го осудувам физичкиот напад врз амбасадорката Шарац во центарот на Мадрид. Бараме целосна истрага и одговорност од сите власти за овој безобразен инцидент и чин на насилство врз највисокиот дипломатски претставник на нашата земја“, изјави за Танјуг шефот на српската дипломатија Марко Ѓуриќ.
Според Танјуг, во центарот на Мадрид, млад човек физички ја нападнал српската амбасадорка во Шпанија, на улицата каде што живее и и нанел повреди на грбот.
Од изјавите на присутните сведоци и по неговиот говор, според написите, постои сомнеж дека тој по потекло е од Албанија.
Според очевидци, на амбасадорката, кој телефонски разговарала на српски јазик, и пришол помлад човек и ја прашал дали е од Србија, по што тој ја удрил со нога во грбот и побегнал.
Неколку сведоци потоа неуспешно се обиделе да го фатат напаѓачот. Нападот бил пријавен во полиција, која пристигнала на местото на настанот.
Амбасадорката е во добра состојба, вели извор за Танјуг.