Илјада мигранти од Хондурас ја преминаа границата со Мексико и се упатија кон американската граница наспроти предупредувањата на мексиканските власти дека ќе ги депортиртаат оние без соодветни документи и заканите на американскиот претседател Доналд Трамп, дека ќе испрати војска да ја затвори границата со Мексико и ќе ја спречи помошта помошта за одделни централноамерикански држави.

Во вториот караван мигранти од Централна Америка, кои се движат преку Мексико кон САД, има над илјада мажи, жени и деца, кои бегаат од сиромаштијата и насилството во Хондурас.

Мигрантите за време на викендот ја поминале илегално границата меѓу Гватемала и Мексико, а ги пречекале стотина припадници на мексиканската федерална полиција. За да избегнат блокада, поединци одлучиле да пливаат до мексиканската територија.

„Ги ризикувавме животите за да ја поминеме реката, бидејќи во Хондурас нема добар живот. Нема иднина“ рекол бегалец од Хондурас.

Мексиканските и американските власти побараа од мигрантите напрво да поднесат барање за азил во Мексико. Но многумина од страв од депортација, одлучиле да го продолжат патот кон Америка, наспроти заканите на американскиот претседател дека на границата ќе ги пречека војската.